Home » ठळक बातम्या, दिल्ली, राज्य » केजरीवालांना ‘सुप्रीम’ झटका

केजरीवालांना ‘सुप्रीम’ झटका

=जेटलींचा खटला स्थगित करण्यास नकार=
वृत्तसंस्था
नवी दिल्ली, २२ नोव्हेंबर
arun-jaitley-kejriwalकेंद्रीय अर्थमंत्री अरुण जेटली यांनी दाखल केलेल्या मानहानी खटल्यावर स्थगिती आणण्यात यावी, ही दिल्लीचे मुख्यमंत्री अरविंद केजरीवाल यांची विनंती याचिका सर्वोच्च न्यायालयाने आज मंगळवारी फेटाळून लावली.
न्या. पी. सी. घोष आणि न्या. उदय ललित यांच्या दोन सदस्यीय न्यायासनाने केजरीवालांना झटका देताना असे स्पष्ट केले की, पुरावा कायद्यांतर्गत दिवाणी कार्यवाहीत देण्यात आलेला निर्णय फौजदारी प्रकरणांमध्ये बंधनकारक नसतो. उच्च न्यायालय आणि कनिष्ठ न्यायालयाचा निर्णय आम्ही वाचला आहे आणि त्यात हस्तक्षेप करण्याचा आमचा मुळीच हेतू नाही. तुमची याचिका फेटाळून लावली जात आहे.
यावेळी केजरीवालांच्या वतीने युक्तिवाद करताना ज्येष्ठ वकील राम जेठमलानी म्हणाले की, उच्च न्यायालय जर दिवाणी कार्यवाहीत निकाल देत असेल, तर कनिष्ठ न्यायालयांनी देखील समान स्थिती आणि घटनांवर आधारित प्रकरणांमध्ये त्याच कायद्याचे पालन करायला हवेे. याच अनुषंगाने अरुण जेटली यांनी केजरीवालांविरुद्ध उच्च न्यायालयात दाखल केलेला मानहानीचा खटला स्थगित करून या न्यायालयातील दिवाणी खटलाच कायम ठेवण्यात यावा. पणण, सर्वोच्च न्यायालयाने त्यांचा युक्तिवाद अमान्य केला. यामुळे केजरीवालांना आता मानहानी खटल्याचा सामना करावाच लागणार आहे.

शेअर करा

Posted by on Nov 23 2016. Filed under ठळक बातम्या, दिल्ली, राज्य. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in ठळक बातम्या, दिल्ली, राज्य (1093 of 1561 articles)


    =७.४ इतकी तीव्रता, त्सुनामीचा इशारा= वृत्तसंस्था टोकिया, २२ नोव्हेंबर जपानचा ईशान्येकडील बहुतांश भाग आज मंगळवारी शक्तिशाली भूकंपाने हादरला. रिश्टर स्केलवर ...