Home » क्रीडा » सिंधू, समीरला हॉंगकॉंग ओपनचे उपविजेतेपद

सिंधू, समीरला हॉंगकॉंग ओपनचे उपविजेतेपद

वृत्तसंस्था
हॉंगकॉंग, २७ नोव्हेंबर –

Lucknow:09/07/2011:  Indian Medal winner Sameer Verma silver medal winner in men's single and P.V. Sindhu  bronze medal winner in womens' single  in Badminton Asia Youth Under 19 Team Championships 2011 in Lucknow on Saturday . Photo: Subir Roy

भारताच्या रिओ ऑलिम्पिकमधल्या रौप्यपदक विजेत्या पी. व्ही. सिंधू आणि समीर वर्माला हॉंगकॉंग ओपन सुपर सिरीज बॅडमिंटन स्पर्धेत उपविजेतेपदावर समाधान मानावे लागले.
अंतिम सामन्यात चीन तैपैईच्या चौथ्या मानांकित तै झू यिंगने सिंधूवर २१-१५, २१-१७ अशी सरळ गेम्समध्ये मात केली. त्यामुळे चायना ओपनपाठोपाठ सलग दुसरे सुपर सिरीज विजेतेपद मिळवण्याचे सिंधूचे स्वप्न भंगले.
सिंधूने तई झू यिंगसमोर अवघ्या ४१ मिनिटांत पराभव पत्करला. विशेष म्हणजे तई झू यिंगने उपांत्य लढतीत प्रथम विश्‍वमानांकित व रिओ ऑलिम्पिकची सुवर्णपदक विजेती कॅरोलिन मरिनला धूळ चारली होती. त्यानंतर आता रिओ ऑलिम्पिकच्या रौप्यविजेत्या सिंधूलाही तई झून यिंगने गुडघे टेकवायला लावले.
हॉंगकॉंग ओपन बॅडमिंटन स्पर्धेच्या अंतिम फेरीत पोहोचून खळबळ उडविणारा भारताचा समीर वर्मा अंतिम लढतीत हरला. सिंधू हरल्यानंतर पुरुषांच्या विजेतेपदाच्या लढतीत समीर वर्माकडून आशा होती, परंतु अपेक्षापूर्ती झाली नाही. समीरला निर्णायक लढतीत हॉंगकॉंगच्या नग का लोंग अंगसकडून १४-२१, २१-१०, ११-२१ असा पराभव पत्करावा लागला आणि उपविजेतेपदार समाधान मानावे लागले.
उपांत्य लढतीत समीरने तिसरा सीड व दिग्गज बॅडमिंटनपटू डेन्मार्कच्या जान ओ जॉर्गीनसनला २१-१९, २४-२२ ने पराभूत केले होते.

शेअर करा

Posted by on Nov 27 2016. Filed under क्रीडा. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google