Home » क्रीडा » आजपासून भारत-इंग्लंड संघात कसोटी लढत

आजपासून भारत-इंग्लंड संघात कसोटी लढत

dhoni_cook-eng-v-ind-testराजकोट, [८ नोव्हेंबर] – भारत व इंग्लंड संघातील पहिल्या कसोटी क्रिकेट सामन्यास उद्यापासून सुरुवात होणार आहे. पाच कसोटी सामन्यांच्या मालिकेतील पहिला सामना जिंकण्याच्या इराद्याने दोन्ही संघ प्रयत्नांची पराकाष्ठा करणार आहेत. या दरम्यान इंग्लंड संघात युवा फलंदाज हसीब अहमद याचा समावेश करण्यात आला आहे. आंतरराष्ट्रीय सामन्यात तो प्रथमच भाग घेणार आहे.
भारतीय संघाने पाहुण्या न्यूझीलंड संघावर ३-० ने विजय मिळवून मालिका जिंकल्याने भारतीय गोटात उत्साहाचे वातावरण पसरले आहे. कसोटी पाठोपाठ एक दिवसीय पाच सामन्यांची मालिका ३-२ ने जिंकल्याने भारतीय खेळाडूंचे मनोधैर्य वाढले आहे. तर दुसरीकडे बांग्लादेश संघाकडून दुसर्‍या कसोटीत दारुण पराभव पत्करलेला इंग्लंड संघ त्या पराभवातून सावरण्याचा प्रयत्न राजकोटमध्ये करण्यासाठी झुंज देईल.
इंग्लंड संघाचा कर्णधार ऍलेस्टर कुक याच्यावर संघाची मदार राहणार आहे. बांगलादेशमध्ये दोन कसोटी सामन्यांची मालिका १-१ ने बरोबरीत ठेवण्यात आल्याने इंग्लंड संघातील खेळाडूंमध्ये चिंता पसरणे स्वाभाविक आहे. त्यातून त्यांनी नवा मार्ग स्वीकारला असून युवा फलंदाज हसीब अहमद याला पहिल्या अकरात स्थान देवून त्याच्यावर भरवसा केला आहे.
राजकोटची खेळपट्टी कसोटीसाठी कशी राहणार याचा अंदाज दोन्ही संघांना नसल्यामुळे कोणतेही भाकित वर्तविणे अवघड ठरणार आहे. कुक आणि हसीब ही जोडी जेव्हा फलंदाजीला येईल तेव्हा कुकसाठी हा दहावा सहकारी खेळाडू ठरणार आहे, जो डावाची सुरुवात करेल.
सामन्याची वेळ – सकाळी ९.३० पासून

शेअर करा

Posted by on Nov 9 2016. Filed under क्रीडा. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google