पाकी अधिकार्‌यांच्या भेटीची गरज का भासली?

पाकी अधिकार्‌यांच्या भेटीची गरज का भासली?

►अरुण जेटली यांचा मनमोहनसिंगांना बोचरा सवाल, नवी दिल्ली, १२…

सी प्लेन ही वाहतूक क्षेत्रातील क्रांती

सी प्लेन ही वाहतूक क्षेत्रातील क्रांती

►मोदींनी प्रवास करून मुहूर्तमेढ रोवली ►नितीन गडकरी यांचा दावा,…

जनतेचे पैसे पूर्णपणे सुरक्षित : अरुण जेटली

जनतेचे पैसे पूर्णपणे सुरक्षित : अरुण जेटली

नवी दिल्ली, १२ डिसेंबर – गेल्या काही दिवसांपासून सोशल…

विराट-अनुष्काचे इटलीत शुभमंगल

विराट-अनुष्काचे इटलीत शुभमंगल

रोम, ११ डिसेंबर – टीम इंडियाचा कर्णधार विराट कोहली…

ब्रिटनने गोठवली मल्ल्याची संपत्ती

ब्रिटनने गोठवली मल्ल्याची संपत्ती

►आठवड्याला केवळ ६७०० डॉलर्स खर्चाची मर्यादा, लंडन, ९ डिसेंबर…

मुस्लिमांनी केला ट्रम्प यांचा निषेध

मुस्लिमांनी केला ट्रम्प यांचा निषेध

तेल अवीव, ९ डिसेंबर – अमेरिकी अध्यक्ष डोनाल्ड ट्रम्प…

विरोधकांचा दुसर्‌या दिवशीही गोंधळ

विरोधकांचा दुसर्‌या दिवशीही गोंधळ

►विधान परिषदेचे काम बंद पाडले, नागपूर, १२ डिसेंबर –…

हे तर तुमचेच पाप आहे…

हे तर तुमचेच पाप आहे…

►मुख्यमंत्र्यांचा विरोधकांवर हल्लाबोल, नागपूर, ११ डिसेंबर – आघाडी सरकारच्या…

खाशाबा जाधवांच्या पद्मविभूषण शिफारशीची फाईल गहाळ

खाशाबा जाधवांच्या पद्मविभूषण शिफारशीची फाईल गहाळ

नागपूर, ११ डिसेंबर – प्रख्यात कुस्तीपटू खाशाबा जाधव यांचा…

बात बनेगी क्या, युवराज?

बात बनेगी क्या, युवराज?

॥ संवाद : सोमनाथ देशमाने | राहुल गांधी कॉंग्रेसचे…

कोरियामध्ये तिसर्‍या महायुध्दाची ठिणगी

कोरियामध्ये तिसर्‍या महायुध्दाची ठिणगी

॥ विशेष : अभय बाळकृष्ण पटवर्धन, निवृत्त कर्नल |…

जहॉं पानी कम था

जहॉं पानी कम था

॥ उलट तपासणी : भाऊ तोरसेकर | मागल्या दोन…

‘सिमरन’मधील नवीन गाणे प्रदर्शित

‘सिमरन’मधील नवीन गाणे प्रदर्शित

अभिनेत्री कंगना राणावत लवकरच सिमरन या चित्रपटाद्वारे प्रेक्षकांच्या भेटीला…

चिरंजीवीसोबत सिनेमा करण्यास ऐश्‍वर्याचा नकार?

चिरंजीवीसोबत सिनेमा करण्यास ऐश्‍वर्याचा नकार?

ऐश्‍वर्या राय बच्चनची सध्या बॉलीवूडमध्ये सेकंड इनिंग सुरू आहे.…

रणबीरच्या फिरण्यावर बंदी

रणबीरच्या फिरण्यावर बंदी

संजय दत्तच्या आयुष्यावर आधारित चित्रपटात रणबीर कपूर ६ वेगवेगळ्या…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:50 | सूर्यास्त: 17:52
अयनांश:
Home » उपलेख, रविंद्र दाणी, संपादकीय » मोदी ‘भाग्यवान’, कारण राहुल…!

मोदी ‘भाग्यवान’, कारण राहुल…!

दिल्ली दिनांक : रवींद्र दाणी |

पंतप्रधान नरेंद्र मोदी ‘भाग्यवान’ आहेत. कारण, त्यांना राहुल गांधीसारखा प्रतिस्पर्धी लाभला आहे’- असा एक लेख प्रसिद्ध इतिहासकार रामचंद्र गुहा यांनी कोलकाताच्या ‘द टेलिग्राफ’ या दैनिकात लिहिला होता.
राहुल गांधी यांनी गुहा यांच्या वर्षभरापूर्वीच्या त्या लेखाला अक्षरश: खरं करून दाखविण्याचा निर्धार केला आहे असे त्यांच्या ताज्या वर्तनावरून की तमाशावरून वाटते. राजधानीत एका माजी सैनिकाने वनरँक-वन पेन्शनच्या मुद्यावरून आत्महत्या केली. त्यानंतर राहुल गांधी जसे वागत आहेत व जे करीत आहेत, त्यावरून त्यांनी गुहा यांच्या प्रतिपादनाला प्रत्यक्षात उतरविण्याचे ठरविले असल्यासारखे दिसते.
ज्या माजी सैनिकाने आत्महत्या केली, पोलिसांनी त्याच्या कुटुंबियाला ताब्यात घेतले होते. या कुटुबियांनी तसेच करू नये यासाठी खबरदारीचा उपाय म्हणून पोलिसांनी असा निर्णय घेतला होता. त्यात नवे काहीही नाही. वेगवेगळ्या प्रसंगी पोलिस असे करीत आले आहेत. मात्र, हे निमित्त करून राहुल गांधींनी संसद मार्गावरील पोलिस चौकीत जाऊन जो तमाशा केला, त्यांचे हे वर्तन पंतप्रधानपदाच्या दावेदारास व कॉंग्रेसच्या राष्ट्रीय उपाध्यक्षास शोभणारे नव्हते. एका साध्या पोलिस अधिकार्‍याशी, ‘आपको शरम नही आती’ असे बोलत राहुल गांधींनी, त्यांना असे वागताना कोणतीही शरम वाटत नाही हेच दाखवून दिले.
विरोधाभास
कॉंग्रेस उपाध्यक्ष व अन्य नेत्यांना या माजी सैनिकाच्या आत्महत्येचे वाईट वाटले. ते स्वाभाविक आहे. एका माजी सैनिकाने आपल्या मागण्यांसाठी आत्महत्या करणे समर्थनीय ठरू शकत नाही. मात्र, २४ तास अगोदर भोपाळमध्ये ८ अतिरेक्यांनी एका पोलिसाची हत्या करून पलायन केले त्याबद्दल कॉंग्रेसला काय वाटते? राजधानी दिल्लीत आत्महत्या करणारा हा माजी सैनिक होता. पण, भोपाळमध्ये तर कामावर तैनात हेड कॉन्स्टेबलची हत्या करण्यात आली. त्याची दोन्ही मुले लष्करात आहेत. याची हत्या कुणी केली? भोपाळ तुरूंगातून पलायन केलेल्या सिमी अतिरेक्यांनी. आणि या अतिरेक्यांची बाजू कोण घेत आहे? दिग्विजयसिंग! राहुल गांधीचे राजकीय सल्लागार. हत्या आणि आत्महत्या यात अंतर आहे. पोलिसाची हत्या हा अधिक गंभीर मामला आहे. म्हणजे पोलिस हत्या प्रकरणी कॉंग्रेस पक्ष सिमी अतिरेक्यांच्या बाजूने उभा ठाकला. पण त्या पक्षाच्या उपाध्यक्षाला एका माजी सैनिकाची आत्महत्या एवढी दु:खदायक वाटली की त्याने पोलिस ठाण्यात जाऊन ठाण मांडले.
आणि बेजबाबदार
भारत-पाकिस्तान सीमेवर दररोज ’लघुयुद्ध’ लढले जात आहे. परिस्थिती गंभीर होत आहे. दोन्ही बाजूकडून लष्करी कारवाया सुरू आहेत. पाकिस्तानच्या ’डॉन’ या प्रतिष्ठित वृत्तपत्राने आपल्या १ नोव्हेंबरच्या अंकात भारतीय लष्कर यावेळी कसा सडकून तोफगोळ्यांचा मारा करीत आहे, याचे वृत्त दिले आहे. दोन्ही देशांमधील राजकीय संबंध संपुष्टात येण्याची चिन्हे आहेत. अशा वातावरणात राहुल गांधी भारतीय जवानांना सरकारविरुद्ध चिथावणी देत आहेत. वन रँक-वन पेन्शनचा मुद्दा उपस्थित करण्याची ही वेळ नाही याचे भानही त्यांना राहिलेले नाही. कारण नेतृत्वाची परिपक्वता त्यांच्यात अद्यापही आलेली नाही.
खून की दलाली
राहुल गांधींच्या मातोश्रींनी- सोनिया गांधींनी गुजरातमध्ये जाऊन नरेंद्र मोदी यांच्याबद्दल ‘मौत का सौदागर’ हा शब्द वापरला होता. त्याचा परिणाम काय झाला हे त्यांना चांगले ठावूक आहे. आता राहुल गांधींनी मोदींसाठी ‘खून की दलाली’ शब्द वापरला. मात्र दोन्ही प्रकरणात सोनिया गांधी, राहुल गांधी यांना पूर्णपणे जबाबदार ठरविता येणार नाही. त्यांची समस्या म्हणजे त्यांच्या आपल्या भाषणांसाठी ‘सल्लागारांवर’ अवलंबून राहावे लागते. ‘मौत का सौदागर’ वा ‘खून की दलाली’ या शब्दांचा अर्थ सोनिया- राहुल यांना कसा कळणार? राहुल गांधींनी काही महिन्यांपूर्वी लोकसभेत एक भाषण केले होते. भाषण हिंदीत होते, पण त्याचा मसुदा त्यांनी रोमन म्हणजे इंग्रजी-हिंदीत लिहून आणला होता. म्हणजे ज्या नेत्याला हिंदीच्या चार ओळी वाचता येत नाहीत तो पंतप्रधान पदाचा दावेदार कसा होणार?
आक्रमकता आणि आक्रस्ताळेपणा
राजकारणात आक्रमकता अपरिहार्य आवश्यक असते. पण, आक्रमकता व आक्रस्ताळेपणा यात फरक आहे. राहुल गांधी आक्रस्ताळे वागतात. उत्तरप्रदेशातील एका भाषणात कागद फाडून टाकणे, मनमोहनसिंग सरकारच्या निर्णयाचा दस्तावेज दिल्लीत फाडून टाकणे, लोकसभेत बोलताना आपण संसदेत नव्हे तर आखाड्यात बोलत आहोत अशा थाटात बोलणे. त्यांचे हे आक्रस्ताळे वागणे कॉंग्रेस पक्षातही चर्चेचा विषय ठरत आहे. आणि आता त्यांनी राजधानीतील पोलिस चौकीत जे वर्तन केले त्याला तर बेशरमपणाचा कळस असे मानले जात आहे. एका साधारण पोलिस अधिकार्‍याशी ते हुज्जत घालताना दिसत होते.
आणिबाणीचा उल्लेख
राहुल गांधी, केजरीवाल वारंवार मोदी सरकारवर आणिबाणीच्या वातावरणाचा आरोप लावीत आहेत. आणिबाणी कुणी पाहिली होती? राहुल गांधी, केजरीवाल, सिसोदिया यांना आणिबाणी कशी असते याची जाणीव आहे? राहुल गांधीना पोलिस चौकीत १९ तासही राहावे लागले नाही. आणिबाणीत १९ महिन्यांचा बंदीवास झाला होता. १९७५ ची आणिबाणी लावणार्‍या इंदिरा गांधी या राहुल गांधीच्या आजी होत्या. त्यांना याचेही विस्मरण झाले असावे. म्हणून ते वारंवार आणिबाणीचा उल्लेख करीत आहेत.
मोदी ‘भाग्यवान’
असे हे राहुल गांधी लोकसभेत विरोधकांचे नेते आहेत. मोदी भाग्यवान आहेत ते यासाठी. पं. नेहरू पंतप्रधान असताना त्यांना डॉ. श्यामाप्रसाद मुखर्जी, राममनोहर लोहिया यांसारख्या दिग्गजांचा मुकाबला करावा लागत होता. इंदिरा गांधींना अटलबिहारी वाजपेयी, हितेन मुखर्जी, ज्योतीर्मय बसू, पिलू मोदी, इंद्रजित गुप्ता, मधु दंडवते यांच्या सारख्यांचा सामना करावा लागत होता. राजीव गांधीना ४१५ खासदारांचे प्रचंड बहुमत मिळाले होते. त्यांनाही सोमनाथ चॅटर्जी, दंडवते, इंद्रजित गुप्ता, चंद्रशेखर यांच्यासारखा संसदपटूंना तोंड द्यावे लागत होते. मोदींना संसदेत रोखू शकणारा एकही नेता कॉंग्रेसजवळ नाही आणि राहुल गांधी काय आहेत हे पुन्हा पुन्हा दिसून येत आहे.
कॉंग्रेसमध्ये चिंता
राहुल गांधींची कार्यशैली हा कॉंग्रेस पक्षात एक चिंतेचा विषय झाला आहे. काही दिवसांपूर्वी त्यांनी आपल्या निवासस्थानी पक्ष नेत्यांची एक बैठक बोलविली होती. बराच वेळ ते बैठकीत आलेच नाहीत. बैठकीत आल्यावर त्यांचे लक्ष बैठकीत बोलणार्‍या नेत्यांकडे नव्हते. नंतर दुसरी एक बैठक असल्याचे निमित्त सांगून ते बाहेर निघून गेले. म्हणजे, राहुल गांधी आपल्या निवासस्थानाबाहेर आणि कॉंग्रेसनेते त्यांच्या निवासात.
राज्याभिषेक लांबला
राहुल गांधींच्या नेतृत्वक्षमतेवर कॉंग्रेस पक्षातूनच प्रश्‍नचिन्ह उपस्थित केले जात असल्याने – युवा लॉबीचा आग्रह असूनही – त्यांना कॉंग्रेसाध्यक्ष करण्यात आलेले नाही. सोनिया गांधींची प्रकृती ठणठणीत नाही. अशा स्थितीत राहुल गांधींना तातडीने पक्षाचे अध्यक्ष करावे असा प्रयत्न ही लॉबी करीत होती. पण, राहुल गांधीची भाषणे, त्यांचे वर्तन पाहता वरिष्ठ ज्येष्ठ नेते यास तयार नाहीत. याने राहुल गांधींचा राज्याभिषेक वारंवार लांबणीवर पडत आहे. राहुल गांधींच्या ताज्या भूमिकेने, आक्रस्ताळेपणाने त्यांच्या नेतृत्वक्षमतेवर भलेमोठे प्रश्‍नचिन्ह उपस्थित केले आहे.

शेअर करा

Posted by on Nov 7 2016. Filed under उपलेख, रविंद्र दाणी, संपादकीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Marathi/English, press Ctrl+g  

हवामान

दृष्टीक्षेपात

व्हिडीओ संग्रह

मागील बातम्या, लेख शोध

Search by Date
Search by Category
Search with Google
More in उपलेख, रविंद्र दाणी, संपादकीय (784 of 816 articles)


मंथन : बाळ अगस्ती | एनडी टीव्हीवर एका दिवसाची प्रसारणबंदी हा अन्याय आहे असे जर कोणाला वाटत असेल तर केवळ ...