Home » छायादालन, ठळक बातम्या, न्यायालय-गुन्हे, राष्ट्रीय » राजीव गांधी ट्रस्टला ५० लाखांचा मलिदा!

राजीव गांधी ट्रस्टला ५० लाखांचा मलिदा!

=झाकिर नाईकच्या कार्यकलापांचे पुरावे एनआयएच्या हाती=
वृत्तसंस्था
नवी दिल्ली, २६ नोव्हेंबर –
sonia-gandhi-zakir-naik-rajiv-gandhi-trustवादग्रस्त मुस्लिम धर्म प्रचारक झाकिर नाईकच्या इस्लामिक रिसर्च फाऊंडेशनने राजीव गांधी धर्मादाय ट्रस्टला ५० लाख रुपयांची देणगी दिली होती. या संस्थेला तो एकूण ७५ लाख रुपये देणार होता. त्यातील ५० लाख रुपये एकरकमी दिले होते, हे सिद्ध करणारे ठोस पुरावे राष्ट्रीय तपास संस्था अर्थात एनआयएच्या हाती लागले आहेत.
डिसेंबर २०११ मध्ये राजीव गांधी ट्रस्टला ५० लाख रुपये दिल्यानंतर एका महिन्यातच आणखी २५ लाख रुपये देण्याचे ठरले होते. पण, काही कारणांमुळे देणगीची उर्वरित रक्कम देण्यात आली नव्हती. एनआयएच्या विविध पथकांनी अलीकडेच झाकिरच्या फाऊंडेशनच्या कार्यालयांवर धाडी घातल्या होत्या. यात ताब्यात घेण्यात आलेल्या दस्तावेजांमधून ही बाब उघड झाली आहे.
देणगीतील २५ लाख रुपये रुग्णालयाच्या माध्यमातून देण्याचे ठरले होते. विशेष म्हणजे, सोनिया गांधी आणि राहुल गांधी सदस्य असलेल्या राजीव गांधी ट्रस्टला ७५ लाख रुपयांची देणगी देण्याबाबतचा ठरावही झाकिरच्या संस्थेने पारित केला होता. या ठरावाच्या प्रती एनआयएला मिळाल्या आहेत.
दरम्यान, झाकिरच्या संस्थेने आम्हाला देणगीच्या स्वरूपात पैसे दिले होते, हे खरे असले, तरी आम्ही तो पैसा लगेच परत केला होता, असा खुलासा कॉंग्रेसचे ज्येष्ठ नेते कपिल सिब्बल यांनी केला आहे. मात्र, झाकिरच्या संस्थेने, आम्हाला अद्यापही हा पैसा परत मिळाला नसल्याचे नमूद केले आहे.

शेअर करा

Posted by on Nov 26 2016. Filed under छायादालन, ठळक बातम्या, न्यायालय-गुन्हे, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

    व्हिडीओ संग्रह

    मागील बातम्या, लेख शोध

    Search by Date
    Search by Category
    Search with Google
    More in छायादालन, ठळक बातम्या, न्यायालय-गुन्हे, राष्ट्रीय (1544 of 2117 articles)


    =भारताचा सच्चा मित्र हरपला= वृत्तसंस्था क्युबा, २६ नोव्हेंबर - महासत्ता अमेरिकेची तब्बल ५० वर्षे दमछाक करणारे आणि या देशाला एकहाती ...