ads
ads
गोदावरी, कावेरी लवकरच जोडणार

गोदावरी, कावेरी लवकरच जोडणार

•नितीन गडकरी यांची घोषणा, अमरावती, २१ जानेवारी – दक्षिणेतील…

सिद्धगंगा मठाधीश शिवकुमार स्वामीजी यांचे निधन

सिद्धगंगा मठाधीश शिवकुमार स्वामीजी यांचे निधन

बंगळुरू, २१ जानेवारी – प्रख्यात गुरुवर्य आणि कर्नाटकच्या तुमकुरू…

कुंभात १ कोटी भाविकांचे संगम-स्नान

कुंभात १ कोटी भाविकांचे संगम-स्नान

प्रयागराज, २१ जानेवारी – पौष पौर्णिमेच्या पावन पर्वावर सुमारे…

आणिबाणी जाहीर करण्याची ट्रम्प यांची धमकी

आणिबाणी जाहीर करण्याची ट्रम्प यांची धमकी

►मेक्सिको सीमेवरील भिंतीचा वाद पेटणार, वॉशिंग्टन, १० जानेवारी –…

विक्रम मिस्री चीनमधील नवे राजदूत

विक्रम मिस्री चीनमधील नवे राजदूत

►पदभार स्वीकारताच केली द्विपक्षीय मुद्यांवर चर्चा, बीजिंग, ८ जानेवारी…

शटडाऊन सुरूच ठेवेन, आणिबाणीचाही पर्याय खुला

शटडाऊन सुरूच ठेवेन, आणिबाणीचाही पर्याय खुला

►डोनाल्ड ट्रम्प यांचा काँगे्रस सभागृहाला इशारा ►मेक्सिकोच्या सीमेवर भिंत…

डान्सबार बंदीसाठी नवा अध्यादेश

डान्सबार बंदीसाठी नवा अध्यादेश

मुंबई, १८ जानेवारी – राज्यातील डान्सबार पुन्हा सुरू करण्याचा…

समृद्धी महामार्गासाठी स्टेट बँक देणार ८५०० कोटींचे कर्ज

समृद्धी महामार्गासाठी स्टेट बँक देणार ८५०० कोटींचे कर्ज

►९५ टक्के भूसंपादन पूर्ण, मुंबई, १७ जानेवारी – स्टेट…

ओबीसी महामंडळांसाठी ७३६ कोटी!

ओबीसी महामंडळांसाठी ७३६ कोटी!

•तरुणांना मिळणार १० ते ५० लाखांचे कर्ज •सावित्रीबाई फुले…

भारताचा पुरुषार्थ प्रकट होण्यास…

भारताचा पुरुषार्थ प्रकट होण्यास…

॥ विशेष : डॉ. मनमोहन वैद्य | सह सरकार्यवाह,…

ऑगस्टा वेस्टलँड

ऑगस्टा वेस्टलँड

॥ चतुरस्त्र : स्वाती तोरसेकर | ऑगस्टा विषयाला हात…

तिसरी आघाडी की तीन आघाड्या?

तिसरी आघाडी की तीन आघाड्या?

॥ जागता पहारा : भाऊ तोरसेकर | भाजपा वा…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 07:01 | सूर्यास्त: 18:14
अयनांश:
Home » अमेरिका, आंतरराष्ट्रीय » मानवतेच्या कल्याणासाठी हिंदूंची एकजूट आवश्यक

मानवतेच्या कल्याणासाठी हिंदूंची एकजूट आवश्यक

►वर्चस्व गाजवणे हिंदूंचा स्वभाव नाही •
►दुसर्‍या जागतिक हिंदू संमेलनात सरसंघचालकांचे प्रतिपादन,
वृत्तसंस्था
शिकागो, ८ सप्टेंबर –

Mohan Bhagwat World Hindu Chicago

Mohan Bhagwat World Hindu Chicago

इतरांवर वर्चस्व गाजवणे हा हिंदूंचा स्वभाव नाही. जगाला सुंदर बनविणे, हेच हिंदू समाजाचे कर्तव्य आहे, असे स्पष्ट करताना, हिंदू समाजाला मूळ सिद्धांत आणि आध्यात्मिकतेचा विसर पडल्यानेच गेल्या हजारो वर्षांपासून हिंदूंचे शोषण होत आहे. समाजाची प्रगती करायची असेल, तर जगभरातील हिंदूंनी एकत्र येऊन मानवजातीच्या उत्थानासाठी स्वत:ला वाहून घ्यावे, असे प्रतिपादन राष्ट्रीय स्वयंसेवक संघाचे सरसंघचालक डॉ. मोहनजी भागवत यांनी येथे केले.
अमेरिकेतील शिकागो येथे स्वामी विवेकानंद यांच्या ऐतिहासिक भाषणाला ११ सप्टेंबर रोजी १२५ वर्षे पूर्ण होणार आहेत. यानिमित्त शिकागो येथे शुक्रवारी आयोजित विश्‍व हिंदू संमेलनात सरसंघचालक मार्गदर्शन करीत होते. आपल्याजवळ ज्ञान आणि विवेक भरपूर आहे; पण एकत्र येऊन कसे कार्य करायला हवे, नेमक्या याच सिद्धांताचा आपल्याला विसर पडला आहे. जगातील सर्वच समाजांचा विचार केल्यास सर्वाधिक प्रतिभावान लोक हिंदू समाजात आहेत. पण ते कधीच एकत्र येत नाहीत, असे डॉ. मोहनजी भागवत यांनी सुमारे २५०० प्रतिनिधींची उपस्थिती असलेल्या या संमेलनात सांगितले.
सरसंघचालक म्हणाले की, हिंदू एकत्र आले तरच हिंदू समाजाची भरभराट आणि प्रगती होऊ शकते. आम्हाला कुणावरही वर्चस्व गाजविण्याची मुळीच इच्छा नाही. साध्या कीटकालाही ठार मारायचे नाही तर त्यावर नियंत्रण मिळवायचे, हीच हिंदू धर्माची शिकवण आहे. इतर लोक हिंदूंचा विरोध करीत असले तरी दुसर्‍यांचा विरोध करण्याची हिंदूंची मानसिकता नाही. विरोध करणार्‍याला कुठलीही इजा न पोहोचविता, त्याला प्रभावित करणे हिंदुत्व विचारांनी सहज शक्य होऊ शकते.
आपण गुलामगिरीत वावरणार्‍या समाजाचा भाग नाही आणि आपला समाज मागासलेलाही नाही. देशभरातील गरिबांची काळजी हिंदू घेत असतो. आपण सर्व तेच करीत आहोत. या जगात अस्पृश्य काहीच नाही. प्रत्येक कार्य हे सिद्धांत आणि तत्त्वाशी निगडित असायला हवे, असे विचारही मोहनजींनी मांडले.
हिंदू समाजातील ऐक्याच्या अभावावर चिंता व्यक्त करताना ते म्हणाले, हा समाज आजवर कधीच एकत्र येऊ शकला नाही आणि हिंदूंनी एकत्र येणे ही तर आजच्या काळातील कठीण बाब झालेली आहे. आदर्शवादाची भावना असणे, ही फार चांगली गोष्ट आहे. मी स्वत: देखील आधुनिकतेच्या विरोधात नाही, तर भविष्याचा समर्थक आहे. हिंदू धर्म हा प्राचीन असला तरी आधुनिकतेची कास धरणारा आहे, असे सरसंघचालकांनी स्पष्ट केले.
आपल्या अहंकारावर नियंत्रण प्राप्त करून परिणाम स्वीकारण्यासाठी स्वत:ला तयार ठेवणे, हाच संपूर्ण जगाला एकत्रित ठेवण्याचा महत्त्वाचा सिद्धांत आहे, असे सांगताना त्यांनी महाभारतातील एक उदाहरण दिले. भगवान श्रीकृष्ण आणि धर्मराज युद्धिष्ठिर यांच्यात कधीच मतभेद नव्हते, याकडे लक्ष वेधले.
या संमेलनात ज्येष्ठ अभिनेते अनुपम खेर आणि अन्य मान्यवर उपस्थित होते. यावेळी अनुपम खेर म्हणाले की, मी देखील हिंदू आहे आणि अर्धवट ज्ञान व दुर्लक्षितपणामुळे जगातील हा सर्वात जुना आणि शांततेचा संदेश देणारा धर्म उद्ध्वस्त करण्याचा जो प्रयत्न होत आहे, हे बघून मला दु:ख होते. सहिष्णुता हा स्वामी विवेकानंदांनी दिलेला मंत्र आहे. आजही काश्मिरी पंडित २८ वर्षांपासून आपल्याच देशात विस्थापितांचे जीवन जगत आहेत आणि तरीही ते सहिष्णु आहेत, याकडे त्यांनी संमेलनाचे लक्ष वेधले. तसेच, या संमेलनाचे समन्वयक अभय अस्थाना म्हणाले की, हा काही इव्हेंट नव्हे, ही एक सामाजिक चळवळ आहे. या चळवळीला संपूर्ण जगातील हिंदूंनी अत्युच्च शिखरावर गुणवैशिष्ट्यांसह नेले पाहिजे.
संमेलनाध्यक्ष कोठारी
विश्‍व हिंदू संमेलनाचे अध्यक्ष एस. पी. कोठारी आपले विचार मांडताना म्हणाले, काही लोकांनी या संमेलनाला विरोध दर्शविला. त्यांचे म्हणणे होते की, यातील काही आयोजक हे सामाजिक आणि धार्मिक विघटनवादी असल्याने अनेक प्रतिनिधींना त्यांनी सांगितले की, या संमेलनाला जाऊ नये. माझे त्यांना सांगणे होते की, आधी माझे भाषण ऐका आणि ते घृणा पसरविणारे आहे काय, हे पहा. आम्ही त्यांची मागणी फेटाळून लावली. विश्‍व हिंदू संमेलनाची आणि त्यात सहभागी होणार्‍या संघटनांची त्यांना संपूर्ण माहिती नसल्यानेच ते अशा प्रकारची भूमिका विशद करीत होते, असे त्यांनी स्पष्ट केले. प्रजासत्ताक सुरिनामचे उपराष्ट्राध्यक्ष अश्‍वनी अधिन म्हणाले की, आम्ही हिंदू या नात्याने आमचे मिशन कदापि त्यागणार नाही. हिंदू हे नेहमी त्याग आणि सेवेचे मिशनरी राहिले आहेत. शांतता, परस्पर सद्भाव आणि अध्यात्म हे शब्द सामान्य जनांच्या गळी लवकर उतरत नसल्याने हिंदू समाजाने त्यांना योग्य मार्गाने घेऊन जाण्याची जबाबदारी पार पाडायची आहे. जनतेच्या मनात हे शब्द रुजविण्याची गरज आहे.

Posted by : | on : 9 Sep 2018
Filed under : अमेरिका, आंतरराष्ट्रीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • भारताने ऑस्ट्रेलियात रचला इतिहास भारताने ऑस्ट्रेलियात रचला इतिहास
  • हार्दिक पंड्या, लोकेश राहुलला बीसीसीआयची नोटीस हार्दिक पंड्या, लोकेश राहुलला बीसीसीआयची नोटीस
  • भारताचा ऑस्ट्रेलियात विक्रमी विजय भारताचा ऑस्ट्रेलियात विक्रमी विजय
  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न

हवामान

दृष्टीक्षेपात

व्हिडीओ संग्रह

More in अमेरिका, आंतरराष्ट्रीय (112 of 388 articles)

Arif Alvi
इस्लामाबाद, ५ सप्टेंबर - राष्ट्रपतिपदाच्या निवडणुकीत डॉ. आरिफ अल्वी यांच्या विजयाची औपचारिक घोषणा पाकिस्तानच्या निवडणूक आयोगाने केली आहे. या निवडणुकीत ...

×