Home » अमेरिका, आंतरराष्ट्रीय, ठळक बातम्या » ट्रम्प यांनी धरली मोदींची वाट

ट्रम्प यांनी धरली मोदींची वाट

♦एकही सुटी न घेण्याचा निर्धार
♦वर्षाला केवळ एक डॉलर वेतन,
वृत्तसंस्था
वॉशिंग्टन, १४ नोव्हेंबर –
modi-trumpनरेंद्र मोदी यांच्याच धर्तीवर ‘अब की बार ट्रम्प सरकार’ असा नारा देणारे अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांनी पंतप्रधान नरेंद्र मोदी यांच्या पावलावर पाऊल टाकण्यास सुरुवात केली आहे. राष्ट्राध्यक्षपदी आरूढ झाल्यानंतर मी एकही दिवस सुटी घेणार नाही आणि वर्षाला केवळ एक डॉलर  इतकाच पगार घेणार असल्याचे ट्रम्प यांनी जाहीर केले.
सीबीएस या वृत्तवाहिनीला दिलेल्या मुलाखतीत ट्रम्प बोलत होते. अमेरिकेच्या राष्ट्राध्यक्षपदी विराजमान होणार्‍या व्यक्तीला वार्षिक चार लाख डॉलर्स (२ कोटी ७० लाख रुपये) इतके घसघशीत वेतन मिळते. मात्र, ट्रम्प यांनी हे वेतन नाकारले आहे. या पदावरील व्यक्तीचा किती पगार असतो, हे मला माहीत नाही, पण नियमानुसार मला एक डॉलर इतकी रक्कम स्वीकारावीच लागेल, असे ते म्हणाले. विशेष म्हणजे, त्यांनी आपल्या निवडणूक जाहीरनाम्यात आपण पगार घेणार नसल्याचे स्पष्ट केले होते.
राष्ट्राध्यक्षपद स्वीकारल्यानंतर आपण कोणत्याही सुटीवर जाणार नाही. अमेरिकेच्या हितासाठी मला भरपूर काम करायचे आहे. करकपात व आरोग्य सुविधांमध्ये सुधारणा करायच्या आहेत.
अमेरिकेच्या राष्ट्राध्यक्षपदी निवडून आल्यास मी देखील भारताचे पंतप्रधान नरेंद्र मोदी यांच्यासारखेच काम करणार आहे, असे डोनाल्ड ट्रम्प यांनी जाहीर केले होते. आपण हिंदूंचे प्रशंसक असल्याचे सांगतानाही मोदींसारखीच धोरणे अमेरिकेत लागू करणार असल्याची घोषणा केली होती.
अमेरिकेबाहेर जा किंवा तुरुंगात
दरम्यान, अमेरिकेत अवैधरीत्या राहणार्‍या सुमारे ३० लाख स्थलांतरीत नागरिकांना अमेरिकेबाहेर काढणार असल्याचा पुनरुच्चार ट्रम्प यांनी केला. या देशात अवैधरीत्या स्थलांतरीत झालेल्या लोकांची पार्श्‍वभूमी गुन्हेगारी स्वरुपाची असून, त्यांना अमेरिकेबाहेर काढण्याचा किंवा तुरुंगात धाडण्याचा आपला निर्धार कायम आहे. अशा निर्वासितांची संख्या ३० लाखांच्या घरात आहे, असे त्यांनी सांगितले. स्थलांतरितांची घुसखोरी रोखण्यासाठी सीमा सील करणार असल्याचे ते म्हणाले.

शेअर करा

Posted by on Nov 15 2016. Filed under अमेरिका, आंतरराष्ट्रीय, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google