Home » ठळक बातम्या, विज्ञानभारत » पाठीच्या कण्यात वायरलेस चिपचा वापर!

पाठीच्या कण्यात वायरलेस चिपचा वापर!

=स्वित्झर्लंडमध्ये ऐतिहासिक संशोधन,माकड चालू लागला, आता माणसावर प्रयोग=
micro-chip-in-spinalबर्न, १२ [नोव्हेंबर] – अपघातात जखमी होऊन पाठीच्या कण्याला मार लागल्याने हजारो लोक अपंग होत असतात. स्पायनल कॉर्ड अर्थात पाठीचा मणका क्षतिग्रस्त झाल्यास कमरेखालच्या भागाचे नियंत्रण जाते आणि पायांची हालचाल करता येत नाही. पण, स्वित्झर्लंडमधील वैज्ञानिकांनी यावर ऐतिहासिक संशोधन केले असून, अशा आजाराने ग्रस्त असलेल्या जगभरातील लाखो लोकांना दिलासा मिळू शकणार आहे.
मानवी जीवनासाठी चमत्कार म्हणता येईल असे हे संशोधन स्वित्झर्लंडच्या ल्युझान फेडरल इन्स्टिट्यूट ऑफ टेक्नॉलॉजी या संस्थेत गेल्या काही वर्षांपासून ‘पॅराप्लेजिक’ म्हणजे शरीराच्या कंबरेखालील भाग पक्षाघात किंवा लकवा मारल्याने निकामी होण्याच्या आजारावर संशोधन सुरू आहे. ग्रेगॉर कॉर्टिन हे या अभ्यासाचे प्रमुख आहेत. कॉर्टिन यांच्या नेतृत्वाखालील चमूने अपघातात पाठीच्या कण्याला दुखापत झाल्याने अपंग झालेल्या आणि पायांची कुठलीही हालचाल करण्याच्या स्थितीत नसलेल्या दोन माकडांवर उपचार करण्यात आले. यासाठी आधुनिक तंत्रज्ञान व प्रायोगिक वैद्यकशास्त्राचा वापर झाला. माकडाच्या पाठीच्या मणक्यात वायरलेस चिप बसवण्यात आली. या चिपने मेंदू आणि पाठीचा कणा यात समन्वय साधण्याचे काम केले आणि यातील एका जखमी माकडाने पुन्हा पाय उचलायला सुरुवात केली.
अपघातात पाठीच्या कण्याला गंभीर दुखापत झाल्यास लकवा मारल्यासारखीच स्थिती निर्माण होते. मेंदूकडून आदेश तर जातात, पण तो आदेश पायाकडे जात नाही, त्यामुळे पायाची हालचाल होत नाही. त्यासाठी मेंदू आणि पाठीचा कणा यात समन्वय साधणारा दुवा तयार करण्यात आला. शेकडो इलेक्ट्रोड्स असलेले इम्प्लान्ट अर्थात लहान चिप माकडाच्या मेंदूत बसवण्यात आली आणि दुसरी चिप निकामी भागाच्या खाली लावण्यात आली. त्यानंतर मेंदूकडून मिळणारे आदेश संगणकाकडे वळविण्यात आले आणि तिथे ते डिकोड करण्यात आले, तिथून ते पायांच्या मज्जातंतूला पाठवले. ते आदेश मानून यातील एका माकडाने प्रयोगाच्या सहाव्या दिवशी अपेक्षित हालचाल केली.
अशाच प्रकारचे प्रयोग यापूर्वी जखमी उंदरांवर करण्यात आले होते आणि ते यशस्वी झाले आहेत. आता थेट माकडांच्याही पायात बळ आल्यानं शास्त्रज्ञ आशावादी झाले आहेत. तथापि, हे वायरलेस इम्प्लान्ट तंत्र माणसांमध्ये वापरण्याची प्रक्रिया अतिशय जटिल आहे. असे असले, तरी सध्या माणसांवर काही प्रयोग सुरू आहेत, पण हे संशोधन प्राथमिक अवस्थेत आहे. आणखी किमान दहा वर्षे सखोल प्रयोग आणि संशोधन करावे लागणार आहे, असे या अभ्यासातील एक संशोधक ग्रेगॉर यांनी सांगितले. अंथरुणाला खिळलेली व्यक्ती थेट उठून चालायला लागणार नसली तरी तिचे आयुष्य काही प्रमाणात नक्कीच सुसह्य होईल, अशी आशा ग्रेगॉर यांनी व्यक्त केली.

शेअर करा

Posted by on Nov 13 2016. Filed under ठळक बातम्या, विज्ञानभारत. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google