Home » ठळक बातम्या, राष्ट्रीय, संरक्षण » पाकचा नापाक गोळीबार सुरूच, भारतीय जवान शहीद

पाकचा नापाक गोळीबार सुरूच, भारतीय जवान शहीद

वृत्तसंस्था
जम्मू, २१ नोव्हेंबर –
kashmirसंघर्षविरामाचे उल्लंघन करण्याच्या आपल्या नापाक कारवाया सुरूच ठेवताना पाकिस्तानच्या सैनिकांनी रविवारी उशिरा रात्री जम्मू-काश्मीरच्या राजौरी भागातील आंतरराष्ट्रीय सीमेवरील भारतीय सीमेलगतच्या सुरक्षा तळांवर आणि काही गावांवर बेछूट गोळीबार केला. यात सीमा सुरक्षा दलाचा एक जवान शहीद, तर अन्य ४ जवान जखमी झाले आहेत.
गेल्या २४ तासात पाकी सैनिकांनी तीन वेळा संघर्षविरामाचे उल्लंघन केले. बीएसएफच्या जवानांनीही पाकच्या गोळीबाराला त्याच भाषेत सडेतोड प्रत्युत्तर दिले. दरम्यान, पाकच्या सैनिकांनी नौशेरा आणि सुंदरबनी भागातील लोकवस्त्यांनाही लक्ष्य केले असून, बीएसएफचा जवान आणि एक महिला जखमी झाली. दोन घरांचीही यात पडझड झाली, अशी माहिती बीएसएफच्या अधिकार्‍याने दिली. या गोळीबारात गंभीर जखमी झालेल्या आणि नंतर उपचार मिळण्यापूर्वीच मृत्युमुखी पडलेल्या जवानाचे नाव राय सिंह असून, अन्य एका जवानाची प्रकृती चिंताजनक असल्याचे अधिकार्‍याने सांगितले.
पूंछ जिल्ह्यातील कृष्णा घाटी सेक्टरमधील लष्करी चौक्या व गावांवरही पाकी सैनिकांनी गोळीबार व तोफांचा मारा केला.  नियंत्रण रेषेवर लष्करी जवानांनी, तर आंतरराष्ट्रीय सीमेवर बीएसएफच्या जवानांनी पाकच्या गोळीबाराला सडेतोड प्रत्युत्तर दिले. दुपारी उशिरापर्यंत दोन्ही सीमा बंदुका व तोफांच्या आवाजाने धगधगत होत्या.

शेअर करा

Posted by on Nov 22 2016. Filed under ठळक बातम्या, राष्ट्रीय, संरक्षण. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in ठळक बातम्या, राष्ट्रीय, संरक्षण (1229 of 1673 articles)


    =कारवाई करा, अन्यथा महागात पडेल: अमेरिकेची ठाम भूमिका= वृत्तसंस्था वॉशिंग्टन, २१ नोव्हेंबर - पाकिस्तान हा दहशतवाद्यांचा कारखानाच आहे. भारत आणि ...