जम्मू-काश्मिरात राज्यपाल राजवट

जम्मू-काश्मिरात राज्यपाल राजवट

►राष्ट्रपतींची मंजुरी, वृत्तसंस्था नवी दिल्ली, २० जून – जम्मू-काश्मिरात…

पुरस्काराचा महाराष्ट्री ‘योग’

पुरस्काराचा महाराष्ट्री ‘योग’

►विश्‍वास मंडलिक, योगसंस्थेची पंतप्रधान योग पुरस्कारासाठी निवड, तभा वृत्तसेवा…

विरोधकांचे नेतृत्व राहुल गांधींकडेच हवे : शीला दीक्षित

विरोधकांचे नेतृत्व राहुल गांधींकडेच हवे : शीला दीक्षित

वृत्तसंस्था नवी दिल्ली, २० जून – आगामी सार्वत्रिक निवडणुकीत…

भारत-फ्रान्स उभारणार मजबूत भागीदारी

भारत-फ्रान्स उभारणार मजबूत भागीदारी

►परराष्ट्रमंत्री सुषमा स्वराज यांची माहिती, वृत्तसंस्था पॅरीस, १९ जून…

भारतच अमेरिकेचा मुख्य संरक्षण भागीदार

भारतच अमेरिकेचा मुख्य संरक्षण भागीदार

►७१६ अब्ज डॉलर्सच्या विधेयकाला सिनेटची मंजुरी, वृत्तसंस्था वॉशिंग्टन, १९…

जपानमध्ये शक्तिशाली भूकंप, तीन ठार

जपानमध्ये शक्तिशाली भूकंप, तीन ठार

►२०० पेक्षा जास्त जखमी, वृत्तसंस्था टोकयो, १८ जून –…

राज्यात नवीन फळबाग लागवड योजना

राज्यात नवीन फळबाग लागवड योजना

►अन्नप्रक्रिया उद्योगाला चालना ►राज्य मंत्रिमंडळाची मंजुरी, तभा वृत्तसेवा मुंबई,…

डीएसके प्रकरणी महाबँकेच्या एमडीला अटक

डीएसके प्रकरणी महाबँकेच्या एमडीला अटक

►आणखी सहा जण ताब्यात, वृत्तसंस्था पुणे, २० जून –…

पुढचा मुख्यमंत्री शिवसेनेचाच

पुढचा मुख्यमंत्री शिवसेनेचाच

►उद्धव ठाकरे यांची घोषणा, तभा वृत्तसेवा मुंबई, १९ जून…

आंबेडकरी चळवळीचे अपहरण

आंबेडकरी चळवळीचे अपहरण

॥ जागता पहारा : भाऊ तोरसेकर | पुण्याच्या पोलिसांनी…

वृत्तींवर विजय मिळवणारा योग

वृत्तींवर विजय मिळवणारा योग

॥ विशेष : वैद्य सुयोग दांडेकर | २१ जून…

कैरानाच्या पश्‍चात…

कैरानाच्या पश्‍चात…

॥ रोखठोक : हितेश शंकर | केरळमध्ये सुरू असलेले…

‘सिमरन’मधील नवीन गाणे प्रदर्शित

‘सिमरन’मधील नवीन गाणे प्रदर्शित

अभिनेत्री कंगना राणावत लवकरच सिमरन या चित्रपटाद्वारे प्रेक्षकांच्या भेटीला…

चिरंजीवीसोबत सिनेमा करण्यास ऐश्‍वर्याचा नकार?

चिरंजीवीसोबत सिनेमा करण्यास ऐश्‍वर्याचा नकार?

ऐश्‍वर्या राय बच्चनची सध्या बॉलीवूडमध्ये सेकंड इनिंग सुरू आहे.…

रणबीरच्या फिरण्यावर बंदी

रणबीरच्या फिरण्यावर बंदी

संजय दत्तच्या आयुष्यावर आधारित चित्रपटात रणबीर कपूर ६ वेगवेगळ्या…

पंचांग
वार: | तिथी:
नक्षत्र: | राशी:
करण: | योग:
सूर्योदय: 05:54 | सूर्यास्त: 19:03
अयनांश:
Home » नागरी, राष्ट्रीय » भय्यू महाराज यांची आत्महत्या

भय्यू महाराज यांची आत्महत्या

►डोक्यात झाडली गोळी,
वृत्तसंस्था
इंदूर, १२ जून –

Bhaiyyu Maharaj

Bhaiyyu Maharaj

राजकीय वर्तुळात सतत वावर असलेले युवा आध्यात्मिक गुरू भय्यू महाराज यांनी आज एक कठोर पाऊल उचलत दुपारच्या सुमारास येथील आपल्या सिल्वर स्प्रिंग निवासस्थानी स्वत:वर गोळी झाडून आत्महत्या केली. ते ५० वर्षांचे होते.
त्यांच्या आत्महत्येचे कारण अद्याप कळू शकलेले नाही. मात्र, त्यांनी आत्महत्येपूर्वी लिहून ठेवलेल्या पत्रात, ताणतणावाला आपण कंटाळलो असल्याचे नमूद केले होते. आपल्या आत्महत्येसाठी कोणालाही जबाबदार धरण्यात येऊ नये, असेही त्यांनी या पत्रात नमूद केले आहे. अन्य एका वृत्तानुसार त्यांच्यावर कर्जाचा मोठा बोझा होता आणि त्याचाही त्यांना ताण होता.
भय्यू महाराज यांनी उजव्या कानशिलाजवळ गोळी झाडून घेतली. या घटनेनंतर त्यांना तातडीने बॉम्बे रुग्णालयात दाखल करण्यात आले मात्र वाटेतच त्यांचा मृत्यू झाला, अशी माहिती पोलीस महानिरीक्षक हरिनारायणचारी मिश्रा यांनी दिली.
भय्यू महाराज यांचे राजकीय वर्तुळात मोठे वजन होते. महाराष्ट्र आणि मध्यप्रदेशच्या राजकारणात अनेकदा त्यांनी महत्त्वाची भूमिका पार पाडली होती. त्यांच्या शब्दाला शासन दरबारीही मान होता. मध्यप्रदेशातील शिवराजसिंह चौहान सरकारने नुकताच त्यांना आध्यात्मिक गुरू म्हणून राज्यमंत्रिपदाचा दर्जा बहाल केला होता. मात्र, हा सन्मान भय्यू महाराज यांनी नम्रपणे नाकारला होता. संतांसाठी पद महत्त्वाचे नसून लोकांच्या सेवेलाच माझ्या दृष्टीने जास्त महत्त्व असल्याची भावना त्यांनी त्यावेळी व्यक्त केली होती.
भय्यू महाराज यांचे मूळ नाव उदयसिंह देशमुख होते. भ्रष्टाचाराविरुद्ध ज्येष्ठ समाजसेवक अण्णा हजारे यांनी दिल्लीत जेव्हा आमरण उपोषण केले होते तेव्हा त्यांची मनधरणी करण्यासाठी संपुआ सरकारने भय्यू महाराज यांना दूत म्हणून पाठविले होते.
कर्जाचा डोंगर वाढत जात असल्यामुळे ते ताणतणावात होते, अशी माहिती समोर येत आहे. त्यांच्या आत्महत्येचे नेमके कारण मात्र स्पष्ट होऊ शकलेले नाही. गेल्या काही दिवसांपासून त्यांनी स्वत:ला राजकीय क्षेत्रापासूनही दूर ठेवले होते.
मॉडेल ते आध्यात्मिक गुरू
‘सियाराम’ कापड कंपनीसाठी केलेल्या मॉडेलिंगमुळे सर्वात आधी भय्यू महाराज चर्चेत आले. नंतर हळूहळू त्यांचा अध्यात्माकडे ओढा वाढत गेला आणि पुढे ते भय्यूजी महाराज म्हणून ओळखले जाऊ लागले. सुरुवातीला काही काळ त्यांनी मुंबईत नोकरीही केली होती. अध्यात्माकडे ओढा असला तरी शेतीसोबतच तलवारबाजी आणि घोडेस्वारीचाही त्यांना छंद होता. ‘फेस रीडर’ म्हणूनही त्यांच्यावर राजकारण्यांचा विश्‍वास होता. माजी राष्ट्रपती प्रतिभा पाटील, पंतप्रधान नरेंद्र मोदी, महाराष्ट्राचे माजी मुख्यमंत्री दिवंगत विलासराव देशमुख, मनसेचे अध्यक्ष राज ठाकरे, शिवसेना पक्ष प्रमुख उद्धव ठाकरे यांच्यासह अनेक दिग्गज नेते त्यांचा राजकीय सल्ला घेत असत. राजकीय पुढार्‍यांप्रमाणेच लता मंगेशकर, आशा भोसले, अनुराधा पौडवाल, मिलिंद गुणाजी आदी अनेक कलावंत-गायक तसेच उद्योगपती आदी विविध घटकांतील मान्यवर भय्यू महाराजांच्या आश्रमात येऊन त्यांचा सल्ला घेत होते. समाजाला दिशा दाखविणारा संत अशी त्यांची ओळख होती. धार्मिक, सांप्रदायिक, कृषी, शिक्षण आदी विविध क्षेत्रांमध्ये त्यांचे कार्य होते. त्यांनी आपला कामाचा व्याप इतका वाढविला होता की तो सांभाळण्याच्या पलीकडे गेला होता, असे त्यांच्या निकवर्तीयांनी सांगितले. आरोग्याबाबत कुरबूर सुरू झाली असता कौटुंबिक समस्याचाही त्यांना त्रास होत होता, असेही सांगण्यात येत आहे. दोन वर्षांपूर्वी पहिल्या पत्नीने निधन झाल्यानंतर इच्छा नसतानाही घरच्या सदस्यांच्या आग्रहखातर त्यांनी गेल्या वर्षीच दुसरा विवाह केला होता. पहिल्या पत्नीपासून झालेली त्यांना मुलगी कुहू आहे. ती सध्या पुण्यात शिकत असल्याची माहिती आहे. त्यांच्या दुसर्‍या पत्नीचे नाव डॉक्टर आयुषी आहे.
मान्यवरांची श्रद्धांजली
भय्यूजी महाराज यांच्या आकस्मिक निधनामुळे त्यांच्या भक्तांसह चाहत्यांमध्ये व राजकीय नेत्यांमध्ये शोककळा पसरली आहे. अन्य मान्यवरांनी प्रत्यक्ष-अप्रत्यक्षरीत्या, तसेच सोशल मीडियाच्या माध्यमातून आपली श्रद्धांजली अर्पण केली आहे व शोक प्रकट केला आहे.
मुख्यमंत्री फडणवीस
भय्यूजी महाराज यांच्या आध्यात्मिक विचारधारेचे अधिष्ठान लोकसेवा हेच होते. त्यांनी सूर्योदय परिवाराच्या माध्यमातून समाजहितासाठी राबविलेल्या विविध उपक्रमांचा वंचित आणि उपेक्षित समाजघटकांना मोठा लाभ झाला आहे. विशेषतः जलसंधारण, भूमी सुधारणा, शिक्षण क्षेत्रासह सामूहिक विवाह चळवळीतही त्यांनी लक्षणीय काम केले होते. महाराष्ट्र आणि मध्यप्रदेशमध्ये त्यांनी केलेल्या जलसंधारणाच्या कामामुळे हजारो हेक्टर जमिनीला पाणी मिळाले आहे. त्यांच्या निधनाने समाजाला विधायकतेसाठी उद्युक्त करणारा प्रेरणास्रोत हरपला आहे, असे महाराष्ट्राचे मुख्यमंत्री देवेंद्र फडणवीस यांनी आपल्या शोकसंदेशात म्हटले आहे.
नितीन गडकरी
आध्यात्मिक गुरू श्री भय्यूजी महाराज यांच्या निधनाची दु:खद बातमी कळली. त्यांच्याशी माझे व्यक्तिगत जिव्हाळ्याचे संबंध होते. त्यांचा हा अकाली मृत्यू मनाला चटका लावणारा आहे. माझी त्यांना विनम्र श्रद्धांजली, अशा शब्दात केंद्रीय मंत्री नितीन गडकरी यांनी आदरांजली अर्पण केली आहे.
शिवराजसिंह चौहान
संत भय्यूजी महाराज यांना विनम्र श्रद्धांजली. देशाने संस्कृती, ज्ञान व सेवा अशा त्रिवेणी व्यक्तिमत्त्वाला गमावले आहे. आपले विचार चिरंतर काळापर्यंत समाजाला मानवतेची सेवा करण्याच्या मार्गावर चालण्यासाठी सतत प्रेरित करीत राहतील, अशा शब्दात मध्य प्रदेशचे मुख्यमंत्री शिवराजसिंह चौहान यांनी श्रद्धांजपली अर्पण केली आहे.
शेवटच्या ट्विटमध्ये महाशिवरात्रीच्या शुभेच्छा
भय्यूजी महाराज यांनी आत्महत्या करण्याच्या अर्धा तास आधी ट्विट करून आपल्या भक्तांना महाशिवरात्रीच्या शुभेच्छा दिल्या होत्या. या अर्धा तासाच्या काळात नेमके काय झाले की त्यांना एवढे मोठे टोकाचे पाऊल उचलवावे लागले, असा सवाल नेटकर्‍यांकडून उपस्थित करण्यात आला आहे.
भय्यूजी महाराज यांनी आज दुपारी अडीचच्या सुमारास गोळी झाडून आत्महत्या केली, अशी बातमी पसरली. त्याआधी त्यांनी त्यांच्या अधिकृत ट्विटर हँडलवरून दुपारी १ वाजून ५७ मिनिटांनी शेवटचे ट्विट केले होते. ट्विट केल्यानंतर त्यांनी अवघ्या अर्धा तासानंतर आत्महत्या केल्याचे आता स्पष्ट झाले आहे. ट्विट करताना त्यांनी मासिक शिवरात्रीच्या शुभेच्छा दिल्या. ‘मासिक शिवरात्रि’ को ‘महाशिवरात्रि’ कहते हैं। दोनों पंचांगों में यह चन्द्र मास की नामाकरण प्रथा है, जो इसे अलग-अलग करती है। मै सभी भक्तगणों को इस पावन दिवस की बधाई एवं शुभकामनाये देता हूँ।,’ असे ट्विट महाराजांनी केले होते. यासोबतच त्यांनी महादेवाच्या फोटोसह स्वत:चा फोटा लावून त्यात ‘मृत्युंजय महादेव त्राहिमां शरणागतम्। जन्ममृत्युजराव्याधि पीडति: कर्मबन्धन:॥’ हा मंत्रही टाकला होता.
दरम्यान, मध्यप्रदेश काँग्रेस समितीच्या मीडिया विभागाचे प्रमुख मानक अग्रवाल यांनी भय्यूजी महाराज आत्महत्या प्रकरणी सीबीआय चौकशीची मागणी केली आहे.

Posted by : | on : Jun 13 2018 | Filed under : नागरी, राष्ट्रीय.
You can follow any responses to this entry through the RSS 2.0.
Both comments and pings are currently closed.

Leave a Reply

Your email address will not be published. Required fields are marked *

Marathi/English, press Ctrl+g  

हवामान

दृष्टीक्षेपात

व्हिडीओ संग्रह

More in नागरी, राष्ट्रीय (37 of 2430 articles)

Atal Bihari Vajpayee After Stroke
तभा वृत्तसेवा नवी दिल्ली, १२ जून - [caption id="attachment_55305" align="alignleft" width="300"] Atal Bihari Vajpayee After Stroke[/caption] माजी पंतप्रधान, भारतरत्न अटलबिहारी ...

×