Home » ठळक बातम्या, दिल्ली, राज्य » नोटबंदीच्या मुद्यावर केजरीवाल मोदींना घेरणार

नोटबंदीच्या मुद्यावर केजरीवाल मोदींना घेरणार

=देशभर ९० सभा घेण्याचा आपचा निर्धार=
तभा वृत्तसेवा
नवी दिल्ली, १९ नोव्हेंबर –
kejriwal6पाच राज्यांतील विधानसभा निवडणुकीच्या तोंडावर दिल्लीचे मुख्यमंत्री आणि आम आदमी पार्टीचे सर्वेसर्वा अरविंद केजरीवाल यांनी नोटबंदीच्या मुद्यावरून भाजपा तसेच पंतप्रधान नरेंद्र मोदी यांना घेरण्याची व्यूहरचना आखली असल्याचे समजते.
२०१७ मध्ये उत्तर प्रदेश, पंजाब, गोवा, मणिपूर आणि उत्तराखंड या पाच राज्यात विधानसभा निवडणुका होऊ घातल्या आहेत. यातील पंजाब आणि गोव्यात आम आदमी पार्टी निवडणूक लढवण्याच्या तयारीत आहे. विधानसभा निवडणुकीत नोटबंदीचा मुद्दा तापवण्याचा केजरीवाल यांचा प्रयत्न असल्याचे समजते. त्यामुळे या मुद्यावर देशभर ९० सभा घेण्याचा केजरीवाल यांचा प्रयत्न आहे. उत्तरप्रदेश, पंजाब आणि गोवा राज्यात यातील सर्वाधिक सभा ते घेणार असल्याचे सूत्रांनी सांगितले. नोटबंदीच्या सरकारच्या निर्णयाचे जनतेने स्वागत केले असले तरी या निर्णयाच्या अंमलबजावणीत काही दोष राहिल्यामुळे जनतेला त्रास होत आहे. त्यामुळे जनतेत काही प्रमाणात नाराजीही आहे. त्याचा फायदा विधानसभा निवडणुकीत उचलण्याचा केजरीवाल यांचा प्रयत्न असल्याचे समजते.
केजरीवाल यांनी बुधवारी राजधानीतील आजादपूर मंडीत पश्‍चिम बंगालच्या मुख्यमंत्री ममता बॅनर्जी यांच्यासोबत नोटबंदीच्या विरोधात जाहीर सभा घेतली होती. नोटबंदीचा निर्णय सरकारने मागे घेतला नाही तर देशभर आंदोलन छेडण्याचा इशाराही केजरीवाल आणि ममता बॅनर्जी यांनी या सभेतून दिला होता. त्याचाच एक भाग म्हणून नोटबंदीच्या मुद्यावर मोदी सरकारला घेरण्याची व्यूहरचना केजरीवाल यांनी आखली आहे.
केजरीवाल २० नोव्हेंबरपासून पंजाबच्या दहा दिवसांच्या दौर्‍यावर आहेत. या काळात पंजाबमध्ये त्यांच्या २० सभा होण्याची शक्यता आहे. पंजाब विधानसभेच्या ११७ जागांपैकी ९१ जागांच्या उमेदवारांची घोषणा आम आदमी पार्टीने केली आहे. पंजाबमध्ये पूर्ण ताकदीने विधानसभा निवडणूक लढवण्याचा आपचा प्रयत्न आहे. १ डिसेंबरला मेरठमध्ये, ८ डिसेंबरला पंतप्रधान मोदी यांच्या वाराणसी मतदारसंघात तर १८ डिसेंबरला लखनौत सभा घेण्याची केजरीवाल यांची योजना आहे.

शेअर करा

Posted by on Nov 20 2016. Filed under ठळक बातम्या, दिल्ली, राज्य. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in ठळक बातम्या, दिल्ली, राज्य (1305 of 1730 articles)

    bulletin-of-the-atomic-scientists
    वृत्तसंस्था वॉशिंग्टन, १९ नोव्हेंबर - पाकिस्तान आपल्या अण्वस्त्रांची संख्या वाढवित आहे. पाकिस्तानने आक्रमणासाठी सुमारे १३० ते १४० अण्वस्त्रांचा साठा केला ...