Home » ठळक बातम्या, राजकीय, राष्ट्रीय » देश सुरक्षित हातात नाही : ममता बॅनर्जी

देश सुरक्षित हातात नाही : ममता बॅनर्जी

=जंतरमंतर येथे निदेर्शने=
वृत्तसंस्था
नवी दिल्ली, २३ नोव्हेंबर –
mamata-banerjee-inकेंद्र सरकारच्या नोटबंदी निर्णयाविरोधात बंगालच्या मुख्यमंत्री ममता बॅनर्जी यांनी आज बुधवारी जंतरमंतर येथे तीव्र निदर्शने केली. यात त्यांना जदयू, समाजवादी पार्टी, राष्ट्रवादी कॉंगे्रस आणि आम आदमी पार्टीची साथ मिळाली.
नोटाबंदीच्या निर्णयामुळे सर्वसामान्यांना प्रचंड वेदना होत आहेत. शेतकरी, युवक, महिला, कामगार, व्यापारी यांच्यासह समाजातील सर्व घटकांचा लोकशाही अधिकार हिरावून घेतला आहे. याशिवाय, देशाच्या आर्थिक विकासाची प्रगतीही खुंटली आहे. देश सुरक्षित हातात नाही, असा आरोप ममता बॅनर्जी यांनी उपस्थितांना संबोधित करताना केला.
भाजपाप्रणीत रालोआ सरकार सर्वसामान्यांची लूट करीत आहे, असा आरोप करताना ज्यांची स्विस बँकेत खाती आहेत, त्यांच्याविरोधात पंतप्रधान नरेंद्र मोदी कारवाई का करीत नाही, असा सवाल त्यांनी केला. अर्थव्यवस्थेत काळा कायदा लागू केल्याबद्दल देशातील जनताच या सरकारला आगामी निवडणुकांमध्ये योग्य धडा शिकवणार असल्याचे मतही त्यांनी व्यक्त केले.
आगामी निवडणुकांमध्ये एक नागरिकही भाजपाला आपले मत देणार नाही, असा दावा करताना, मी जर तुमच्या जागेवर (पंतप्रधान) असते, तर सर्वप्रथम या निर्णयासाठी देशवासीयांची माफी मागितली असती. तुम्हाला इतका कशाचा अहंकार आहे. तुम्ही देशातील प्रत्येकच नागरिकाला भ्रष्ट आणि काळाबाजारी ठरवले आहे आणि स्वत: मात्र संतासारखे वागत आहात, असा जळफळाटही त्यांनी व्यक्त केला.
नोटाबंदीचा निर्णय तुम्ही कोणत्या कायद्यांतर्गत घेतला, असा सवाल करताना, बँकेत जमा असलेला आपलाच घामाचा पैसा काढण्यापासून तुम्ही सर्वसामान्यांना रोखत आहात. या निर्णयामुळे लहान व्यापार्‍यांचा व्यवसाय उद्‌ध्वस्त झाला आहे. तुम्ही या माध्यमातून काळ्या पैशावर आळा कसा घालणार आहात, याचे स्पष्टीकरण संसदेत द्या, अशी मागणीही ममतांनी केली.

शेअर करा

Posted by on Nov 24 2016. Filed under ठळक बातम्या, राजकीय, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google