Home » अर्थ, ठळक बातम्या, राष्ट्रीय » कर्जाच्या परतफेडीसाठी ६० दिवसांची अतिरिक्त मुदत

कर्जाच्या परतफेडीसाठी ६० दिवसांची अतिरिक्त मुदत

=सर्वसामान्यांना मोठा दिलासा=
वृत्तसंस्था
मुंबई, २१ नोव्हेंबर –
rbiनोटाबंदीच्या निर्णयानंतर देशभरात चलनी नोटांचा प्रचंड तुटवडा असल्याने आणि बँका व एटीएममधून पैसे काढण्यावरही तूर्तास मर्यादा असल्याने घर, कार, कृषी आणि अन्य प्रकारचे कर्ज असलेल्या सर्वसामान्य नागरिकांना या कर्जाची परतफेड करण्यासाठी भारतीय रिझर्व्ह बँकेने दोन महिन्यांची अतिरिक्त मुदत दिली आहे.
ज्या लोकांनी घर, कारच्या खरेदीसाठी किंवा कृषीविषयक कामांसाठी तसेच व्यक्तिगत कर्ज म्हणून एक कोटी रुपयांपर्यंतचे कर्ज घेतले आहे, त्यांना हा निर्णय दिलासा देणारा आहे. १ नोव्हेंबर ते ३१ डिसेंबर या कालावधीत ज्या कर्जदारांचे हप्ते पैशाच्या कमतरतेमुळे रखडले आहेत, त्यांना आता थेट जानेवारीनंतरच कर्जाच्या हप्त्याची परतफेड करावी लागणार आहे. याबाबतची अधिसूचना भारतीय रिझर्व्ह बँकेने आज सोमवारी जारी केली.
हे कर्ज कोणत्याही स्वरूपाचे असो, घर खरेदी, वाहन खरेदी, व्यक्तिगत कर्ज किंवा कृषीविषयक कर्ज, त्या कर्जाची रक्कम एक कोटी रुपयांपेक्षा जास्त असू नये. अशा सर्वच कर्जदारांना या निर्णयामुळे ६० दिवसांचा दिलासा मिळणार आहे. देशभरातील बँकांमध्ये पैसा उपलब्ध होण्यात विलंब होत आहे, तसेच नागरिकांनाही आपल्या बँक खात्यातून व एटीएममधून पैसे काढण्यावर काही प्रमाणात मर्यादा घालून देण्यात आल्याने त्यांच्याजवळही आवश्यक तेवढा पैसा उपलब्ध नाही. अशा स्थितीत कर्जदारांना त्यांच्या कर्जाचे हप्ते फेडणे अशक्य असल्याची जाणीव आम्हालाही असल्यानेच हा निर्णय घेण्यात आला असल्याचे आरबीआयमधील उच्चस्तरीय सूत्रांनी सांगितले.

शेअर करा

Posted by on Nov 22 2016. Filed under अर्थ, ठळक बातम्या, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in अर्थ, ठळक बातम्या, राष्ट्रीय (1210 of 1661 articles)


    =अफवांवर विश्‍वास ठेवू नका : आरबीआय= वृत्तसंस्था मुंबई, २१ नोव्हेंबर - ५०० आणि हजाराच्या नोटांवर बंदी  घालण्याच्या निर्णयानंतर १० रुपये ...