ads
ads
एम. जे. अकबर यांचा राजीनामा

एम. जे. अकबर यांचा राजीनामा

►आरोपांचा केला इन्कार ►न्यायालयीन लढाई लढण्याचा निर्धार, नवी दिल्ली,…

नोटाबंदीवरून जागतिक अहवालात मोदी सरकारचे कौतुक

नोटाबंदीवरून जागतिक अहवालात मोदी सरकारचे कौतुक

नवी दिल्ली, १७ ऑक्टोबर – मोदी सरकारने घेतलेल्या नोटाबंदी…

केवायसी पूर्ण करणार्‍या मोबाईल वॉलेट कंपन्यांच्या आंतरक्रियाशीलतेला मान्यता

केवायसी पूर्ण करणार्‍या मोबाईल वॉलेट कंपन्यांच्या आंतरक्रियाशीलतेला मान्यता

►रिझर्व्ह बँकेचे आदेश, बंगळुरू, १७ ऑक्टोबर – केवायसी प्रक्रिया…

संयुक्त राष्ट्र मानवाधिकार परिषदेवर भारताचा मोठा विजय

संयुक्त राष्ट्र मानवाधिकार परिषदेवर भारताचा मोठा विजय

►तीन वर्षांचा राहणार कार्यकाळ, संयुक्त राष्ट्रसंघ, १३ ऑक्टोबर –…

भारतीय चित्रपटांवर पूर्णपणे बंदी घाला

भारतीय चित्रपटांवर पूर्णपणे बंदी घाला

►पाकिस्तानी निर्मात्यांची मागणी, कराची, १३ ऑक्टोबर – भारतीय चित्रपटांवर…

रिलायन्ससोबत फक्त १० टक्के ऑफसेट करार

रिलायन्ससोबत फक्त १० टक्के ऑफसेट करार

►दसाँ एव्हिएशनच्या अधिकार्‍याची माहिती, पॅरिस, १२ ऑक्टोबर – राफेल…

विजयादशमीनंतर राज्य मंत्रिमंडळ विस्तार?

विजयादशमीनंतर राज्य मंत्रिमंडळ विस्तार?

नवी दिल्ली, १६ ऑक्टोबर – मुख्यमंत्री देवेंद्र फडणवीस यांच्या…

विद्यमान संमेलनाध्यक्षांचा महिना उलटल्यावर आक्षेप

विद्यमान संमेलनाध्यक्षांचा महिना उलटल्यावर आक्षेप

►साहित्य संमेलनाध्यक्ष निवड प्रकरण, नागपूर, १६ ऑक्टोबर – अखिल…

विजय फणशीकर, रमेश पतंगे यांना लोकमान्य टिळक जीवनगौरव पुरस्कार

विजय फणशीकर, रमेश पतंगे यांना लोकमान्य टिळक जीवनगौरव पुरस्कार

►महाराष्ट्र शासनाचे उत्कृष्ट पत्रकारिता पुरस्कार जाहीर, मुंबई, १० ऑक्टोबर…

३७० पेक्षाही घातक कलम ३५-ए!

३७० पेक्षाही घातक कलम ३५-ए!

॥ कटाक्ष : गजानन निमदेव | कलम ३५-ए हा…

न्यायपालिका संकटमुक्त

न्यायपालिका संकटमुक्त

॥ सारांश : ल.त्र्यं. जोशी | एवढ्या उच्च पातळीवरुन…

सभेत सोडलेला उंदीर

सभेत सोडलेला उंदीर

॥ जागता पहारा : भाऊ तोरसेकर | अडचणीतली काँग्रेस…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:21 | सूर्यास्त: 18:00
अयनांश:
Home » अग्रलेख, संपादकीय » भय्यूजी महाराजांचे जाणे…

भय्यूजी महाराजांचे जाणे…

भय्यूजी महाराजांचे जाणे मनाला चटका लावून गेले. ती हळहळ, ती अस्वस्थता मनाच्या कुठल्याशा कप्प्यात घर करून गेली. राजबिंडे व्यक्तिमत्त्व, स्वत: उभारलेल्या सूर्योदय आश्रमाचा व्याप आता आवरण्यापलीकडे चाललेला, सभोवताली भक्तांच्या गोतावळ्याचा परीघही दिवसागणिक विस्तारत चाललेला, ऐहिक म्हणावी अशी सारी सुखं भोगून झालेली, ती भोगण्याची आसक्ती निमाली असं नसलं, तरी त्यात कुठल्याही अडचणी नसताना, सामान्यातल्या सामान्य माणसाला सतावणारी चिंता, त्यांच्यासारख्या आध्यात्मिकतेच्या दृष्टीने एका विशिष्ट उंचीवर पोहोचलेल्या, संतपदाच्या दिशेने मार्गस्थ झालेल्या व्यक्तीच्याही ठायी असू शकते, हे धगधगते वास्तव अनेकांच्या डोळ्यांवरची झापड बाजूला सारणारे ठरले आहेे. समोर बसलेल्या समुदायाला कालपर्यंत जीवनाचे सार सांगणार्‍या, अडचणींना खंबीरपणे सामोरे जाण्यासाठीचे धैर्य देणार्‍या भय्यूजी महाराजांना कुठल्याशा एका बेसावध क्षणी स्वत:चे आयुष्य अस्तित्वहीन करावेसे वाटणे, यातून अनेकानेक प्रश्‍न निर्माण झाले आहेत. मानवी आयुष्याच्या विवंचना अशा सर्वदूर विखुरल्या असताना, त्याच्याशी दोन हात करण्याचे सामर्थ्य कमावणे, खरंतर कुण्या येरागबाळ्याचे काम नव्हे. म्हणूनच, सामान्य माणसाच्या आकलनापलीकडची शक्ती ठायी बाळगून संतपदाच्या दिशेने मार्गक्रमण करणार्‍यांचा संघर्ष, त्यांची कहाणी काही और ठरते. त्याच मार्गाचे एक पांथस्थ ठरलेले भय्यूजी महाराज कित्येकदा वादग्रस्तही ठरले. त्यांच्या दुसर्‍या लग्नाचा मुद्दा असो, की राजकीय वर्तुळातील लोकांशी असलेली त्यांची जवळीक… कधीकाळी मॉडल बनायला म्हणून घराबाहेर पडलेल्या एका तरुणाचे, तेथून यू-टर्न घेऊन थेट अध्यात्माच्या मार्गावर येऊन थांबणे, त्या मार्गावरील प्रवासाचा त्यांचा दृढ निश्‍चय, समाजाच्या विविध स्तरातून त्यांना लाभलेला भक्तांंचा गोतावळा, ज्याचा डोलारा सांभाळणे जिकिरीचे व्हावे अशा एखाद्या आश्रमाची उभारणी, अशातच दुसरे लग्न करण्याचा निर्णय… लौकिकार्थाने भारदस्त, आश्‍चर्यजनक, कौतुकास्पद आणि क्वचितप्रसंगी संशयास्पदही… असा हा प्रवास अविरत सुरू राहिला. अध्यात्माच्या पलीकडे जाऊन विविध सामाजिक प्रकल्पांच्या उभारणीची सकारात्मक किनारही त्यांच्या कार्यकर्तृत्वाला लाभली आहे. असं सगळंच गुण्यागोविंदानं चाललेलं असताना, निदान आभास तरी तसाच असताना, अद्याप वयाची पन्नाशीही न गाठलेले हे व्यक्तिमत्त्व, एक दिवस लोकांना महाशिवरात्रीच्या शुभेच्छा देत स्वत:ची ईहलोकीची यात्रा संपविण्याचा अत्याधुनिक मार्ग अवलंबून मोकळे होते… सारे प्रश्‍न मागे ठेवून… आपल्या कौटुंबिक समस्यांचा पसारा आवरणे अशक्य होत असल्याची खंत छोट्याशा डायरीत खरडलेल्या चार ओळींतून नोंदवत जगाचा निरोप घेण्याची त्यांनी अनुसरलेली तर्‍हा खरंतर कुणाच्याच मनाला भावलेली नाही. ज्यानं, सार्‍या बंधनातून मुक्त होण्याचा, विपरीत परिस्थितीशी लढण्याचा मार्ग जगाला दाखवायचा, तोच असा स्वत:च्या समस्यांपुढे ढासळलेला, पराजय पत्करलेला बघितल्यावर सामान्य माणसानं हतबल, केविलवाणं होणं स्वाभाविकच. हे खरंच की, आपल्या समाजातल्या सामान्यातल्या सामान्य माणसाच्या मनातल्या संतपदाच्या कल्पनाही अगदीच वरच्या टोकाच्या. वस्त्रांच्या भगव्या रंगात संतत्वाचे सारे गुण, त्याचे माहात्म्य शोधण्याची सवय जडलेल्या समूहात भगवी वस्त्रं परिधान न करताही संतपदाचे तेच बिरूद लेऊन वावरण्याची तर्‍हा फार थोडी माणसं अनुसरू शकलीत. भय्यूजी महाराजांनी तो प्रयत्न करून पाहिला. त्यात काहीअंशी त्यांना यशही लाभले. देशाच्या कानाकोपर्‍यातून सभोवताल जमा झालेला भक्तसंप्रदाय उगाच थोडी एकवटता आला त्यांना… पण संन्यस्त आणि ऐहिक जीवनाची सांगड घालताना होणारी तारेवरची कसरत कमालीची जीवघेणी ठरली अन् कल्पनेपलीकडच्या विरक्तीवरही दुर्दैवाने मात करून गेली. त्या दिशेनं प्रवास करण्यासाठी धडपडणारं एक व्यक्तिमत्त्व स्मृतिशेष करून गेलं…
या संपूर्ण प्रकरणात दोष कुणाला द्यायचा? एखाद्याला श्रेष्ठत्व, देवत्व बहाल करून स्वत: मोकळं होणार्‍या अन् मग स्वत:च्या अपेक्षांचं ओझं समोरच्यावर लादून स्वत: मात्र नामानिराळं राहणार्‍या कथित भक्तांंच्या गर्दीला? की लग्नही करायचं, संसारही थाटायचा, ऐश्‍वर्यसंपन्न आणि विरक्त-संन्यस्त जीवनाची एकाच वेळी आस धरत उगाच फरफट करून घेत धडपडण्याच्या प्रयत्नांना? आपल्यापेक्षा काहीसे वेगळेपण सोबतीला घेऊन जगणार्‍या माणसांची समाजाला नेहमीच भुरळ पडते. तसेही, गर्दीचा एक भाग बनून कुणाचा तरी जयघोष करण्यात धन्यता मानणार्‍यांची कमतरता नाही येथे. त्या गर्दीपासून स्वत:ला जरासे वेगळे करीत वागण्याचा प्रयत्न करणार्‍यांच्या वाट्याला मात्र उगाच अशी फरफट येते. देखणं रूप, पैसाअडका, अफाट जनसंपर्क, गाठीशी असलेली उमेद, काहीतरी करून दाखवण्याची, स्वत:ला सिद्ध करण्याची जिद्द उराशी बाळगून मॉडेल बनण्यासाठी म्हणून बाहेर पडलेला एक तरुण स्वत:च्या कर्तृत्वाच्या बळावर स्वतंत्र विश्‍व उभारतो; पण एका गाफील क्षणी स्वत:चेच अस्तित्व पणाला लावून बसतो. लोकांच्या मनात स्वत:च स्वत:बद्दल निर्माण केलेल्या अपेक्षा पूर्ण करण्याच्या नादात एक दिवस स्वत:ला गमावून बसतो… सारेच अजब, अतर्क्य, अनाकलनीय… या प्रकरणाने अजूनही काही प्रश्‍न, काही मुद्दे उपस्थित केले आहेत. तंत्रज्ञानाच्या आधुनिक युगात मुठीत सामावेल इतक्या छोट्या झालेल्या जगात, इतस्तत: विखुरलेल्या समस्यांनी मानवी समूहासमोर निर्माण केलेली जगण्याची विवंचना, त्यातून निर्माण झालेली असुरक्षितता, त्या आडून आलेली आक्रमकता, स्वत:च्या अस्तित्वाची लढाई लढताना इतरांना धरातीर्थी पाडण्याच्या इराद्यातून नकळत बळावलेली कठोर मानसिकता, त्यानुरूप वागता आले तर ठीक, नच आले तर होणारी घालमेल, त्यातून निर्माण होणारी अस्वस्थता, याचा तर हा परिणाम नव्हता? हिमांशु रॉय नावाच्या पोलिस अधिकार्‍याने काही दिवसांपूर्वी केलेली आत्महत्या असो, ज्याला आसरा दिला त्यानेच एका कुटुंबातील पाच जणांचा घात केल्याची परवाची नागपुरातील घटना असो, की भय्यूजी महाराजांचा दुर्दैवी अंत, बदललेली जीवनशैली आणि एकूणच आयुष्याबद्दलच्या धारणांची गल्लत तर होत नाहीय् ना? अपेक्षा आणि वस्तुस्थिती यातील अंतर कमी करण्याच्या नादात सामान्यजनांची तर ओढाताण होतेच आहे, पण बौद्धिक, आध्यात्मिक पातळीवर वरच्या स्तराला पोहोचलेल्यांनाही या परिस्थितीशी झगडता येत नसेल, तेही त्या स्थितीपुढे हतबल, पराभूत होणार असतील, तर सामान्यजनांची काय कथा? अध्यात्म, विरक्ती, संन्यस्त जीवन, सर्वसंगपरित्याग वगैरे बाबी इतक्या सहज नाहीत, हे सर्वप्रथम तर भक्तांंनी ध्यानात घेतले पाहिजे. त्यासंदर्भातील दावा करणार्‍यांची जबाबदारी तर त्याहून अधिक ठरते, एवढे तरी यानिमित्ताने समजून घेऊ या…!

http://tarunbharat.org/?p=55422
Posted by : | on : 14 Jun 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न
  • अमित पांघळला बॉक्सिंगचे सुवर्ण अमित पांघळला बॉक्सिंगचे सुवर्ण
  • तेजिंदरपालला सुवर्णपदक तेजिंदरपालला सुवर्णपदक
  • महाराष्ट्राच्या राहीचा सुवर्णभेद महाराष्ट्राच्या राहीचा सुवर्णभेद

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (240 of 667 articles)


जहागीरदार | लोकसभा निवडणुकीच्या दृष्टीने भाजपाने विविध क्षेत्रांतील मान्यवरांचा तसेच राष्ट्रीय लोकशाही आघाडीतील घटक पक्षांचा पाठिंबा मिळविण्यासाठी ‘संपर्क फॉर समर्थन’ ...

×