Home » छायादालन, ठळक बातम्या, राष्ट्रीय, विज्ञान-तंत्रज्ञान » ‘पृथ्वी-२’च्या सलग दोन यशस्वी चाचण्या

‘पृथ्वी-२’च्या सलग दोन यशस्वी चाचण्या

=३५० किमीची अचूक मारक क्षमता=
वृत्तसंस्था
बालासोर, २१ नोव्हेंबर –
prithvi-ii-missileभारताने आज सोमवारी ‘पृथ्वी-२’ या अण्वस्त्रवाहू क्षेपणास्त्राच्या सलग दोन यशस्वी चाचण्या पार पाडल्या. संपूर्ण स्वदेशी तंत्रज्ञानाचा वापर करून देशातच निर्मिती करण्यात आलेल्या या क्षेपणास्त्राची ३५० किलोमीटर अंतरापर्यंत अचूक मारक क्षमता आहे.
ओडिशाच्या चांदीपूर येथील किनारपट्टीवरील एकात्मिक चाचणी केंद्राच्या लॉन्च कॉम्पलेक्स तीनमधून आज सकाळी ९ वाजून ३५ मिनिटांनी या क्षेपणास्त्राच्या एकापाठोपाठ दोन चाचण्या घेण्यात आल्या. ५०० ते एक हजार किलो वजनाचे अण्वस्त्र वाहून नेण्याची त्याची क्षमता आहे. या दोन्ही चाचण्या पूर्णपणे यशस्वी झाल्या असल्याची माहिती संरक्षण खात्यातील उच्चस्तरीय सूत्रांनी दिली.
नौदल आणि हवाई दलात आधीच समाविष्ट करण्यात आलेले हे क्षेपणास्त्र आता खास लष्कराकरिता विकसित करण्यात आले आहे. त्याच्या आणखी काही चाचण्या घेण्यात येणार असून, त्यानंतर ते लष्कराच्या भात्यात समाविष्ट करण्यात येणार आहे, असे सूत्रांनी सांगितले. विशेष म्हणजे, १२ ऑक्टोबर २००९ रोजी याच एकात्मिक चाचणी केंद्रातून या क्षेपणास्त्राच्या सलग दोन यशस्वी चाचण्या घेण्यात आल्या होत्या.
आतापर्यंत ‘पृथ्वी-२’ क्षेपणास्त्रांचे जितके उत्पादन करण्यात आले आहे, त्यातील या दोन क्षेपणास्त्रांची सरसकट निवड करण्यात आली. लष्करी अधिकार्‍यांच्या सराव आणि प्रशिक्षणाचा भाग म्हणून संरक्षण संशोधन आणि विकास संस्थेच्या वैज्ञानिकांच्या उपस्थितीत ही चाचणी पार पाडण्यात आली. या दोन्ही क्षेपणास्त्रांनी ओडिशाच्या समुद्रात त्यांच्यासाठी निर्धारित करण्यात आलेल्या लक्ष्याचा अचूक भेद घेतला, असे सूत्रांनी सांगितले.

शेअर करा

Posted by on Nov 22 2016. Filed under छायादालन, ठळक बातम्या, राष्ट्रीय, विज्ञान-तंत्रज्ञान. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in छायादालन, ठळक बातम्या, राष्ट्रीय, विज्ञान-तंत्रज्ञान (1328 of 1810 articles)


    वृत्तसंस्था जम्मू, २१ नोव्हेंबर - संघर्षविरामाचे उल्लंघन करण्याच्या आपल्या नापाक कारवाया सुरूच ठेवताना पाकिस्तानच्या सैनिकांनी रविवारी उशिरा रात्री जम्मू-काश्मीरच्या राजौरी ...