Home » ठळक बातम्या, राष्ट्रीय, संरक्षण » भारतीय महिला कमांडो चीन सीमेवर!

भारतीय महिला कमांडो चीन सीमेवर!

=१०० रणरागिनींची पहिली तुकडी तैनात=
bsf_raising_dayनोएडा, [२४ ऑक्टोबर – भारत आणि चीन सीमेची सुरक्षा प्रथमच महिलांच्या हातात देण्यात आली आहे. भारत-तिबेट बॉर्डर पोस्टच्या १०० महिला कमांडो सीमेवरील १५ तळांवर तैनात करण्यात आल्या आहेत. आघाडीच्या सीमावर्ती भागाची सुरक्षा महिलांच्या हातात देण्याची देशाच्या इतिहासातील ही पहिलीच वेळ आहे.
या सीमेवरील १५ तळांची निवड करण्यात आल्यानंतर तिथे या रणरागिनींना तैनात करण्याची प्रक्रिया नुकतीच पार पाडण्यात आली, अशी माहिती आयटीबीपीचे महासंचालक कृष्णा चौधरी यांनी येथे पत्रकारांशी बोलताना दिली.
युद्धाची स्थिती आल्यास किंवा सीमेपलीकडून गोळीबार झाल्यास त्याचा कसा सामना करायचा, याबाबतचे विशेष प्रशिक्षण त्यांना देण्यात आले आहे. या सर्वच तळांवर महिला कमांडोंकरिता आवश्यक त्या सर्वच सुविधा उपलब्ध करण्यात आलेल्या आहेत, असेही त्यांनी सांगितले.
यातील बहुतांश महिला कमांडोंना जम्मू-काश्मीरच्या लडाख येथील आयटीबीपीच्या तळांवर तैनात करण्यात आले आहे. तर, अन्य कमांडोंना हिमाचल प्रदेश, उत्तराखंड, सिक्कीम आणि अरुणाचल प्रदेशातील सीमांवर तैनात करण्यात आले अहे. या सर्व ठिकाणांवर एकूण १०० महिला कमांडो तैनात आहेत, असे सांगताना आगामी काही दिवसांतच आणखी काही महिला कमांडोंना तैनात करण्यात येणार असल्याचे ते म्हणाले.
प्रशिक्षणाच्या काळात या महिलांनी विविध प्रकारचे युद्धकौशल्य दाखविले होते. यातील १०० महिलांची आम्ही आघाडीच्या सीमावर्ती भागातील तैनातीसाठी निवड केली आहे. या भागात पुरुष जवानांच्या तुलनेत महिला कमांडोंची संख्या किमान ४० टक्क्यांवर असावी, यासाठी आमचा प्रयत्न राहणार असल्याचे त्यांनी सांगितले.

शेअर करा

Posted by on Oct 24 2016. Filed under ठळक बातम्या, राष्ट्रीय, संरक्षण. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in ठळक बातम्या, राष्ट्रीय, संरक्षण (1621 of 1673 articles)


    काका शिवपालसह चार मंत्र्यांची हकालपट्टी मीच नेताजींचा खरा वारसदार : अखिलेश निवडणुकीच्या तोंडावर सपात उभी फूट लखनौ, [२३ ऑक्टोबर] ...