Home » क्रीडा, छायादालन » भारताचा सौरभ वर्मा अंतिम फेरीत

भारताचा सौरभ वर्मा अंतिम फेरीत

sourabh-varmaसारब्रकन (जर्मनी), [६ नोव्हेंबर] – बिटबर्गर खुल्या ग्रॅण्ड प्रिक्स सुवर्ण करंडक बॅडमिंटन स्पर्धेच्या अंतिम फेरीत भारताच्या सौरभ वर्मा याने प्रवेश केला. तर अन्य उपांत्य लढतीत समीर वर्मा याला पराभव बघावा लागला.
आज सौरभ वर्मा याने डेन्मार्कच्या ऍण्डर्स ऍन्टनसन याच्यावर २१-१५, २१-१८ ने विजय मिळविला. अंतिम फेरीत सौरभ वर्मा याची लढत चीनचा आणि स्पर्धेचा चवथा सिडेड के शी. युकी याचेशी होणार आहे. त्याने दुसर्‍या उपांत्य सामन्यात १२ वा सिडेड भारताचा समीर वर्मा याचा केवळ १७ मिनिटात २१-१८, २१-१५ ने सरळ पराभव केला होता.
दुसरीकडे सौरभ वर्मा प्रतिस्पर्धी डेन्मार्कच्या स्पर्धकाकडून प्रथम ३-६ गुणांची माघारला होता. पण त्यातून सौरवने स्वत:ला सावरत १४-१४ गुणांची बरोबरी साधली. यानंतर सौरभने सलग चार गुण घेत आघाडी घेतली ती १८-१४ अशी. हीच आघाडी कायम ठेवत सौरभने पहिला गेम २१-१५ वर जिंकला.
दुसर्‍या गेममध्ये सौरभ १५ गुण गाठत असताना सतत आघाडीवर होता. पण त्याचवेळी सौरभचा सूर निसटला आणि डेन्मार्कच्या ऍण्टनसन याने १६-१५, त्यानंतर १८-१६ अशी आघाडी घेतली. यावेळी दुसरा गेम सौरभ गमावणार असेच वाटत होते. पण सौरभने संपूर्ण शक्ती व कौशल्य पणास लावून डेन्मार्कच्या स्पर्धकावर २१-१८ ने विजय मिळविला व स्पर्धेची अंतिम फेरी गाठली.

शेअर करा

Posted by on Nov 7 2016. Filed under क्रीडा, छायादालन. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google