ads
ads
नक्षल समर्थकांच्या पत्रातील ‘तो’ क्रमांक दिग्विजयसिंहांचाच

नक्षल समर्थकांच्या पत्रातील ‘तो’ क्रमांक दिग्विजयसिंहांचाच

►पुणे पोलिसांची पुष्टी, चौकशी होणार, पुणे, १९ नोव्हेंबर –…

अटकाने, लटकाने, भटकानेवाल्या संस्कृतीमुळे देशाचे नुकसान

अटकाने, लटकाने, भटकानेवाल्या संस्कृतीमुळे देशाचे नुकसान

►पंतप्रधान मोदी यांचा जोरदार पलटवार, नवी दिल्ली, १९ नोव्हेंबर…

आरबीआय मंडळाची नऊ तास वादळी बैठक

आरबीआय मंडळाची नऊ तास वादळी बैठक

►अनेक मुद्यांवर समझोत्याचे संकेत, मुंबई, १९ नोव्हेंबर – केंद्र…

काश्मीर पाकिस्तानचेच शाहिद आफ्रिदीची सारवासारव

काश्मीर पाकिस्तानचेच शाहिद आफ्रिदीची सारवासारव

इस्लामाबाद, १८ नोव्हेंबर – पाकिस्तानमधील राज्यकर्त्यांना देशाचा भाग असलेले…

अमेरिका भारताला देणार २४ पाणबुडीभेदी हेलिकॉप्टर्स

अमेरिका भारताला देणार २४ पाणबुडीभेदी हेलिकॉप्टर्स

►२०० अब्ज डॉलर्सचा व्यवहार, वॉशिंग्टन, १७ नोव्हेंबर – चीन…

मल्ल्यासाठी तिहारच योग्य

मल्ल्यासाठी तिहारच योग्य

►ब्रिटनच्या न्यायालयाचे शिक्कामोर्तब, लंडन, १७ नोव्हेंबर – सार्वजनिक आणि…

विधानसभा कामकाजास ‘वंदे मातरम’ने सुरुवात

विधानसभा कामकाजास ‘वंदे मातरम’ने सुरुवात

मुंबई, १९ नोव्हेंबर – महाराष्ट्र विधानसभेच्या हिवाळी अधिवेशनाच्या कामकाजास…

मराठा आरक्षणावर उद्या हायकोर्टात सुनावणी

मराठा आरक्षणावर उद्या हायकोर्टात सुनावणी

मुंबई, १९ नोव्हेंबर – मराठा आरक्षणाचा प्रश्‍न तातडीने निघाली…

मराठा समाजाला स्वतंत्र प्रवर्गात आरक्षण

मराठा समाजाला स्वतंत्र प्रवर्गात आरक्षण

►अधिवेशनाच्या पूर्वसंध्येला मुख्यमंत्री फडणवीस यांची घोषणा ►मागासवर्ग आयोगाच्या तिन्ही…

तापमानवाढीचा धोका वाढतोय

तापमानवाढीचा धोका वाढतोय

॥ विशेष : अ‍ॅड. गिरीश राऊत | विकास पृथ्वीची…

अपनी अकल लगाओ!

अपनी अकल लगाओ!

॥ मानसरंग : मयुरेश डंके | गेटवे ऑफ इंडिया,…

राफेल सुनावणी : अर्धे नुकसान, अर्धा फायदा

राफेल सुनावणी : अर्धे नुकसान, अर्धा फायदा

॥ सारांश : ल.त्र्यं. जोशी | एक बाब मात्र…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:36 | सूर्यास्त: 17:48
अयनांश:
Home » उपलेख, भाऊ तोरसेकर, संपादकीय, स्तंभलेखक » लढण्यापूर्वीच माघार?

लढण्यापूर्वीच माघार?

भाऊ तोरसेकर |

गेल्या रविवारी द सन्डे गार्डियनमध्ये एक बातमी वाचायला मिळाली. दोन महिन्यात तीनचार राज्यांच्या विधानसभा निवडणुका होऊ घातल्या आहेत आणि त्याच संबंधातली ही बातमी आहे. यापैकी तीन विधानसभा भाजपा व काँग्रेस अशा दोन्ही प्रमुख राष्ट्रीय पक्षांसाठी निर्णायक महत्त्वाच्या आहेत. तिन्ही राज्ये भाजपाकडे असून तिथली सत्ता टिकवली तर सहा महिन्यांनी येणारी लोकसभा निवडणूक भाजपासाठी आशादायक व सोपी होऊन जाणार आहे. उलट काँग्रेसला यापैकी राजस्थानात पाच वर्षांपूर्वी सत्ता गमावण्याची पाळी आली होती आणि मध्यप्रदेश व छत्तीसगड या दोन राज्यात तर काँग्रेसला लागोपाठ पंधरा वर्षे नामुष्की पत्करावी लागते आहे. साहजिकच यापैकी एकदोन राज्यात तुटपुंज्या संख्येने जरी काँग्रेसने सत्ता बळकावली, तरी पुढल्या लोकसभेसाठी विरोधकांना आपल्या नेतृत्वाखाली एकत्र येण्यास काँग्रेस भाग पाडू शकते. म्हणूनच या तीन राज्यात दोन्ही पक्षांसाठी अटीतटीची लढाई आहे. भाजपाचे पक्षाध्यक्ष अशा लढाईची वर्षभर आधीपासून जमवाजमव करतात. त्यामुळे भाजपाने काय काय उरकले आहे, ते अजून गुलदस्त्यात आहे. पण तिन्ही राज्याचे मुख्यमंत्री जनसंपर्क यात्रा नावाच्या मोहिमेवर आधीच रुजू झालेले आहेत. काँग्रेसनेही जमवाजमव सुरू केली असली, तरी ती उमेदवारांची निवड व विविध गटातल्या हाणामार्‍या रोखण्याची कसरत आहे. पराभव आणि दीर्घकाळ सत्ता हाती नसतानाही काँग्रेसमधील नेते कशासाठी आपसात लाथाळ्या करीत असतात, हे कधीच न उलगडणारे रहस्य आहे. पण त्यावर मात करण्याच्या गर्जना सध्याच्या नव्या नेतृत्वाने सुरू केल्या आहेत. मग ही सुरूवात कोणती आहे? तर मध्यप्रदेशातील २३० पैकी ८० जागांचे उमेदवार येत्या आठवड्यात काँग्रेस जाहीर करणार आहे. ही आघाडी आहे की पिछाडी आहे, तेच समजत नाही. कारण हे उमेदवार लौकर जाहीर करण्याचे तर्कशास्त्र चकित करणारे आहे.
गार्डियनच्या बातमीनुसार या ८० जागांचे उमेदवार लगेच जाहीर केले जातील, त्यायोगे त्यांना आपल्या मतदारसंघात प्रचार करायला अधिक वेळ मिळू शकेल, असे त्या पक्षाच्या एका नेत्याने सांगितले आहे. त्या रणनितीचा खुलासा करताना हा काँग्रेस नेता म्हणतो, या ८० जागा काँग्रेससाठी अवघड आहेत आणि तिथली लढत भलतीच कष्टाची आहे. थोडक्यात या अशक्य कोटीतल्या जागा आहेत अशी कबुली या निवेदनातून स्पष्ट होते. आणखी एक बाब लक्षणीय आहे. या ८० जागा अशा आहेत, जिथे एकाहून अधिक तिकीटाचे दावेदार नाहीत. म्हणूनच तिथली उमेदवारी लगेच जाहीर करण्यात कुठलीच अडचण नाही. पण त्याचाच दुसरा अर्थ असा, की काँग्रेसपाशी या जागी हिरिरीने लढू शकणारे कोणी उमेदवार नाहीत. जो येईल त्याला लगेच तिकीट देण्याखेरीज काँग्रेससमोर अन्य पर्याय नाही. विधानसभेतील एकूण आमदारांची संख्या लक्षात घेतली तर या ८० जागांचे महत्त्व लक्षात येऊ शकते. ते समजून घेतले तर मग रणनिती कुठे फसते आहे, त्याचाही उलगडा होऊ शकतो. २३० जागांपैकी ८० जागा म्हणजे एकतृतियांश इतकी संख्या होते. तितक्या जागी कुठल्याही यशाची अपेक्षा काँग्रेसच्या स्थानिक नेतृत्वालाच नाही. याचा अर्थ तितक्या जागा त्यांनी भाजपा जिंकणार म्हणून आधीच गृहीत धरलेले आहे, तेवढ्या जागा वगळल्या तर काँग्रेसला लढण्यासाठी १५० जागा शिल्लक उरतात आणि सर्व जागा मिळून बहुमत म्हणजे ११६ जागा काँग्रेसला जिंकणे भाग आहे. थोडक्यात उरलेल्या दिडशेपैकी प्रत्येक जागा जिंकण्यासाठी कंबर कसायला पर्याय नाही. ही रणनिती असेल तर भाजपाला किमान बहुमत मिळणार हे त्यामागचे गृहित असू शकते. कारण ८० जागा प्रतिस्पर्ध्याने आधीच दिलेल्या असल्या तर भाजपाला बहुमतासाठी उरलेल्या दीडशेपैकी फक्त ४० जागा जिंकल्या तरी सत्ता सहज मिळून जाणार आहे. हे कसले समीकरण वा रणनिती आहे?
पंधरा वर्षांनी भाजपाला मध्यप्रदेशातील सत्तेतून हुसकावून लावणार्‍यांची ही भाषा थक्क करणारी नाही काय? लोकमत भाजपा वा शिवराजसिंग चौहान यांच्या विरोधात खवळलेले असेल, तर विरोधातला प्रमुख पक्ष काँग्रेससाठी सर्वच्या सर्व २३० जागा लढण्यायोग्य होतात आणि त्यातून किमान १७०-१८० जागा जिंकण्याचा मनसुबा असला पाहिजे. अमुकतमुक विरोधाचा बालेकिल्ला म्हणून सोडून देता येत नसतो आणि लोकमत इतके सत्ताधारी पक्षाच्या विरोधात गेलेले असेल, तर विरोधकांच्या गोटात प्रत्येक जागेसाठी पाचसात इच्छुकांची झुंबड उडालेली असायला हवी. तिकीटावरून हाणामार्‍या झाल्या की मग काँग्रेस प्रवक्ते नेहमी आपल्या पक्षाच्या लोकप्रियतेचे प्रतीक म्हणून तिकडे बोट दाखवत असतात. मग आता ही झुंबड नसल्यास लोकमत कोणाच्या बाजूने असल्याचे लक्षण मानायचे? कुठल्याही सत्ताधारी पक्षासाठी जनतेला सामोरे जाण्यासाठी शेवटचे एक वर्ष किंवा काही महिन्यांचा अवधी उपलब्ध असतो. पण विरोधी पक्षाला मात्र पुढल्या निवडणुका जिंकण्यासाठी एकेका जागी बस्तान बसवण्यासाठी पूर्ण पाच वर्षे हाताशी असतात. इथे तर काँग्रेसला पंधरा वर्षाचा कालावधी मिळालेला आहे आणि त्यात तीन लोकसभा व दोन विधानसभांमध्ये आपल्या त्रुटी व चुकांची पावती मिळालेली होती. मग त्याचा अभ्यास करून सज्ज व्हायला अखेरच्या वर्षात किंवा दोनचार महिन्यात धावाधाव कशाला करावी लागते आहे? त्याचे उत्तर कोणी नेता देत नाही. कारण कुठेही संघटना उरलेली नाही आणि सर्व पातळीवर नुसती तोंडपाटीलकी करणार्‍यांचा भरणा झालेला आहे. मान खाली घालून पक्षाचे काम करणारे व मतदाराला जाऊन भिडणारे लोकच काँग्रेसपाशी उरलेले नाहीत. त्यामुळे नुसत्या जाहिराती व प्रचारावर पक्षाला विजय व सत्ता मिळवून देण्याच्या वल्गना करण्याला नेतृत्व अशी उपाधी लावली जात असते.
आंधी चित्रपटात इंदिराजींचे पात्र रंगवलेले आहे. त्या मतदारसंघातला पक्षाचा एक बुजुर्ग इरसाल नेता म्हणून ओमप्रकाश यांनी ते पात्र रंगवलेले होते. निवडणुका जिंकून ती नायिका सुचित्रा सेन हेलिकॉप्टरमध्ये बसताना कार्यकर्त्यांना निरोप देते, तेव्हा ओमप्रकाशच्या तोंडचे वाक्य काँग्रेसच्या विजयी परंपरेचे लक्षण होते. अगले चुनाव तक जिंदा रहेंगे तो सेवामे हाजीर होंगे. हा काँग्रेसचा कार्यकर्ता होता. त्याला उमेदवारी वा पदाचा सोस नव्हता. आपल्या पक्षाला जिंकून देण्यासाठी निवडणूक काळात राबणे व नेत्याला विजयी करून देणे, असे कर्तव्य मानून सुखी असलेला ओमप्रकाश आता काँग्रेसमध्ये औषधालाही उरलेला नाही. तो कोणी साधूसंत दाखवलेला नव्हता, तर आपल्या परिसरात दबदबा असलेला आणि स्थानिक राजकारणाची गुंतागुंत जाणून पक्षाची पाळेमुळे होऊन राहण्यात धन्यता मानणारा वर्ग होता. असे लोक इरसाल व बनेलही होते. पण त्यांच्या खांद्यावर बसूनच दिल्लीतली सत्ता काँग्रेसने प्रदीर्घकाळ मिळवलेली होती. त्यांच्या क्षेत्रातील त्यांची सुभेदारी मक्तेदारी जपलेली होती आणि बदल्यात त्यांनी दिल्लीश्‍वरांच्या सिंहासनाला लागणारी कुमक वेळोवेळी पुरवलेली होती. तालुका-जिल्हा व राज्य पातळीवरचे हे स्थानिक नेतृत्व काँग्रेसश्रेष्ठी नावाच्या कोणीतरी उखडून टाकले आणि काँग्रेसचा वटवृक्ष बघता बघता उन्मळून कोसळण्याची पाळी आली. अमित शहा किंवा भाजपा आपली पाळेमुळे खोलवर रुजवत वाटचाल करतो आहे आणि त्यात पदाची लालसा वा सत्तेची आकांक्षा असलेल्यांना स्थान नाही. त्यांना सत्तापदे जरूर दिली जातात. पण पक्षसंघटनेत अशा लोकांना चंचूप्रवेशही मिळत नाही. म्हणून प्रत्येक जागा लढवायची होऊन जाते आणि कुठलीही जागा सोडून देण्याचा विषयही चर्चेला येत नाही. उत्तरप्रदेश, त्रिपुरा असो किंवा आपला हक्काचा प्रदेश असलेले गुजरात, कर्नाटक असोत, तिथली भाजपाच्या नेतृत्वाची व संघटनेची मेहनत विसरून त्या पक्षाला पराभूत करता येणार नाही.

https://tarunbharat.org/?p=61504
Posted by : | on : 9 Sep 2018
Filed under : उपलेख, भाऊ तोरसेकर, संपादकीय, स्तंभलेखक.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न
  • अमित पांघळला बॉक्सिंगचे सुवर्ण अमित पांघळला बॉक्सिंगचे सुवर्ण
  • तेजिंदरपालला सुवर्णपदक तेजिंदरपालला सुवर्णपदक
  • महाराष्ट्राच्या राहीचा सुवर्णभेद महाराष्ट्राच्या राहीचा सुवर्णभेद

हवामान

दृष्टीक्षेपात

व्हिडीओ संग्रह

More in उपलेख, भाऊ तोरसेकर, संपादकीय, स्तंभलेखक (243 of 1335 articles)


संबंधांना वैध करार देत, समलैंगिक असणे हा गुन्हा नाही, असा एका अर्थाने ऐतिहासिक निर्णय सर्वोच्च न्यायालयाने गुरुवारी दिल्यानंतर, समलैंगिक तसेच ...

×