Home » क्रीडा, छायादालन » भारत-इंग्लंड दुसरी कसोटी आजपासून

भारत-इंग्लंड दुसरी कसोटी आजपासून

वृत्तसंस्था
विशाखापट्टणम, १६ नोव्हेंबर –

Visakhapatnam: Indian Captain Virat Kohli and coach Anil Kumble during a practice session ahead of the 2nd Test match against England in Visakhapatnam on Wednesday. PTI Photo by Ashok Bhaumik(PTI11_16_2016_000217B)

पहिल्या अनिर्णीत कसोटीत आपल्या प्रदर्शनाने निराश करणार्‍या भारतीय फिरकीपटूंकडून आता येथे गुरुवापासून प्रारंभ होणार्‍या इंग्लंडविरुद्धच्या दुसर्‍या कसोटीत उत्कृष्ट प्रदर्शनाची आशा आहे. विशाखापट्टणमची खेळपट्टी फिरकी गोलंदाजीला अनुकूल असल्याचे मानले जाते, त्यामुळे भारताची मदार आर.अश्‍विन आणि फिरकी कंपनीवर असून पाहुण्या संघाच्या फलंदाजीची परीक्षा राहील.
मालिकेतील पहिला सामना अनिर्णीत राहिला. किंबहूना कर्णधार विराट कोहली रवींद्र जडेजामुळे भारताचा पराभव टळला, असे म्हटल्यास वावगे ठरणार नाही. भारतीय संघाला राजकोटमध्ये फलंदाजीस अनुकूल खेळपट्टी मिळाली, परंतु ते अपेक्षेनुरुप प्रदर्शन करू शकले नाही. भारतीय फिरकीपटूसुद्धा आपल्या कौशल्याची चुणूक दाखवू शकले नाही, मात्र इंग्लंडच्या फिरकीपटूंनी भारतीय गोलंदाजांपेक्षा सरस प्रदर्शन केले. आता भारतीय संघाची नजर विशाखापट्टणमवर लागली आहे. येथेही भारतीय संघाला अनुकूल खेळपट्टी प्राप्त होण्याचे संकेत असून त्याकरिता विशेष क्युरेटरलासुद्धा पाचारण करण्यात आल्याचे समजते. फिरकीसाठी अनुकूल खेळपट्टीचा फायदा उचलण्यात आर. अश्‍विन व रवींद्र जडेजाचा हातखंडा आहे, परंतु याचदरम्यान इंग्लंडचा फिरकी मारासुद्धा कमजोर नाही, याचा विसर पडता कामा नये. राजकोट कसोटीमध्ये आपल्या फिरकीपेक्षा इंग्लंडची फिरकी अधिक सरस ठरली होती.
इंग्लंडने भारताला गत दोन्ही कसोटी मालिकेत हरविले होते. २०१२ मध्ये भारताने मायभूमीवरच मालिका गमावली होती. त्यावेळी भातीय संघाचा कर्णधार महेंद्रसिंग धोनी होता व त्याने इंग्लंडविरुद्ध फिरकी खेळपट्टीची विशेष व्यूहरचना आखली होती, परंतु त्याचा हा डाव उलटला होता. इंग्लंडने अहमदाबाद येथे पहिला कसोटी सामना गमावल्यानंतर मालिका २-१ ने जिंकली होती. वास्तविक धोनीने इंग्लंडच्या फिरकी आक्रमणाला कमी लेखले आणि भारतीय फलंदाज मोंटी पानेसर व ग्रीम स्वानच्या गोलंदाजीविरुद्ध खेळताना चाचपडत होते आणि भारताने मालिका गमावली.
राजकोट खेळपट्टीबाबत कोहलीने नाराजी व्यक्त केल्यानंतर आता पुन्हा एकदा फिरकी खेळपट्टीविषयी चर्चा झाली आणि विशाखापट्टणममध्ये अनुकूल खेळपट्टीची तयारी सुद्धा झाली.
वास्तवतेत फिरकीला अनुकूल खेळपट्टी दिल्याने भारतीय संघाला फलंदाजीची मोठी चिंता राहील. कारण विद्यमान फलंदाजांमध्ये कर्णधार कोहली व मुरली विजयशिवाय अन्य फलंदाज फिरकीला खंबीरपणे सामोरे जात नसल्याचे दिसत आहे. अशात कोहलीला थोडी अधिक सावधगिरी बाळगावी लागेल. इंग्लंडच्या फलंदाजांनी राजकोटमध्ये चमकदार प्रदर्शन केले आणि चार शतक झळकावलीत.
लोकेश राहुलच्या पुनरागमनाने बळकटी मिळेल
राजकोट कसोटीत अपयशी ठरल्यानंतर सलामी फलंदाज गौतम गंभीरचे स्थानसुद्धा धोक्यात आहे. रणजी करंडकात उत्कृष्ट प्रदर्शन करणार्‍या सलामी फलंदाज लोकेश राहुलचा भारतीय संघात समावेश केला आहे. राहुलच्या समावेशाने भारतीय फलंदाजीला बळकटी मिळेल, कारण त्याने फिरकी व वेगवान गोलंदाजी अशा दोन्हीविरुद्ध शानदार प्रदर्शन केले आहे.
आर. अश्‍विनची जादुई फिरकी न चालल्याचा फठका भारतीय संघाला सोसावा लागला. वास्तविक अश्‍विनने न्यूझीलंडविरुद्ध कमालीचे प्रदर्शन केले होते, परंतु तो इंग्लंडविरुद्ध राजकोट कसोटीत केवळ ३ बळी टिपू शकला. इंग्लंडच्या ऑफ स्पिनर मोईन अलीनेसुद्धा ३ बळीच टिपले. मात्र मोईन अधिक सरस ठरला. राजकोटच्या पहिल्या डावात अश्‍विनने पहिल्या डावात ४६ षटकात १६७ धावांच्या मोबदल्यात २ बळी, तर मोईनने पहिल्या डावात ३१ षटकात ८५ धावांच्या मोबदल्यात २ बळी टिपले. अर्थात अश्‍विनने अधिक धावा वाटल्या. लेफ्ट आर्म स्पिन गोलंदाजीबद्दल म्हणाल तर रवींद्र जडेजा व जफर अन्सारी या दोघांनीही दोन्ही डावात मिळून ३-३ बळी टिपले. तरीही दुसर्‍या डावात अन्सारी विशेष प्रभावी राहिला. तसे अनुभवाच्या तुलनेत जडेजापेक्षा अन्सारी बराच मागे आहे.

शेअर करा

Posted by on Nov 17 2016. Filed under क्रीडा, छायादालन. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google