Home » अमेरिका, आंतरराष्ट्रीय, ठळक बातम्या » अमेरिकेतील निवडणुकीत दहशतवादी हल्ल्याचा धोका

अमेरिकेतील निवडणुकीत दहशतवादी हल्ल्याचा धोका

=गुप्तचर यंत्रणांचा इशारा=
usa-flagवॉशिंग्टन, [५ नोव्हेंबर] – अमेरिकन राष्ट्राध्यक्षपदासाठी येत्या ८ नोव्हेंबर रोजी मतदान घेण्यात येणार आहे. पण, अमेरिकेला पाण्यात पाहणार्‍या काही दहशतवादी संघटना आत्मघाती हल्ले करून ही निवडणूक उधळून लावण्याची शक्यता आहे, असा इशारा गुप्तचर संस्थांनी दिला आहे.
विशेषत: अल् कायदा ही जहाल संघटना अमेरिकेवर हल्ला करण्याच्या तयारीत आहे. ९/११ रोजीच्या हल्ल्यानंतर अमेरिकेने या संघटनेचा म्होरक्या ओसामा बिन लादेनचा पाकिस्तानमध्ये घुसून खात्मा केला होता. याचा बदला घेण्यासाठी ही संघटना संधीच्या शोधात आहे. राष्ट्राध्यक्षपदाच्या निवडणुकीच्या माध्यमातून मोठा हल्ला करण्याची अल् कायदाची रणनीती आहे, असे गुप्तचर संस्थांनी म्हटले आहे.
या इशार्‍यानंतर व्हाईट हाऊसने पोलिस आणि सुरक्षा दलांना सतर्कतेचा इशारा दिला असून, हवाई सुरक्षाही अधिक कडक करण्याचे निर्देश बराक ओबामा यांच्या प्रशासनाने दिले आहेत.
निवडणूक तीन दिवसांवरच येऊन ठेपली असल्याने अमेरिकेतील राजकीय वातावरणही चांगलेच तापले आहे. हिलरी क्लिटंन आणि डोनॉल्ड ट्रम्प यांच्यातील आरोप-प्रत्यारोपांच्या फैरींनीही नवा उच्चांक गाठला आहे. नागरिकही मोठ्या संख्येत मतदानासाठी बाहेर पडणार असल्याने कोणताही धोका स्वीकारण्याची ओबामा प्रशासनाची तयारी नाही, असे व्हाईट हाऊसमधील सूत्रांनी सांगितले.

शेअर करा

Posted by on Nov 6 2016. Filed under अमेरिका, आंतरराष्ट्रीय, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google