Home » ठळक बातम्या, महाराष्ट्र » खातेधारकांना पैसे काढण्याची मुभा द्या

खातेधारकांना पैसे काढण्याची मुभा द्या

♦आरबीआयचे जिल्हा सहकारी बँकांना निर्देश
♦जुन्या नोटा बदलावर बंदी कायम,
वृत्तसंस्था
मुंबई, २२ नोव्हेंबर –
rbi-logoजिल्हा सहकारी बँकांना ५०० व एक हजाराच्या जुन्या नोटा स्वीकारण्याची बंदी घातल्यानंतर भारतीय रिझर्व्ह बँकेने आज मंगळवारी आपला आदेश काही प्रमाणात मागे घेताना, जिल्हा बँकांनी आपल्या खातेदारांना पैसे काढण्याची मुभा द्यावी, असे आदेश दिले आहेत.
नोटाबंदीच्या निर्णयानंतर जुन्या नोटा जिल्हा बँकांनी स्वीकारण्यास किंवा बदलून देण्यास तसेच बँकेच्या खात्यातून पैसे काढण्यावर बंदी घालणारा आदेश आरबीआयने जारी केला होता. हा निर्णय आता काही प्रमाणात मागे घेण्यात आला आहे. यामुळे जिल्हा सहकारी बँकांमध्ये खाते असलेल्या नागरिकांना आपले पैसे काढणे शक्य होणार आहे, अशी माहिती सूत्रांनी दिली.
याशिवाय प्रमुख बँकांनी जिल्हा बँकांना त्यांच्या आवश्यकतेप्रमाणे पैसे द्यावे, असे आदेशही रिझर्व्ह बँकेने दिले आहेत. तथापि, जिल्हा बँकेत जुन्या नोटा स्वीकारण्यास किंवा बदलण्यास घातलेली बंदी अद्यापही कायम असल्याचे सूत्रांनी सांगितले.
जिल्हा बँकेचे सुमारे २० लाख ठेवीदार आहेत. खातेधारकांनी विविध कारणांसाठी  आपला पैसा या बँकेत जमा केला असतो. खातेदारांना जर त्यांचे पैसे काढण्यास परवानगी मिळाली नाही, तर त्याचा प्रतिकूल परिणाम ठेवींवर होईल, अशी भूमिका जिल्हा सहकारी बँकांनी विशद केली होती.

शेअर करा

Posted by on Nov 23 2016. Filed under ठळक बातम्या, महाराष्ट्र. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

दृष्टीक्षेपात

व्हिडीओ संग्रह

मागील बातम्या, लेख शोध

Search by Date
Search by Category
Search with Google
More in ठळक बातम्या, महाराष्ट्र (1180 of 1657 articles)


♦भाजपा संसदीय पार्टीच्या बैठकीत मोदींचे संकेत ♦नोटाबंदीच्या निर्णयावर शिक्कामोर्तब, वृत्तसंस्था नवी दिल्ली, २२ नोव्हेंबर - ५०० आणि एक हजार रुपयांच्या ...