ads
ads
पाकला जाणारे पाणी रोखणार!

पाकला जाणारे पाणी रोखणार!

•व्यास, रावी, सतलज नद्यांतून जात होते •नितीन गडकरी यांची…

ईपीएफच्या व्याजदरात वाढ

ईपीएफच्या व्याजदरात वाढ

•चालू आर्थिक वर्षासाठी ८.६५ टक्के व्याज, नवी दिल्ली, २१…

वनजमिनींवरील अतिक्रमण सक्तीने काढण्याचे आदेश

वनजमिनींवरील अतिक्रमण सक्तीने काढण्याचे आदेश

•वनवासींचे दावे सर्वोच्च न्यायालयाने फेटाळले •राज्यातील साडेबावीस हजार कुटुंबांना…

बांगलादेशात गोदामाला आग

बांगलादेशात गोदामाला आग

•८१ मृत, ढाका, २१ फेब्रुवारी – बांगलादेशची राजधानी ढाकामधील…

पुलवामा हल्ला ही भयानक घटना : ट्रम्प

पुलवामा हल्ला ही भयानक घटना : ट्रम्प

•न्यूझीलंडच्या संसदेत हल्ल्याचा निषेध ठराव, वॉशिंग्टन, २० फेब्रुवारी –…

भारत-पाक तणावावर संयुक्त राष्ट्राची नाराजी

भारत-पाक तणावावर संयुक्त राष्ट्राची नाराजी

नवी दिल्ली, २० फेब्रुवारी – पुलवामा दहशतवादी हल्ल्यानंतर भारत…

पुराव्यांच्या फोटो प्रती ग्राह्य नाहीत : उच्च न्यायालय

पुराव्यांच्या फोटो प्रती ग्राह्य नाहीत : उच्च न्यायालय

•मालेगावप्रकरणी एनआयएची कानउघडणी, मुंबई, २० फेब्रुवारी – गहाळ पुरावे…

‘मातोश्री’च्या स्वार्थासाठी केलेली युती

‘मातोश्री’च्या स्वार्थासाठी केलेली युती

•नारायण राणे यांचा आरोप, मुंबई, १९ फेब्रुवारी – शिवसेनेने…

भाजपा-सेना सगळ्या निवडणुका एकत्र लढणार

भाजपा-सेना सगळ्या निवडणुका एकत्र लढणार

•लोकसभेसाठी २५-२३ आणि विधानसभेसाठी समसमान जागावाटप •अखेर शिवसेना-भाजपा युतीवर…

राष्ट्रविकासाचा अर्थपूर्ण संकल्प

राष्ट्रविकासाचा अर्थपूर्ण संकल्प

॥ मानसरंग : मयुरेश डंके | २०१९ सालचा अर्थसंकल्प…

शककर्ते शिवराय

शककर्ते शिवराय

॥ प्रासंगिक : कुणाल नरसापूरकर | ‘स्वभावो दुरतिक्रम:’ असे…

मांजराची मुलायम पावले

मांजराची मुलायम पावले

॥ जागता पहारा : भाऊ तोरसेकर | भाजपाची मदत…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:50 | सूर्यास्त: 18:29
अयनांश:
Home » न्याय-गुन्हे, राष्ट्रीय » शबरीमला मंदिर सर्व महिलांसाठी खुले

शबरीमला मंदिर सर्व महिलांसाठी खुले

►लैंगिक आधारावर भक्तीचा अधिकार नाकारता येत नाही
►सर्वोच्च न्यायालयाचा ऐतिहासिक निकाल,
नवी दिल्ली, २८ सप्टेंबर –

Supreme Court 2

Supreme Court 2

केरळच्या शबरीमला येथील स्वामी अयप्पा मंदिराचे दार सर्व वयोगटातील महिलांसाठी खुले करणारा ऐतिहासिक निकाल सर्वोच्च न्यायालयाने आज शुक्रवारी दिला. परमेश्‍वराची भक्ती करण्याचा अधिकार सर्वांनाच आहे. लैंगिक आधारावर तो नाकारता येणार नाही. विशिष्ट वयोगटातील महिलांकरिता मंदिरात प्रवेश करण्यावर बंदी घालण्याचा निर्णय स्त्री-पुरुष समानतेच्या सिद्धांताविरोधात आणि हिंदू महिलांवर अन्याय करणारा आहे, असा महत्त्वपूर्ण निकाल सर्वोच्च न्यायालयाने दिला.
सरन्यायाधीश दीपक मिश्रा, न्या. आर. एफ. नरिमन, न्या. डी. वाय. चंद्रचूड, न्या. ए. एम. खानविलकर आणि न्या. इंदू मल्होत्रा यांच्या पाच सदस्यीय घटनापीठाने चार विरुद्ध एक अशा बहुमताने हा निकाल दिला आहे.
धर्म हा आयुष्य जगण्याचा मार्ग आहे आणि तो स्वत:ला परमात्म्याशी संलग्न करीत असतो, असा निर्वाळा सरन्यायाधीशांनी दिला. न्या. नरिमन, न्या. चंद्रचूड आणि न्या. खानविलकर यांनी सरन्यायाधीशांच्या मताचे समर्थन केले, तर या घटनापीठात एकमेव महिला असलेल्या न्या. इंदू मल्होत्रा यांनी या बहुमताच्या निकालाला विरोध दर्शविला. हा धार्मिक स्वरूपाचा मुद्दा असून, देशात धर्मनिरपेक्षतेचे वातावरण कायम ठेवण्यासाठी त्याचा अशा प्रकारे संबंध जोडला जाऊ नये, असे मत न्या. मल्होत्रा यांनी व्यक्त केले. सतीसारख्या सामाजिक कुप्रथेशी संबंधित मुद्दे वगळता, कोणती धार्मिक प्रथा कायम ठेवायची आणि कोणती रद्द करायची, हा निर्णय न्यायालयांनी घ्यायला नको. समानतेचा अधिकार आणि स्वामी अयप्पाची पूजा करण्याचा अधिकार यांची सरमिसळ केली जाऊ नये. या प्रकरणातील मुद्दा केवळ शबरीमला मंदिरापुरता मर्यादित नसून, देशातील अन्य प्रार्थनास्थळांवरही त्याचे प्रतिकूल परिणाम उमटतील, असे माझे स्पष्ट मत असल्याचे त्या म्हणाल्या.
म्हणून होती प्रवेशबंदी
शबरीमला मंदिरात विराजमान अयप्पा स्वामी यांना ब्रह्मचारी मानले जाते. शबरीमला यात्रेच्या आधी ४१ दिवस कडक व्रत करण्याचा येथे नियम आहे. मासिक पाळीमुळे युवा महिला हे व्रत करू शकत नाहीत आणि म्हणूनच १० ते ५० वयोगटातील महिलांना मंदिरात प्रवेश करण्यास मनाई आहे.
८०० वर्षांनंतर मिळाला पूजेचा अधिकार
या मंदिरात गेल्या ८०० वर्षांपासून १० ते ५० वर्षे वयोगटातील महिलांना पूजा करण्याचा अधिकार नव्हता. मंदिरात पूजेचा अधिकार मिळावा, यासाठी असंख्य याचिका गेल्या अनेक वर्षांपासून सर्वोच्च न्यायालयात दाखल होत्या. केरळ सरकारनेही महिलांची बाजू घेणारी भूमिका अनेकदा न्यायालयात विशद केली आहे. आज न्यायालयाच्या निकालामुळे उशिरा का होईना, महिलांना न्याय मिळाला आहे.
निराशाजनक : मंदिर प्रशासन
सर्वोच्च न्यायालयाचा निर्णय निराशाजनक आहे, पण आम्ही न्यायालयाच्या निकालाचा सन्मान करून सर्व वयोगटातील महिलांसाठी मंदिराचे दार खुले करणार आहोत, अशी प्रतिक्रिया शबरीमला मंदिराचे मुख्य पुजारी कंदारारू राजीवारू यांनी दिली.
मंदिर प्रशासनाची भूमिका
मंदिरात विराजमान अयप्पा स्वामी यांना ब्रह्मचारी मानले जातात, त्यामुळेच १० ते ५० वयोगटातील मुली व महिलांना मंदिरात प्रवेश नाकारण्याचा नियम तयार केल्याचे मंदिर प्रशासनाचे म्हणणे होते. हे भेदभावाचे प्रकरण नसल्याने सर्वोच्च न्यायालयाने यात हस्तक्षेप करू नये, अशी विनंतीही प्रशासनाने केली होती. पण, न्यायालयाने प्रशासनाचे सर्व दावे खोडून काढले. सर्वांना भक्तीचा अधिकार आहे आणि तो लैंगिक आधारावर नाकारला जाऊ शकत नाही, असे सरन्यायाधीशांनी आपल्या निकालात स्पष्ट केले.
असा आहे निकाल
स्वामी अयप्पा कोणत्या दुसर्‍या धर्माचे किंवा पंथाचे देव नाही. ते हिंदूंचे देव आहेत आणि हिंदू महिलांना त्यांची पूजा करण्याचा अधिकार आहे : सरन्यायाधीश
मंदिरात महिलांना प्रवेशबंदी घटनेतील २५ आणि २६ या दोन्ही कलमांचे उल्लंघन करणारी आहे : न्या. नरिमन
महिलांना पूजेचा हक्क नाकारण्यासाठी धर्माचा वापर होऊ शकत नाही. ही बाब मानवी प्रतिष्ठेला अनुसरून नाही : न्या. चंद्रचूड
भारतात विविध धर्मातील लोक आपल्या परंपरा पार पाडत असतात. प्रत्येकांना आपल्या धार्मिक विश्‍वासानुसार आपल्या प्रथा पार पाडण्याचा अधिकार असावा : न्या. इंदू मल्होत्रा

Posted by : | on : 29 Sep 2018
Filed under : न्याय-गुन्हे, राष्ट्रीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • भारताने ऑस्ट्रेलियात रचला इतिहास भारताने ऑस्ट्रेलियात रचला इतिहास
  • हार्दिक पंड्या, लोकेश राहुलला बीसीसीआयची नोटीस हार्दिक पंड्या, लोकेश राहुलला बीसीसीआयची नोटीस
  • भारताचा ऑस्ट्रेलियात विक्रमी विजय भारताचा ऑस्ट्रेलियात विक्रमी विजय
  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न

हवामान

दृष्टीक्षेपात

व्हिडीओ संग्रह

More in न्याय-गुन्हे, राष्ट्रीय (747 of 2053 articles)

Justice Indu Malhotra
प्रकरणी न्या. इंदू मल्होत्रा यांची भूमिका, नवी दिल्ली, २८ सप्टेंबर - केरळातील जगप्रसिद्ध शबरीमला मंदिरात सर्वच वयोगटातील महिलांना प्रवेश करण्याची ...

×