Home » ठळक बातम्या, नागरी, राष्ट्रीय » आगामी निवडणुकांत स्वच्छता हाच मुद्दा

आगामी निवडणुकांत स्वच्छता हाच मुद्दा

=व्यंकय्या नायडू यांची माहिती=
venkaiah-naidu_3नवी दिल्ली, [२९ ऑक्टोबर] – पुढील वर्षीच्या सुरुवातीला पाच राज्यांमध्ये होणार्‍या विधानसभा निवडणुकांमध्ये स्वच्छता हाच आमचा मुख्य मुद्दा राहणार आहे. शहर आणि गावांमध्ये राहणारे नागरिक स्वच्छतेच्या मुद्यावरच मतदान करतील आणि यातूनच केंद्र सरकारच्या महत्त्वाकांक्षी ‘स्वच्छ भारत’ मिशनची प्रभावीपणे अंमलबजावणी होईल, असा आमचा विश्‍वास असल्याचे मत केंद्रीय शहर विकास मंत्री एम. व्यंकय्या नायडू यांनी आज शनिवारी येथे व्यक्त केले.
२०१९ पर्यंत संपूर्ण देश हागणदारी मुक्त करण्यासाठी या राष्ट्रीय महत्त्वाकांक्षी योजनेचे सर्वच उद्देश केंद्रातील नरेंद्र मोदी सरकार यशस्वीपणे पूर्ण करेल, असेही नायडू यांनी वृत्तसंस्थेला दिलेल्या विशेष मुलाखतीत सांगितले.
स्वच्छता ही आता लोकचळवळ झाली आहे. देशभरातच स्वच्छतेवर भर दिला जात आहे. तो आता राजकीय मुद्दा झाला असला, तरी आगामी विधानसभा निवडणुकांमध्ये आम्ही त्याचा प्रभावी वापर करणार आहोत. स्वच्छतेची हमी देणार्‍यांना शहर व गावांमधील मतदार मते देतील, असा विश्‍वास त्यांनी यावेळी व्यक्त केला.
लोकांची मते कशी मिळवावी, याची जाण असलेले राजकीय पक्षही त्यांच्या निवडणूक प्रचार आणि जाहीरनाम्यात स्वच्छतेचा मुद्दा समाविष्ट करतील आणि हीच राजकीय अपरिहार्यता हे मिशन यशस्वी बनवेल, असा दावाही त्यांनी केला.

शेअर करा

Posted by on Oct 30 2016. Filed under ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in ठळक बातम्या, नागरी, राष्ट्रीय (1720 of 1817 articles)

    imran-khan
    =इम्रान खानचे कार्यकर्त्यांना निर्देश= लाहोर, [२९ ऑक्टोबर] - पोलिस व सुरक्षा दलांच्या हाती तुरी द्या, अटक टाळा आणि २ नोव्हेंबरपर्यंत ...