Home » अमेरिका, आंतरराष्ट्रीय, छायादालन, ठळक बातम्या » क्युबाचे माजी राष्ट्राध्यक्ष फिडेल कॅस्ट्रो कालवश

क्युबाचे माजी राष्ट्राध्यक्ष फिडेल कॅस्ट्रो कालवश

=भारताचा सच्चा मित्र हरपला=
वृत्तसंस्था
क्युबा, २६ नोव्हेंबर –
castro-fidelमहासत्ता अमेरिकेची तब्बल ५० वर्षे दमछाक करणारे आणि या देशाला एकहाती नमविणारे धाडसी क्रांतिकारी आणि क्युबाचे माजी राष्ट्राध्यक्ष फिडेल कॅस्ट्रो यांचे शुक्रवारी रात्री साडेदहाच्या सुमारास वृद्धापकाळामुळे निधन झाले. ते ९० वर्षांचे होते. त्यांच्या निधनामुळे भारताने एक सच्चा मित्र गमावला आहे. त्यांच्या पार्थिवावर आज शनिवारी अंत्यसंस्कार करण्यात आला.
क्युबावरील आपल्या ५० वर्षांच्या सत्ताकाळात कॅस्ट्रो यांनी अमेरिकेत सत्तेवर आलेल्या सुमारे १० राष्ट्राध्यक्षांना स्वबळावर नमविले होते. फ्लोरिडापासून अवघ्या ९० मैल अंतरावर असलेल्या क्युबावर राज्य करताना कॅस्ट्रो यांनी अमेरिकेला कधीच जुमानले नाही. १९६१ मध्ये अमेरिकेने क्युबावर आक्रमणही केले होते. त्यानंतर क्युबाच्या क्षेपणास्त्र कार्यक्रमामुळे जगाला अणुयुद्धाच्या उंबरठ्यावर आणून ठेवले होते.
कॅस्ट्रो यांच्यावर कार्ल मार्क्स आणि रशियन राज्यक्रांतीचे प्रणेते लेनिन यांच्या विचारांचा प्रचंड प्रभाव होता. त्यानंतर ते कम्युनिस्ट विचारांकडे वळले. अमेरिकेच्या भांडवलशाही वृत्तीला बंधू रौल कॅस्ट्रो आणि क्रांतिकारी चे. गव्हेरा यांच्या मदतीने आव्हान दिले होते. कॅस्ट्रो हे क्युबामधील कम्युनिस्ट पार्टीचे पहिले सचिव होते. फेब्रुवारी १९५९ ते डिसेंबर १९७६ इतका दीर्घकाळ त्यांनी क्युबाचे पंतप्रधान म्हणून जबाबदारी सांभाळली. त्यानंतर राष्ट्राध्यक्ष म्हणून त्यांनी अतिशय सक्षमपणे जबाबदारी सांभाळली होती. जुलै २००६ मध्ये प्रकृतीच्या कारणामुळे त्यांनी सर्व सूत्रे रौल कॅस्ट्रो यांच्याकडे सोपवली आणि फेब्रुवारी २००८ मध्ये त्यांनी राष्ट्राध्यक्षपदाचा राजीनामा दिला. एखाद्या देशाच्या प्रमुखपदी इतका दीर्घकाळ विराजमान राहणारे फिडेल कॅस्ट्रो हे जगातील एकमेव नेते होते.
राष्ट्रपती, पंतप्रधानांना दु:ख
राष्ट्रपती प्रणव मुखर्जी, उपराष्ट्रपती हमीद अन्सारी, पंतप्रधान नरेंद्र मोदी, कॉंगे्रस अध्यक्ष सोनिया गांधी यांच्यासह विविध राजकीय पक्षाच्या नेत्यांनी कॅस्ट्रो यांच्या निधनावर दु:ख व्यक्त केले आहे. विसाव्या शतकातील एक महान व्यक्तिमत्व आणि भारताचा सच्चा मित्र आज आम्ही गमावला आहे, अशा शब्दात पंतप्रधानांनी दु:ख व्यक्त केले. तर, सोनिया गांधी यांनी म्हटले आहे की, कॅस्ट्रो यांच्या निधनाने केवळ क्युबाचेच नुकसान झाले नाही, तर भारताचेही मोठे नुकसान झाले आहे. भारतासोबत त्यांनी नेहमीच मैत्रिपूर्ण संबंध ठेवले होते.

शेअर करा

Posted by on Nov 26 2016. Filed under अमेरिका, आंतरराष्ट्रीय, छायादालन, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google