ads
ads
भाजपाच्या केंद्रीय निवडणूक समितीची बैठक

भाजपाच्या केंद्रीय निवडणूक समितीची बैठक

►पाच राज्यांतील निवडणुकीबाबत चर्चा, नवी दिल्ली, २० ऑक्टोबर –…

‘स्माईली’च्या जन्माची आगळीवेगळी कथा!

‘स्माईली’च्या जन्माची आगळीवेगळी कथा!

नवी दिल्ली, २० ऑक्टोबर – व्हॉट्स अ‍ॅप, फेसबूक, इंस्टाग्राम,…

दुष्काळाची चिंता करू नका, केंद्र पाठीशी!

दुष्काळाची चिंता करू नका, केंद्र पाठीशी!

►४ वर्षांत सव्वा कोटी घरांची निर्मिती ►२०२२ पर्यंत सर्वांसाठी…

एच-१ बी व्हिसाअंतर्गत अमेरिकेत नोकरी

एच-१ बी व्हिसाअंतर्गत अमेरिकेत नोकरी

►करणार्‍यांच्या यादीत सर्वाधिक भारतीय, वॉशिंग्टन, २० ऑक्टोबर – अमेरिकेत…

संयुक्त राष्ट्र मानवाधिकार परिषदेवर भारताचा मोठा विजय

संयुक्त राष्ट्र मानवाधिकार परिषदेवर भारताचा मोठा विजय

►तीन वर्षांचा राहणार कार्यकाळ, संयुक्त राष्ट्रसंघ, १३ ऑक्टोबर –…

भारतीय चित्रपटांवर पूर्णपणे बंदी घाला

भारतीय चित्रपटांवर पूर्णपणे बंदी घाला

►पाकिस्तानी निर्मात्यांची मागणी, कराची, १३ ऑक्टोबर – भारतीय चित्रपटांवर…

तिहेरी तलाकच्या नव्या अध्यादेशानुसार पहिला गुन्हा औरंगाबादेत

तिहेरी तलाकच्या नव्या अध्यादेशानुसार पहिला गुन्हा औरंगाबादेत

औरंगाबाद, १९ ऑक्टोबर – सोशल मीडियावर तिहेरी तलाक दिल्याने…

तर अपमान विसरून भाजपाचा प्रचार करणार

तर अपमान विसरून भाजपाचा प्रचार करणार

►उद्धव ठाकरे यांची घोषणा, मुंबई, १९ ऑक्टोबर – पाच…

विजयादशमीनंतर राज्य मंत्रिमंडळ विस्तार?

विजयादशमीनंतर राज्य मंत्रिमंडळ विस्तार?

नवी दिल्ली, १६ ऑक्टोबर – मुख्यमंत्री देवेंद्र फडणवीस यांच्या…

हिंदू देवस्थानांकडील पैशांवरच डोळा का?

हिंदू देवस्थानांकडील पैशांवरच डोळा का?

॥ विशेष : गोविंद कल्याणकर | अनेक जण सामाजिक…

राजकारणातील मानपान व मानापमान

राजकारणातील मानपान व मानापमान

॥ विशेष : वसंत गणेश काणे | भारताला नेपाळशी…

संस्कृतीचे मुखवटे आणि हिडीस चेहरे

संस्कृतीचे मुखवटे आणि हिडीस चेहरे

॥जागता पहारा : भाऊ तोरसेकर | तरूण तेजपाल यानेच…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:22 | सूर्यास्त: 17:59
अयनांश:
Home » अग्रलेख, संपादकीय » पुस्तकांना जेव्हा पाय फुटतात

पुस्तकांना जेव्हा पाय फुटतात

गवताला जेव्हा भाले फुटतांत, यासारखेच हे ‘पुस्तकांना जेव्हा भाले फुटतांत’, असे वाटण्याची शक्यता आहे. पुस्तके हे गुरू असतात, असेही म्हणतात. त्यामुळे पुस्तके बोलत असलीच पाहिजेत. तशी पुस्तके चालतांतही काय? आता सारेच कसे व्यवसायिक अन् शुद्ध अंत:करणाने सांगायचे तर धंदेवाईक झाले आहे. त्यामुळे ‘चालणे’ हा वाक्प्रयोग वेगळ्या अर्थाने व्यवसायांत वापरला जात असतो. आता बघाना, एखादा चित्रपट खूप चालला, असे म्हणतात. तसेच आता पुस्तकाचेही प्रमोशन केले जाते. एखाद्या पुस्तकाच्या प्रकाशनाच्या आधी त्यावर वाद निर्माण केला जातो. वर्तमानपत्रांत ‘पेड’ चर्चा चालविल्या जातात. त्यावर अभ्यासक बोलतात. आरोप, प्रतिआरोप अन् उत्तरांची मालिका चालते अन् मग ते पुस्तक विक्रीस बाजारांत येते. आधी त्यावर डिस्काऊंट मारला जातो. (आता डिस्काऊंड मारला जाणे- हाही धंदेवाईट शब्द प्रयोग) तर त्यावर डिस्काऊंट मारला जातो. पुस्तकाची पहिली आवृत्ती महिनाभरांतच खपली, असे सांगितले जाते. सहा महिन्यांत पाच आवृत्त्या खपल्या, असेही मार्केटिंग केले जाते. तसे ते खरेही असते. पुस्तके छापतानाच त्यावर प्रथम ते पाचवी अशा आवृत्त्यांच्या तारखा टाकल्या जातांत. दोनशे पुस्तकांची एक आवृत्ती असू शकते आणि हजाराचीही असू शकते. त्यामुळे अमूक एक पुस्तक चालले, असे म्हटले जाते. विक्रीचे सारे आकडे ओलांडले, असेही सांगण्यांत येते. पु. ल. देशपांडे असताना त्यांना पुस्तक भेट देण्यांत येई अन् मग पुलंनी एकमुखाने गौरवलेले, अशी त्या पुस्तकाची जाहिरात केली जाई. त्यामुळे पुस्तकं चालतांत अन् मग त्यांना पाय फुटतांत, हे सत्य आहे. अर्थात पुस्तकांचे हे पाय अदृष्य असतात. त्यांनी गाठलेला पल्लाही दृष्यमान नसतो… अर्थात पुस्तकांना पाय फुटतात, हे वेगळ्या अर्थाने म्हटले आहे. ते कसे? याचे संदर्भासह अर्थ स्पष्टीकरण हळुहळु केले जाईलच… कधी एखाद्या मित्राचा फोन येतो अन् तो खूपवेळ असाच बोलत राहतो. खरंतर त्याला एक पुस्तक हवं असतं. नंतर ते पुस्तक शोधण्याचा कार्यक्रम सुरू होतो. घरांत ते नेहमीप्रमाणे सापडत नाही. आम्ही अलिकडे पुस्तकांच्या बाबत एक नियम केला आहे. कुणाला दिलं किंवा कुणी नेलं तर तशी नोंद एक रजिस्टरमध्ये करून ठेवत असतो. त्यातही या पुस्तकाची अशी नोंद सापडेना. मग आठवतं, कुणीतरी ते नेलंय् वाचायला. आता कुणी आपल्याकडून नेलेली पुस्तक, उधार घेतलेले पैसे अन् माहेरी गेलेली बायको कधी परत येतील याचा नेम नसतो. म्हणजे जी वेळ किंवा दिवस दिला आहे, त्या दिवशी या गोष्टी आपल्याकडे परत येतील, याचा नेमच नसतो. खरं सांगायचं तर येणारच नाहीत, याची खात्री असते. आपल्याला हवी असलेली पुस्तकं आपण खरेदीच करायची असतात, हे सुभाषित झालं. मात्र ते अस्तित्वात येत नसतं. अनेकांच्या घरांत घराची सजावट म्हणून पुस्तकाची आलमारी असते. त्यात पुस्तकं नीट सजवून लावली असतात. नवे इंटिरीअर करताना पुस्तकांचेही रंग आणि मुखपृष्ठावरचे डिझाईन पाहून रंगांच्या संगतीत ती लावली जात असतात. आमच्या एका मित्राकडे मला खूपसारी इंग्रजीही पुस्तकं दिसली. त्याचा नि इंग्रजीचा संबंध केवळ पिण्यापुरता. त्याला देशी चालतच नाही. मात्र पुस्तकंच काय तो साधं वर्तमानपत्रही वाचत नाही. तरीही त्याच्या घरांत इंग्रजी पुस्तकं पाहून गांगरलोच. त्यानंच मग खुलासा केला, त्याच्या इंटेरीअर डिझायनरनेच ती पुस्तकं मुद्दाम विकत आणली होती. त्यामुळे डेकोरेशन नीट झालं होतं… आम्ही मात्र पुस्तकं खरेदी करत असतो अन् आम्हाला ती वाचायलाच हवी असतात. माणसांना राहयला जी जागा लागते त्या व्यतिरिक्त आमच्या घरांत पुस्तकांनाच जागा आहे. घरांत पुस्तकांच्या आलमार्‍या आहेत. बैठकीत यानेकी ड्रॉइंग रूम मध्येही कपाटं आहेत पुस्तकांची. आता कुणी आलं की आपण किती अभिजात वाचक आहोत, हे दाखविण्याची संधी त्याला मिळत असते. तो पुस्तकाच्या आलमारीजवळ जाऊन एक एक पुस्तक न्याहाळतो अन् खूप विचारांती कृती केल्यागत त्यातलं एक काढतो अन् घेऊन जातो. आपली परवानगीही घेत नाही. एकतर पुस्तकांची आलमारी दर्शनी भागांत अन् येणार्‍याचा सहज वावर असेल अन् त्याचा हात पोहोचेल, अशा ठिकाणी नकोच. म्हणजे गॅसची शेगडी, वीजेच्या वस्तू अशा घातक वस्तू लहान मुलांच्या हाती लागतील अशा ठिकाणी नकोत, तशीच पुस्तकं तुमच्या घरी येणार्‍यांच्या हाती लागतील, अशा ठिकाणी नकोतच. म्हणून आजकाल लॉफ्ट करून उंचावर पुस्तकं असतात. तरीही काही महाभाग जवळंच स्टुल ओढून त्यावर चढून पुस्तकांपर्यंत पोहोचतात. वरून, ‘‘पुस्तकं कशी हाताशी हवीत. हँडरीच (हा नवा शब्द) मध्ये हवीत. नाहीतर नुसती कपाटात राहतात, वाचनात येतच नाहीत…’’ असा सल्लाही देतात. याचा दुसरा अर्थ असाही असतो की इतक्या उंचावर ठेवलीत पुस्तकं याचा अर्थ तुम्ही वाचत नाहीत ती. शोबाजी आहे नुसती… असं त्याला म्हणायचं असतं. तर घरी येणारे मित्र, स्नेही अगदी अधिकारानं पुस्तक काढून नेतात अन् सांगतातही, पंधरा दिवसांत देतो परत. माझं वाचन फास्ट आहे. झपाटल्यागत वाचत असतो मी पुस्तकं. हे पुस्तक मी कित्ती दिवसाचे शोधतच होतो… खरेतर ते दुकानांत सहज मिळणारे असते. तरीही नेताना तो त्याच लेखकाचे ‘ते तमके पुस्तक वाचलेस का तू? नक्की वाचच…’असा सल्लाही देतो. ते जे पुस्तक त्याने वाचले असते, तेही त्याने कुठूनतरी असेच आणले असते अन् मग आपल्याला सुचविताना त्याला आठवते, ‘अरे! बघ, त्याला हे पुस्तक परत करण्याचे विसरलोच…’ एकदा का त्याने तुमच्याकडून पुस्तक नेले की ते परत येण्याची काहीच शक्यता नसते. कधी भेटल्यावर तोच, ‘‘अरे हो! वाचले बरं का तुझ्याकडून नेलेले पुस्तक…’’ म्हणत आणून देतो, असे सांगतो. काही जण तर पुस्तक नेताना आपल्यालाच सल्ला देतात, ‘‘तू लिहून नाही ठेवत का कुणाला दिले ते? अरे लिहून ठेवले पाहिजे. काय आहे ना पुस्तकांना पाय फुटतात. आपल्याला हवे असते तेव्हा काही आठवत नाही मग कुणाला दिले, कुणी नेले ते… नसशील लिहून ठेवत तू तर माझ्यापासून सुरू कर…’’असे म्हणत तो आपल्याला लिहायला लावतो. कधी आपण आठवणीने पुस्तक परत मागितलेच तर तो सांगतो, ‘‘अरे ते त्या तमक्याने नेले माझ्याकडून… बरे झाले तू आठवण दिलीस, मी उद्याच त्याला मागतो.’’ आपण दोन दिवस वाट पाहून त्याला फोन केलाच पुस्तकासाठी तर तो सांगतो, ‘‘अरे तो म्हणत होता की अमक्याचेच आहे ना हे पुस्तक? मग मीच नेऊन देतो त्याला. माझ्या घराजवळच राहतो तो’’ म्हणजे आता पुस्तक परत आणून देण्याची याची जबाबदारी संपलेली असते. याच्याकडून त्याच्याकडे अन् मग त्याच्याकडून तमक्याकडे असा पुस्तकाचा प्रवास सुरू असतो अन् काही दिवसांनी ते नेमके कुणाकडे आहे, हे कुणालाच नीट सांगता येत नाही…

http://tarunbharat.org/?p=59616
Posted by : | on : 12 Aug 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न
  • अमित पांघळला बॉक्सिंगचे सुवर्ण अमित पांघळला बॉक्सिंगचे सुवर्ण
  • तेजिंदरपालला सुवर्णपदक तेजिंदरपालला सुवर्णपदक
  • महाराष्ट्राच्या राहीचा सुवर्णभेद महाराष्ट्राच्या राहीचा सुवर्णभेद

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (131 of 671 articles)


तोरसेकर | दोन वर्षांपूर्वी विविध नामांकित साहित्यिक कलावंतांची एक नवीच स्पर्धा सुरू झालेली होती. त्यात एकामागून एक असे पुरस्कृत साहित्यिक ...

×