Home » उत्तर प्रदेश, छायादालन, ठळक बातम्या, राज्य » आक्रोश करा वा भारत बंद, लढा सुरूच राहणार!

आक्रोश करा वा भारत बंद, लढा सुरूच राहणार!

•निर्णय कठोर, भवितव्य मात्र उज्ज्वल
•पंतप्रधान मोदी यांची भूमिका,
वृत्तसंस्था
कुशीनगर, २७ नोव्हेंबर –
pm-narendra-modi-at-kushi-nagarनोटबंदीच्या निर्णयाविरोधात उद्या सोमवारी विरोधी पक्षांनी आक्रोश दिनाच्या माध्यमातून भारत बंदचेच आवाहन केले आहे. मी देशभरातून भ्रष्टाचार आणि काळा पैसा नष्ट करण्याचा प्रयत्न करीत असताना, आपले विरोधक मात्र आक्रोश करीत आहेत. तुम्ही आक्रोश करा, वा भारत बंद, माझा लढा बंद होणार नाही, अशी रोखठोक भूमिका पंतप्रधान नरेंद्र मोदी यांनी आज रविवारी येथे मांडली. नोटबंदीचा माझा निर्णय आज कठोर वाटत असला, तरी देशाला उज्ज्वल भवितव्य देणाराच आहे, असेही मोदी यांनी स्पष्ट केले.
पंतप्रधान मोदी यांनी आगामी विधानसभा निवडणुकांच्या पार्श्‍वभूमीवर उत्तर प्रदेशात सभांचा धडाका लावला आहे. आज कुशीनगर येथे त्यांची परिवर्तन सभा झाली. या सभेत बोलताना त्यांनी नोटबंदीच्या निर्णयाला टीका करणार्‍या विरोधकांवर जबरदस्त तोफ डागली.
ज्यांनी ६० वर्षे देशाला लुटले, त्यांची गय केली जाणार नाही, असा इशारा देत पंतप्रधानांनी कॉंग्रेसलाही धारेवर धरले. ६० वर्षांचा लुटीचा पैसा बाहेर काढून तो गरिबांना दिला जाईल. वीज, औषधोपचार यावर हा पैसा खर्च केला जाईल, अशी हमी मोदी यांनी  यावेळी दिली. भ्रष्टाचार आणि काळा पैसा देशाला लागलेले ग्रहण आहे आणि आता या ग्रहणाच्या पाशातून मुक्त होण्याच्या दिशेने देशाची वाटचाल सुरू झाली आहे, असे मोदी म्हणाले.
नोटबंदीच्या निर्णयामुळे अनेक अडचणी येत असतानाही देशातील जनता या कठोर निर्णयाचे समर्थन करीत आहे. त्याबद्दल मी त्यांना सलाम करतो, अशा शब्दांत मोदींनी यावेळी लोकांचे आभार मानले. माझा हा निर्णय कठोर आहे. पण, त्याचा फारच कमी त्रास सामान्यांना होईल. ज्यांच्याजवळ अमाप काळा पैसा आहे, त्यांना होणार्‍या त्रासाची मात्रा फार जास्त राहणार आहे, असे सांगताना मोदी यांनी सामान्य नागरिकांना आणखी काही दिवस हा त्रास सहन करण्याचे आवाहन केले. भविष्यकाळ अतिशय उज्ज्वल राहणार आहे, असेही ते म्हणाले.

शेअर करा

Posted by on Nov 28 2016. Filed under उत्तर प्रदेश, छायादालन, ठळक बातम्या, राज्य. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in उत्तर प्रदेश, छायादालन, ठळक बातम्या, राज्य (1208 of 1793 articles)


    =जदयूने अंग काढले, भारत बंद नाही : कॉंग्रेस= वृत्तसंस्था नवी दिल्ली, २७ नोव्हेंबर - ५०० आणि एक हजाराच्या नोटा चलनातून ...