ads
ads
संघ सर्वाधिक लोकशाही संघटना

संघ सर्वाधिक लोकशाही संघटना

►सरसंघचालक डॉ. मोहनजी भागवत यांचे स्पष्ट प्रतिपादन, वृत्तसंस्था नवी…

पंतप्रधान मोदींवर अभिनंदनाचा वर्षाव

पंतप्रधान मोदींवर अभिनंदनाचा वर्षाव

वृत्तसंस्था नवी दिल्ली, १७ सप्टेंबर – पक्षभेद आणि राजकीय…

फुकटात काहीच मिळत नाही

फुकटात काहीच मिळत नाही

►चीनची मदत घेणार्‍या देशांना लष्करप्रमुखांचा इशारा, वृत्तसंस्था पुणे, १७…

पाकिस्तान व्यापारासाठी देणार भारत-अफगाणला भूमी

पाकिस्तान व्यापारासाठी देणार भारत-अफगाणला भूमी

वृत्तसंस्था मुंबई, १५ सप्टेंबर – भारत-अफगाणिस्तानने व्यापारासाठी पाकिस्तानची भूमी…

भारताचा सीपीईसीला कडाडून विरोध

भारताचा सीपीईसीला कडाडून विरोध

►चीनसह पाकला खडे बोल!, वृत्तसंस्था जीनिव्हा (स्वित्झर्लंड), १५ सप्टेंबर…

चिनी मालावर जास्तीचा कर लावण्याचे ट्रम्प यांचे निर्देश

चिनी मालावर जास्तीचा कर लावण्याचे ट्रम्प यांचे निर्देश

वृत्तसंस्था वॉशिंग्टन, १५ सप्टेंबर – अमेरिका आणि चीन या…

शेळ्या चारण्यासाठी गेलेल्या ३ भावंडाचा बंधाऱ्यात बुडून मृत्यू

शेळ्या चारण्यासाठी गेलेल्या ३ भावंडाचा बंधाऱ्यात बुडून मृत्यू

►मराठवाड्यातील उमरज येथील घटना, प्रतिनिधी कंधार, १७ सप्टेंबर –…

महाराष्ट्रात वेगाने भरणाऱ्या ट्रेन्स

महाराष्ट्रात वेगाने भरणाऱ्या ट्रेन्स

मुंबई, १८ सप्टेंबर – ट्रेनने दररोज २३ दशलक्षांहून अधिक…

विसर्जन मिरवणुकीत डीजे, डॉल्बीला परवानगी नाही

विसर्जन मिरवणुकीत डीजे, डॉल्बीला परवानगी नाही

►मुंबई उच्च न्यायालयाची तात्पुरती बंदी, मुंबई, १४ सप्टेंबर –…

रा.स्व.संघ : हिंदुबंधुत्वापासून विश्‍वबंधुत्वापर्यंत

रा.स्व.संघ : हिंदुबंधुत्वापासून विश्‍वबंधुत्वापर्यंत

॥ सारांश : ल.त्र्यं. जोशी | संघस्थापनेपासूनचा हा धावता…

साद समाजपुरुषाची!

साद समाजपुरुषाची!

॥ संवाद : सोमनाथ देशमाने | स्वातंत्र्यदिनाच्या दिवशी लाल…

गॉड आणि सैतान

गॉड आणि सैतान

॥ जागता पहारा : भाऊ तोरसेकर | कठुआ, उन्नाव…

मोरूच्या मावशीची ‘एक्झिट’

मोरूच्या मावशीची ‘एक्झिट’

मुंबईच्या गिरणगावाने अनेक कलाकार रंगभूमी आणि रुपेरी पडद्याला दिले,…

‘सिमरन’मधील नवीन गाणे प्रदर्शित

‘सिमरन’मधील नवीन गाणे प्रदर्शित

अभिनेत्री कंगना राणावत लवकरच सिमरन या चित्रपटाद्वारे प्रेक्षकांच्या भेटीला…

चिरंजीवीसोबत सिनेमा करण्यास ऐश्‍वर्याचा नकार?

चिरंजीवीसोबत सिनेमा करण्यास ऐश्‍वर्याचा नकार?

ऐश्‍वर्या राय बच्चनची सध्या बॉलीवूडमध्ये सेकंड इनिंग सुरू आहे.…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:15 | सूर्यास्त: 18:24
अयनांश:
Home » अग्रलेख, संपादकीय » हिंदुत्वाला शिव्या घालण्याचे पाप करू नका!

हिंदुत्वाला शिव्या घालण्याचे पाप करू नका!

देशातील तमाम ढोंग्यांनी सध्या हिंदू धर्माला बदनाम करण्याची मोहीमच जणू आरंभली आहे. काहीही झाले की, हिंदुत्ववाद्यांना जबाबदार धरून ठोकून काढायचे, ही सवय असल्यागत हे ढोंगी वागत आहेत. एखाद्या मुस्लिम व्यक्तीला देशाच्या कुठल्याही भागात मारहाण झाली आणि मारहाण करणारे हिंदू असले, की यांना आयतीच संधी चालून येते. पण, ही मारहाण कोणत्या कारणावरून झाली आहे, ज्याला मारले आहे, त्या व्यक्तीचा गुन्हा काय आहे, ही मारहाण खरोखरीच हिंदू-मुस्लिम अशा भेदभावातून झाली आहे काय, हे जाणून न घेता दोषी असलेल्या मुस्लिम व्यक्तीची बाजू घेत संपूर्ण हिंदू समाजाला, विशेषत: राष्ट्रीय स्वयंसेवक संघ, विश्‍व हिंदू परिषद आणि भारतीय जनता पार्टीला बदनाम करण्याची मोहीम जाणीवपूर्वक राबविली जाते. याउलट, देशाच्या विविध भागात अनेक हिंदूंवर अत्याचार होत असताना, त्याबाबत हे ढोंगी चकार शब्दही काढत नाहीत. वास्तविक, हिंदू-मुस्लिम बांधव गुण्यागोविंदाने राहात आहेत. आपसात एखाद्या कारणावरून काही मतभेद झालेत आणि त्याचे रूपांतर हिंसाचारात झाले, तर सरसकट हिंदूंना दोषी ठरवून मुस्लिमांचीच बाजू घेत अशा हिंसाचाराला धार्मिक रंग दिला जातो. पण, असे करून आपण समाजाचे आणि देशाचे मोठे नुकसान करीत आहोत, याचा विसर या मंडळींना पडलेला असतो. राष्ट्रीय स्वयंसेवक संघ ही खरेतर सांस्कृतिक राष्ट्रवाद जोपासणारी संघटना आहे. हिंदू ही जीवनशैली आहे, असे एकदा नव्हे, अनेकदा सर्वोच्च न्यायालयाने स्पष्ट केल्यानंतरही हिंदुत्वाबाबत बोलणार्‍याला सरसकट जातीयवादी ठरविले जाते. हिंदुत्व हे अतिशय व्यापक आहे. सर्वसमावेशक आहे. प्रत्येकाने ज्याच्या त्याच्या धर्मानुसार आचरण करावे, असे मानणारे फक्त हिंदुत्वच आहे! असे असतानाही हिंदुत्वाची भाषा बोलणार्‍यांना लक्ष्य करून सतावले जाते, हे या देशाचे दुर्दैवच म्हटले पाहिजे. अहिंसा, सहिष्णुता, सर्वधर्मसमभाव, वसुधैव कुटुंबकम् असे जे शब्द आहेत, ते स्वाभाविकपणेच हिंदुत्वाशी जोडले जातात. हिंदू धर्माचे जे खरे अनुयायी आहेत, त्यांनी हे सगळे शब्द हिंदुत्वाचा पर्याय म्हणूनच स्वीकारले आहेत. हे शब्द आपल्या आचरणात आणले म्हणजे खर्‍या अर्थाने आपण हिंदुत्व जगलो, असे मानणार्‍यांची संख्या कमी नाही. पण, काही करंट्या हिंदूंनीच हिंदुत्व बदनाम करण्याचा विडा उचलला असल्याने खरे संकट हे इतर धर्मियांकडून नव्हे, तर हिंदूंमधीलच ढोंग्यांकडून आहे, हे ओळखले पाहिजे. जे विदेशी नागरिक आहेत, जे हिंदुत्वाबाबत काही थोडेसेही जाणतात, त्यांनाही या शब्दांची महत्ता माहिती आहे आणि हिंदुत्व कसे व्यापक आहे, हेही माहिती आहे. ‘वसुधैव कुटुंबकम्’सारखी जी हिंदू धर्माची विशेषता आहे, त्याबाबतही विदेशी नागरिक जाणून आहेत. असे असताना आपल्याच देशातील हिंदू बांधव, आपल्या देशातील प्रसारमाध्यमे जेव्हा हिंदू कट्टरवाद, हिंदू आतंकवाद असे शब्द प्रचारात आणतात, तेव्हा वाईटही वाटते आणि वेदनाही होतात. खर्‍या हिंदूचे रक्त खवळते. पण, त्याच्यातली सहिष्णुता त्याला पुन:पुन्हा शांत करीत असते. हिंदुत्वाबाबत जेव्हा अशी विशेषणं वापरली जातात, तेव्हा महात्मा गांधी यांच्या विचारांची आठवण झाल्याशिवाय राहात नाही. महात्मा गांधी यांनी १९२७ साली एका अमेरिकी नागरिकाला एक लांबलचक पत्र लिहिले होते- ‘‘मी जगातल्या सगळ्या धर्मांचा अभ्यास केला आहे. हिंदू धर्मात मला सर्वाधिक सहिष्णुता आढळून आली. हिंदुत्वात मला कुठेही सैद्धांतिक कट्टरता आढळून आली नाही. नेमकी हीच बाब मला हिंदू धर्माकडे जास्त आकर्षित करते. हिंदुत्वात कुठेही सैद्धांतिक कट्टरता नसल्यानेच हिंदू धर्मानुयायाला आत्माभिव्यक्तीचे सर्वाधिक स्वातंत्र्य लाभते, असे माझे स्पष्ट मत आहे.’’ असे गांधीजींनी त्या पत्रात नमूद केले होते. आपल्या देशातील जे लोक कायम गांधींजीच्या नावाचा उदो उदो करीत असतात, त्यांचा गांधीजींच्या या पत्रावर तरी विश्‍वास आहे काय? त्यांनी गांधीजींच्या तत्त्वज्ञानाचा एकतर प्रामाणिकपणे अवलंब करावा वा गांधींच्या विचारांचा त्याग तरी करावा. कुणी म्हणेल ही टोकाची भूमिका झाली. पण, हरकत नाही. तत्त्वांसाठी टोकाची भूमिका घेण्यातही गैर काहीच नाही. गांधींना हिंदुत्वाबाबत काय वाटत होते, हे जाणूनच घ्यायचे नाही असे ज्यांनी ठरविले आहे, त्यांच्याबाबत काही बोलण्यातही अर्थ नाही. एकीकडे गांधी तत्त्वज्ञानाचा प्रचार-प्रसार करायचा आणि दुसरीकडे त्यांचे विचार सोईस्कर रीत्या अमान्य करायचे, हे तर शुद्ध ढोंग आहे. हिंदू धर्मियांना कुणाबद्दलही आकस असण्याचे कारण नाही. हिंदू हा सर्वसमावेशी असल्याने त्याला अन्य धर्माबद्दलही नितान्त आदर आहे, असतो. अन्य धर्मातील चांगल्या गोष्टींचे आचरण करताना सच्चा हिंदूला कधीही संकोच वाटत नाही. मुस्लिमांनी त्यांच्या धर्मानुसार, ख्रिश्‍चनांनी त्यांच्या धर्मानुसार आचरण केल्यास कोणताही हिंदू त्याला कधीच आक्षेप घेत नाही. कुणी कोणत्या ईश्‍वराची उपासना करावी, हे ज्याचे त्याने ठरवायचे आहे, त्यासंदर्भात कोणताही हिंदू कधीच कुणाला जबरदस्ती करीत नाही वा आपले मतही त्याच्यावर लादत नाही. हिंदूंकडून कुणाचेही कधीच जबरदस्तीने धर्मांतरणही केले जात नाही. असे असतानाही हिंदुत्व का बदनाम केले जाते आहे, याचा प्रत्येक हिंदूने गांभीर्याने विचार करण्याची आवश्यकता आहे. मध्यंतरी दाभोळकर हत्याप्रकरणी काही लोकांना अटक करण्यात आली. लागलीच हिंदुत्ववाद्यांना झोडपणे सुरू झाले. जगात जेवढे अतिरेकी आहेत, ते सगळे मुस्लिम आहेत हे सत्य आहे. सगळे मुस्लिम अतिरेकी आहेत, असे कुणीच कधी म्हटलेले नाही. भारतात ज्या हिंदू दहशतवादाची निरर्थक चर्चा केली जाते, तसा दहशतवाद जगाच्या पाठीवर कुठे अस्तित्वात तरी आहे काय? जगातल्या कुठल्याही देशात जाऊन एखाद्या हिंदूने उत्पात माजवल्याचे एकतरी उदाहरण आहे काय? याउलट, जगात जिथे कुठे आत्मघाती हल्ले झाले, त्या सगळ्यांमध्ये फक्त मुस्लिम दहशतवादीच सामील होते, हे स्पष्ट झाले आहे. असे असतानाही कुठलाही हिंदू कधीच सगळ्या मुस्लिम बांधवांना दोष देत नाही, सरसकट जबाबदार धरत नाही. हे हिंदुत्वाचे औदार्य नाही तर दुसरे काय आहे? हिंदू जीवनशैली आचरणात आणणारा कुणीही कधीच अन्य धर्माच्या व्यक्तीचा द्वेष करीत नाही, त्याला इजा पोहोचविण्याचा विचारही करू शकत नाही. अहिंसा सगळ्याच धर्मांमध्ये आहे. पण, हिंदू धर्मामध्ये याचा प्रयोग सगळ्यात जास्त झाला आहे. अहिंसा हिंदू धर्मात स्पष्टपणे अभिव्यक्त झाली आहे, हे नाकारून कसे चालेल? माणसाने माणसाशी माणसासारखा व्यवहार करावा, याची शिकवण तर हिंदुत्वातच मिळते. पण, या भूतलावर जेवढे म्हणून जीव आहेत, त्या सगळ्यांप्रती मनुष्याने आत्मीय भाव जपला पाहिजे, अशी शिकवणही हिंदुत्वच देते, हे लक्षात घेतले तर हिंदुत्वाची व्याप्ती आपल्या सहज लक्षात येईल. पण, ज्यांना केवळ राजकारणच करायचे आहे, त्यांच्याबद्दल काही बोलणे व्यर्थच! अहिंसा ही हिंदू संस्कृतीची सगळ्यात मोठी शक्ती आहे, अशी गांधीजींची धारणा असताना, त्यांच्या विचारांचे आचरण करणारे आज हिंदुत्वाला शिव्या घालण्याचे पाप का करीत आहेत, याचे उत्तर काळच देईल…!

http://tarunbharat.org/?p=60751
Posted by : | on : Aug 29 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (41 of 853 articles)


श्याम पेठकर | अलीकडे खूप अस्वस्थ वाटतं. चिडचिड होते. संतापही येतो. आपल्याविरुद्ध कटकारस्थानं चाललीय्, असं वाटतं. आपल्याबद्दल कुणीच सकारात्मक विचार ...

×