ads
ads
कायद्याने राममंदिर मान्य!

कायद्याने राममंदिर मान्य!

►मुस्लिम पक्षकार अन्सारीची भूमिका, अयोध्या, २० नोव्हेंबर – अयोध्येतील…

एकाला फाशी, दुसर्‍याला जन्मठेप

एकाला फाशी, दुसर्‍याला जन्मठेप

►१९८४ मधील शीखनरसंहार; ३४ वर्षांनंतर निकाल, नवी दिल्ली, २०…

भक्तांची श्रद्धा चिरडू देणार नाही : अमित शाह

भक्तांची श्रद्धा चिरडू देणार नाही : अमित शाह

नवी दिल्ली, २० नोव्हेंबर – स्वामी अय्यप्पांच्या भक्तांशी केरळ…

काश्मीर पाकिस्तानचेच शाहिद आफ्रिदीची सारवासारव

काश्मीर पाकिस्तानचेच शाहिद आफ्रिदीची सारवासारव

इस्लामाबाद, १८ नोव्हेंबर – पाकिस्तानमधील राज्यकर्त्यांना देशाचा भाग असलेले…

अमेरिका भारताला देणार २४ पाणबुडीभेदी हेलिकॉप्टर्स

अमेरिका भारताला देणार २४ पाणबुडीभेदी हेलिकॉप्टर्स

►२०० अब्ज डॉलर्सचा व्यवहार, वॉशिंग्टन, १७ नोव्हेंबर – चीन…

मल्ल्यासाठी तिहारच योग्य

मल्ल्यासाठी तिहारच योग्य

►ब्रिटनच्या न्यायालयाचे शिक्कामोर्तब, लंडन, १७ नोव्हेंबर – सार्वजनिक आणि…

मराठा आरक्षणावरून विरोधकांमध्ये फूट

मराठा आरक्षणावरून विरोधकांमध्ये फूट

मुस्लिम आरक्षणावरून सभागृहात गदारोळ, राजदंड पळवला, मुंबई, २० नोव्हेंबर…

विधानसभा कामकाजास ‘वंदे मातरम’ने सुरुवात

विधानसभा कामकाजास ‘वंदे मातरम’ने सुरुवात

मुंबई, १९ नोव्हेंबर – महाराष्ट्र विधानसभेच्या हिवाळी अधिवेशनाच्या कामकाजास…

मराठा आरक्षणावर उद्या हायकोर्टात सुनावणी

मराठा आरक्षणावर उद्या हायकोर्टात सुनावणी

मुंबई, १९ नोव्हेंबर – मराठा आरक्षणाचा प्रश्‍न तातडीने निघाली…

तापमानवाढीचा धोका वाढतोय

तापमानवाढीचा धोका वाढतोय

॥ विशेष : अ‍ॅड. गिरीश राऊत | विकास पृथ्वीची…

अपनी अकल लगाओ!

अपनी अकल लगाओ!

॥ मानसरंग : मयुरेश डंके | गेटवे ऑफ इंडिया,…

राफेल सुनावणी : अर्धे नुकसान, अर्धा फायदा

राफेल सुनावणी : अर्धे नुकसान, अर्धा फायदा

॥ सारांश : ल.त्र्यं. जोशी | एक बाब मात्र…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:36 | सूर्यास्त: 17:48
अयनांश:
Home » अग्रलेख, संपादकीय » शिस्त लावणे म्हणजे हुकूमशाही नव्हे!

शिस्त लावणे म्हणजे हुकूमशाही नव्हे!

पंतप्रधान नरेंद्र मोदी हे अतिशय प्रामाणिक, परिश्रमी, देशाप्रति समर्पित आहेत. त्यांच्यातला आत्मविश्‍वास हिमालयाच्या उंचीएवढा आहे. राष्ट्रनिर्माणासाठी वाटेल तो त्याग करण्याची त्यांची तयारी आहे. शिस्त हा त्यांचा आवडता विषय आहे. प्रत्येक काम शिस्तीत झाले पाहिजे, प्रत्येकाने त्याचे कर्तव्य प्रामाणिकपणे पार पाडले पाहिजे, असा आग्रह जर ते धरत असतील आणि आज अस्तित्वात असलेल्या कायद्यानुसारच आपल्या सरकारची धोरणं राबवत असतील तर त्यात चूक ती काय? एखादी व्यक्ती शिस्तप्रिय आहे आणि इतरांनाही शिस्त लावण्याचे काम करीत असेल तर त्यातही चूक काय? मध्यंतरी उपराष्ट्रपती एम. व्यंकय्या नायडू यांच्या पुस्तक प्रकाशनाचा कार्यक्रम होता. त्यात पंतप्रधानांनी नायडू हे शिस्तप्रिय असल्याचे सांगत त्यांची प्रशंसा केली होती. परंतु, दुर्दैवाने आपल्या देशात आज अशी स्थिती निर्माण करण्यात आली आहे की, जो कुणी शिस्तीची भाषा बोलेल त्याला लोकशाहीविरोधी ठरविले जाते, हुकूमशहा म्हटले जाते. पंतप्रधानांनी नायडूंची प्रशंसा करताना इतरांकडून शिस्तीची अपेक्षा केली असेल तर ती चुकीची कशी ठरविता येईल? आपल्या देशात ‘अभिव्यक्ती स्वातंत्र्य’ हा परवलीचा शब्द झाला आहे. अभिव्यक्ती स्वातंत्र्याच्या आडून कुणालाही काहीही बोलण्याचा परवाना मिळाल्याच्या थाटात टीका केली जात आहे. आपण देशाच्या पंतप्रधानांविरुद्ध बोलतो आहोत, अनावश्यक बोलतो आहोत, ज्या संविधानाने त्यांना पंतप्रधान पदावर आरूढ होण्याचा अधिकार दिला आहे, त्या संविधानाचा आपण अपमान करतो आहोत, याचे जराही भान या मंडळींना राहात नाही. टीव्हीवरील चर्चा ऐका, समाजमाध्यमांमधून उमटणार्‍या प्रतिक्रिया बघा, सगळीकडे आपल्याला कायद्याच्या विरुद्ध वर्तणूक दिसेल. अर्थात, याला अपवाद हे असतातच. पण, अभिव्यक्ती स्वातंत्र्याच्या आड आपण कायद्याची ऐसीतैशी करतो आहोत, याचा या मंडळींना सोईस्कर विसर पडतो. कारण, आपल्या देशातील न्यायप्रणालीही सुस्तावलेली आहे. आता ती का सुस्तावली आहे, याच्या तपशिलात जाण्याचे कारण नाही. असे असले तरी वास्तव अमान्य करता येणार नाही. मात्र, संसदेने जे कायदे पारित केले आहेत, संविधानात ज्या तरतुदी आहेत, त्यांचाच फक्त आधार घेत पंतप्रधान नरेंद्र मोदी यांनी देशात शिस्त लावण्याचा प्रयत्न केला तर त्यांच्यावर हुकूमशहा असल्याचा आरोप केला जातो. आम्ही कसेही वागू, देशाचे अहित झाली तरी आम्हाला पर्वा नाही, आम्ही कुणावरही कसलीही टीका करू, कुणाचाही अपमान करू, आमच्यावर कारवाई करायची नाही आणि केलीच तर ती आमच्या अभिव्यक्ती स्वातंत्र्यावर गदा आणणारी ठरवू, ही जी वृत्ती आहे, ही ठेचून काढण्याची गरज आहे. आता नुकतीच अमेरिकन ओपन टेनिस स्पर्धा आटोपली. या स्पर्धेत जगज्जेती खेळाडू सेरेना विल्यम्स एक सामना खेळत असताना तिच्याकडून झालेल्या चुकीसाठी पंच कार्लोस यांनी तिला पेनल्टी रुल लावला. कारण, सामन्यात प्रतिस्पर्धी खेळाडू विजयी झाली होती. त्यामुळे सेरेना विल्यम्स ही पंच कार्लोस यांच्यावर भडकली. तिने त्यांना चोर, लबाड आणि आणखी अनेक विशेषणं लावलीत. पण, आंतरराष्ट्रीय टेनिस महासंंघाने पंच कार्लोस यांची बाजू उचलून धरली. त्यांनी नियमानुसारच कारवाई केली असे सांगत महासंघाने पंचांचे मनोबल वाढविले. इथे नियमांची कठोरपणे अंमलबजावणी करणारे कार्लोस यांना आपण हुकूमशहा म्हणणार का? जो नियम कार्लोस यांना लागू होतो, तोच पंतप्रधान मोदी यांनाही लागू व्हायला नको का? आपल्या देशात जनता हीच पंच आहे. निवडणुका येऊ घातल्या आहेत. निवडणुका जिंकण्यासाठी जी मंडळी देशाच्या पंतप्रधानांना कारण नसताना बदनाम करण्यासाठी उतावीळ झाली आहे, त्यांचा फैसला पंचरुपी जनतेलाच करावा लागणार आहे. आज आपला देश स्वतंत्र होऊन सात दशके लोटली आहेत. इतिहास साक्षी आहे. ज्या ज्या वेळी संविधानाची अंमलबजावणी करणार्‍या संस्था अक्षम होतात, त्या त्या वेळी लोकशाही कमजोर होते. याचा अनुभव जनतेने घेतला आहे. देश चालवायचा असेल, प्रगतिपथावर न्यायचा असेल तर त्यासाठी कायद्यातील सर्व तरतुदींचे कठोर पालन करणे आणि करवून घेणे आवश्यक असते. आपल्याकडे अनेकदा अशी चर्चा सुरू होते की, देशाला एखाद्या हुकूमशहाचीच गरज आहे. लोक स्वत:च बोलत असतात. कारण, जेव्हा अनागोंदी माजते, नेते राष्ट्रहिताकडे दुर्लक्ष करतात, राजकीय पक्ष मनमानी करायला लागतात, सामान्य जनतेला भीती वाटायला लागते. या भीतीतूनच ते हुकूमशहाची गरज व्यक्त करतात. १९७० च्या दशकातील प्रारंभीच्या वर्षांमध्ये इंदिरा गांधी यांचा एक शक्तिशाली नेता म्हणून उदय झाला. सरकारी कार्यालये, लोकसेवक आणि प्रशासनाला शिस्त लावण्यासाठी त्यांनी अनेक कठोर पावले उचलली. त्यातूनच त्यांनी सरकारी योजनांचे यशस्वी क्रियान्वयनही केले. पण, त्यांच्याच नेतृत्वात देशावर आणिबाणी लादण्यात आली. नागरिकांचे मूलभूत अधिकार काढून घेण्यात आले. प्रसारमाध्यमांचे स्वतंत्र्यही अबाधित राहिले नव्हते. आणिबाणीला विरोध करणार्‍या नेत्यांना आणि संपादकांना तुरुंगात डांबण्यात आले होते. राष्ट्रीय स्वयंसेवक संघासारख्या सांस्कृतिक राष्ट्रवाद जोपासणार्‍या संघटनेवरही बंदी घालण्यात आली होती. या अर्थाने बघितले तर इंदिरा गांधींचे सरकार हे हुकूमशाही सरकार बनले होते. पण, पंतप्रधान मोदी यांच्याकडून अजून तरी अशी कुठलीही कृती घडलेली नाही, ज्यावरून त्यांना हुकूमशहा ठरविता येईल. नक्षलवाद्यांशी संबंध असल्याच्या आरोपावरून ज्या पाच शहरी नक्षल्यांना नजरकैदेत ठेवण्यात आले आहे, त्यांना सरकारविरोधात कोर्टात जाण्याचा अधिकार आहे, सत्ताधारी पक्षाच्या नेत्याविरुद्धही विरोधकांना कोर्टात जाण्याचा अधिकार आहे. असे असतानाही जर मोदी सरकारवर हुकूमशाहीचा आरोप होत असेल तर ही जनतेच्या डोळ्यांत धूळफेकच म्हणावी लागेल. देशात कुठेही काहीही घडले की त्याचा संबंध मोदी सरकारशी जोडण्याचा गोरखधंदा सध्या तेजीत आहे. वास्तविक, कायदा आणि सुव्यवस्था राखणे ही राज्य सरकारांची जबाबदारी आहे. असे असतानाही कुठल्याही राज्यात काही घडले की त्यांचा संबंध पंतप्रधान मोदींशी आणि त्यांच्या नेतृत्वातील रालोआ सरकारशी जोडला जातो. देशात कायद्याचे राज्य शंभर टक्के आहे. जो हिंसक जमाव एखाद्याची हत्या करतो, त्या हत्येसाठी जबाबदार असणार्‍यांवर कायद्याने कारवाई केली जाते, केली गेली आहे. कायद्याचे राज्य आहे, न्यायालये आपल्या शैलीने काम करण्यास स्वतंत्र आहेत, अशा परिस्थितीत सरकारवर हुकूमशाहीचा आरोप कसा काय करता येईल? काँग्रेसच्या शासन काळात इतर राजकीय पक्षांची राज्य सरकारे आणि राज्यपालांची ज्या असंवैधानिक पद्धतीने बडतर्फी केली जायची, तसला प्रकार मोदी सरकारच्या काळात कुठे अनुभवास आला नाही. असे असतानाही मोदी सरकारला हुकूमशहा ठरविणे यात फक्त आणि फक्त घाणरडे राजकारण आहे, बाकी काही नाही.

https://tarunbharat.org/?p=62278
Posted by : | on : 20 Sep 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न
  • अमित पांघळला बॉक्सिंगचे सुवर्ण अमित पांघळला बॉक्सिंगचे सुवर्ण
  • तेजिंदरपालला सुवर्णपदक तेजिंदरपालला सुवर्णपदक
  • महाराष्ट्राच्या राहीचा सुवर्णभेद महाराष्ट्राच्या राहीचा सुवर्णभेद

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (113 of 729 articles)


जहागीरदार | देशाच्या सुरक्षेच्या दृष्टीने आवश्यक असलेल्या राफेल विमानाच्या खरेदी प्रकरणावरून मोदी सरकारविरुद्ध एकटे राहुल गांधी टीका करीत आहेत. पण, ...

×