ads
ads
भाजपाच्या केंद्रीय निवडणूक समितीची बैठक

भाजपाच्या केंद्रीय निवडणूक समितीची बैठक

►पाच राज्यांतील निवडणुकीबाबत चर्चा, नवी दिल्ली, २० ऑक्टोबर –…

‘स्माईली’च्या जन्माची आगळीवेगळी कथा!

‘स्माईली’च्या जन्माची आगळीवेगळी कथा!

नवी दिल्ली, २० ऑक्टोबर – व्हॉट्स अ‍ॅप, फेसबूक, इंस्टाग्राम,…

दुष्काळाची चिंता करू नका, केंद्र पाठीशी!

दुष्काळाची चिंता करू नका, केंद्र पाठीशी!

►४ वर्षांत सव्वा कोटी घरांची निर्मिती ►२०२२ पर्यंत सर्वांसाठी…

एच-१ बी व्हिसाअंतर्गत अमेरिकेत नोकरी

एच-१ बी व्हिसाअंतर्गत अमेरिकेत नोकरी

►करणार्‍यांच्या यादीत सर्वाधिक भारतीय, वॉशिंग्टन, २० ऑक्टोबर – अमेरिकेत…

संयुक्त राष्ट्र मानवाधिकार परिषदेवर भारताचा मोठा विजय

संयुक्त राष्ट्र मानवाधिकार परिषदेवर भारताचा मोठा विजय

►तीन वर्षांचा राहणार कार्यकाळ, संयुक्त राष्ट्रसंघ, १३ ऑक्टोबर –…

भारतीय चित्रपटांवर पूर्णपणे बंदी घाला

भारतीय चित्रपटांवर पूर्णपणे बंदी घाला

►पाकिस्तानी निर्मात्यांची मागणी, कराची, १३ ऑक्टोबर – भारतीय चित्रपटांवर…

तिहेरी तलाकच्या नव्या अध्यादेशानुसार पहिला गुन्हा औरंगाबादेत

तिहेरी तलाकच्या नव्या अध्यादेशानुसार पहिला गुन्हा औरंगाबादेत

औरंगाबाद, १९ ऑक्टोबर – सोशल मीडियावर तिहेरी तलाक दिल्याने…

तर अपमान विसरून भाजपाचा प्रचार करणार

तर अपमान विसरून भाजपाचा प्रचार करणार

►उद्धव ठाकरे यांची घोषणा, मुंबई, १९ ऑक्टोबर – पाच…

विजयादशमीनंतर राज्य मंत्रिमंडळ विस्तार?

विजयादशमीनंतर राज्य मंत्रिमंडळ विस्तार?

नवी दिल्ली, १६ ऑक्टोबर – मुख्यमंत्री देवेंद्र फडणवीस यांच्या…

हिंदू देवस्थानांकडील पैशांवरच डोळा का?

हिंदू देवस्थानांकडील पैशांवरच डोळा का?

॥ विशेष : गोविंद कल्याणकर | अनेक जण सामाजिक…

राजकारणातील मानपान व मानापमान

राजकारणातील मानपान व मानापमान

॥ विशेष : वसंत गणेश काणे | भारताला नेपाळशी…

संस्कृतीचे मुखवटे आणि हिडीस चेहरे

संस्कृतीचे मुखवटे आणि हिडीस चेहरे

॥जागता पहारा : भाऊ तोरसेकर | तरूण तेजपाल यानेच…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:22 | सूर्यास्त: 17:59
अयनांश:
Home » अग्रलेख, संपादकीय » गरज नव्या क्रांतीची…

गरज नव्या क्रांतीची…

दुसर्‍या महायुद्धात मदत स्वीकारूनही भारताच्या स्वातंत्र्याबाबत उदासीन धोरण स्वीकारून बसलेल्या इंग्रजांना धडा शिकवण्यासाठी म्हणून महात्मा गांधींनी जाहीर केलेल्या ‘भारत छोडो’ आंदोलनाची सुरुवात ज्या दिवशी झाली, तोच आजचा दिवस. ९ ऑगस्ट १९४२ च्या त्या आंदोलनाची कहाणी ऐकली की, आजही अंगावर शहारे येतात. स्वातंत्र्याच्या इराद्याने निर्मित चैतन्याने जागृत झालेल्या तमाम भारतीयांनी इरेला पेटून केलेली गर्दी, अख्खे ब्रिटिश सरकार हादरावे अशी ती सिंहगर्जना, इंग्रजांनी भारत सोडून निघून जावे म्हणून देण्यात आलेला तो इशारा, स्वातंत्र्याची पहाट आता फार दूर नसल्याचा मनामनांत जागलेला दुर्दम्य विश्‍वास, त्या बळावर रस्त्यावर उतरलेली तरुणाई… सारंच अद्भुत होतं. स्वातंत्र्याचे ईप्सित गाठण्यासाठी घरादारावर तुळशीपत्र ठेवून रान पेटवायला सिद्ध झालेली तरुणाई अन् त्यांच्या पाठीशी तेवढ्याच ठामपणे उभी राहिलेली ज्येष्ठ मंडळी. नोकर्‍यांसाठी शिकणं नाही, की शिक्षण संपल्यावर नोकरीचा पाठलाग नाही. कौटुंबिक हिताची बंदिस्त चौकट नाही, की त्या चौकटीत बंदिस्त झालेली माणसं नाहीत. काहीही, कसेही करून इंग्रजांना इथून हाकलून लावायचे. बस्स! एकच ध्येय. एकच निर्धार. आज ७६ वर्षे झालीत त्या आंदोलनाला. पण, अजूनही त्याचे परिणाम मनाचा थरकाप उडविणारे होते, हे लक्षात घेतले की त्या आंदोलनाची खोली, त्याची ताकद, गांभीर्य, त्यातील लोकसहभाग, ध्येयवेडे आंदोलक… याचेही महत्त्व आपसूकच अधोरेखित होऊन जाते. ‘चले जाव’ आंदोलनाची घोषणा झाल्यानंतरही प्रत्यक्षात इंग्रज सरकार बरखास्त व्हायला नंतरची पाच वर्षे जावी लागलीत; पण म्हणून आंदोलनाची तीव्रता संपली नाही, की लोकांची गर्दी ओसरली नाही. ना, आंदोलनाचे नेतृत्व करणार्‍या नेत्यांवरच्या विश्‍वासावर कधी प्रश्‍नचिन्ह उभे झाले ना, लोकांच्या मनात रुजलेल्या इंग्रजांविरुद्धच्या रोषाला कुठे उणेपण आले. बहुधा म्हणूनच त्याचे फलितही त्याच तोडीचे, त्याच उंचीचे राहिले. इंग्रजांनी लाठ्या-काठ्या चालवल्या म्हणून कुणी पळ काढला नाही अन् त्यांनी फासावर लटकावले म्हणून भगतसिंग, राजगुरू, आझादांची संख्या घटली नाही… सात दशकांनंतर आजच्या पार्श्‍वभूमीवर तपासून पाहता येईल त्या आंदोलनाची खोली? पुन्हा एकदा आजमावून पाहता येईल आम्हालाच आमची ताकद? पुन्हा एकदा उभे करता येईल लोकहिताच्या कुठल्याशा मुद्यावरचे असे क्रांतिकारी आंदोलन? नोकर्‍यांच्या मागे न धावता समाज-देशासाठी म्हणून समर्पित झालेली सळसळत्या रक्ताची ध्येयवेडी तरुणाई पुन्हा एकदा बघता येईल भारतीय समूहाला? लोकांनी प्रचंड श्रद्धेने विश्‍वास ठेवावा असे नेते अन् नेत्याच्या एका शब्दाखातर घराबाहेर पडणारी जनता… हे चित्र बघण्याचे भाग्य लाभेल पुन्हा भारतीय जनतेला कधी? तेव्हा क्रांती स्वातंत्र्यासाठी झाली होती. पण, क्रांतीची गरज तर आजही संपलेली नाही. यशाच्या नावाखाली पैसा अन् स्वार्थाच्या मागे बेधुंद पळत सुटलेल्या तरुणाईला ताळ्यावर आणण्यासाठी, लोकांना स्वातंत्र्याचा खरा अर्थ समजावून सांगण्यासाठी, अधिकार आणि कर्तव्याची जाणीव करून देण्यासाठी, जाती-धर्माच्या परिघात अडकलेल्यांना त्यातून बाहेर काढण्यासाठी, इतरांच्या विचारस्वातंत्र्याचे भान हरपलेल्यांना जागेवर आणण्यासाठी, वंचितांचे शोषण करत नावारूपाला आलेल्या श्रीमंतीला जमिनीवर आणण्यासाठी, असल्या शोषणातून बड्या झालेल्या अन् कुणाच्या तरी खांद्यावर पाय रोवून उभे झालेल्या अधिकारवाणीचा माज उतरवण्यासाठी… लोकांना शिक्षणाचा अर्थ समजावून सांगण्यासाठी, गरीब-श्रीमंतांमधली वाढती दरी मिटवण्यासाठी, खेडी आणि शहरांमधले ‘अंतर’ कमी करण्यासाठी, शेतकरी-कामगारांना न्याय मिळवून देण्यासाठी, दहशतवाद्यांविरुद्धचे लोकयुद्ध आरंभण्यासाठी, देशाच्या सीमेवरील अराजक संपविण्यासाठी, कुणाच्या तरी नादी लागून आपल्याच सरकारविरुद्ध पेटून उठलेल्या नक्षलवाद्यांना समाजाच्या प्रवाहात आणण्यासाठी, निदान नवी पिढी तरी वेल्थ, वाईन, वुमन या त्रिसूत्रात स्वत:च्या यशाचे मोजमाप करणार नाही अशी परिस्थिती निर्माण करण्यासाठी, लोक देश लुटून विदेशात पळून जाणार नाहीत यासाठी, आपलेच लोक आपल्याच देशाची जाहीर रीत्या निंदा-नालस्ती करणार नाहीत यासाठी… क्रांतीची गरज तर आजही आहे. पण, क्रांतीची तर्‍हा काळानुरूप बदलली पाहिजे. तेव्हा सरकार परकीयांचे होते म्हणून आम्ही, त्यांनी लादलेल्या गोष्टी झिडकारत गेलो. त्यांनी कर लादला, आम्ही नाकारला. त्यांनी आंदोलनं चिरडून टाकण्याची षडयंत्रे रचली, आम्ही नव्याने पेटून उठलो. त्यांनी दाबण्याचा प्रयत्न केला, आम्ही नव्या उमेदीने उठून उभे राहिलो. ते वाजवी होते. आवश्यकही होते. भगतसिंगांची क्रांती, गांधींची अहिंसा, सावरकरांचा जाज्वल्य राष्ट्राभिमान, आंबेडकरांची समाजसुधारणेची प्राथमिकता… सारंच त्या त्या ठिकाणी योग्य होतं. एकटे भगतसिंग फासावर गेल्याने देश स्वतंत्र झाला नाही, हे जरी खरं असलं, तरी हे स्वातंत्र्य ‘विना खड्ग विना ढाल’ मिळाल्याचा दावाही साफ खोटा आहे. खरे एवढेच आहे की, लाभलेले स्वातंत्र्य टिकवण्यासाठीच्या नवक्रांतीची गरज आज सात दशकांनंतर नव्याने अधोरेखित होते आहे. कारण, आम्ही भारतीय लोक स्वातंत्र्याचे संदर्भच हरवून बसलो आहोत. पाश्‍चिमात्य देशांतला झगमगाट आम्हाला आमच्याही नकळत खुणावत राहतो. तिथली भौतिक प्रगती, स्वातंत्र्याचा उपभोग घेण्यासाठी म्हणून सरसावलेल्या उन्मादाचे भारी आकर्षण वाटू लागलेय् भारतीय तरुणांना. आपली संस्कृती, आपला देश, आपला समाज, इथली परंपरा, इतिहास थिटा वाटू लागणे अन् स्वत:च्या देशाचे कथित उणेपण बाहेरच्या जगापुढे ओरडून सांगण्यात वाटू लागलेले मोठेपण अस्वीकारार्ह ठरावे असेच. या प्रवृत्तीविरुद्ध उभे ठाकण्यासाठीही क्रांतीची गरज आहे. क्रांती रक्तरंजितच असली पाहिजे असे कुठे आहे? ती सकारात्मक बदलाची नांदी ठरावी, बस्स! अशा कित्येक बदलांची आज या देशाला गरज आहे. एका क्रांतीची सुरुवात १९४२ साली झाली होती. एका नवक्रांतीची सुरुवात आज करू या! हा समाज बदलण्यासाठी. देश बलशाली करण्यासाठी. भारतभूला पुन्हा एकदा परमवैभव प्राप्त करून देण्यासाठी. पाचवीला पूजलेल्या समस्यांचा बाऊ तर सारेच करतात. पण, तसे न करता, आपण आपल्या बलस्थानांचा अभिमान बाळगण्याचा संकल्प करू या! तेव्हा फक्त इंग्रज हद्दपार केले गेले. आता भ्रष्टाचारापासून तर जातिव्यवस्थेपर्यंत आणि राजकीय नौटंकीबाजांपासून तर दहशतवाद्यांपर्यंत सर्वांनाच हद्दपार करण्याची वेळ आली आहे. सार्‍या नकारात्मक बाबी सीमापार करण्याचा विडा उचलू या. विचार आणि वर्तनाने एक निरोगी, सुदृढ समाजाच्या निर्मितीचा निर्धार करू या. चला, नवक्रांतीचा झेंडा उभारू या…

http://tarunbharat.org/?p=59420
Posted by : | on : 9 Aug 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न
  • अमित पांघळला बॉक्सिंगचे सुवर्ण अमित पांघळला बॉक्सिंगचे सुवर्ण
  • तेजिंदरपालला सुवर्णपदक तेजिंदरपालला सुवर्णपदक
  • महाराष्ट्राच्या राहीचा सुवर्णभेद महाराष्ट्राच्या राहीचा सुवर्णभेद

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (137 of 671 articles)


जहागीरदार | तामिळनाडूचे माजी मुख्यमंत्री आणि द्रमुकचे अध्यक्ष मुत्तुवेल करुणानिधी यांना संसदेच्या दोन्ही सभागृहांनी बुधवारी श्रद्धांजली वाहिली आणि करुणानिधी यांच्या ...

×