Home » ठळक बातम्या, नागरी, राष्ट्रीय » पुढील शैक्षणिक वर्षात सीबीएसई दहावी बोर्डाची परीक्षा

पुढील शैक्षणिक वर्षात सीबीएसई दहावी बोर्डाची परीक्षा

=जावडेकर यांची घोषणा=
वृत्तसंस्था
नवी दिल्ली, १५ नोव्हेंबर –
javdekar-prakash-1केंद्रीय माध्यमिक शिक्षण मंडळ अर्थात सीबीएसईमध्ये पुहा एकदा दहावी बोर्डाची परीक्षा सुरू होणार आहे. २०१७-१८ या शैक्षणिक वर्षात सीबीएसई दहावी बोर्डाची परीक्षा घेण्यात येणार असल्याची घोषणा केंद्रीय मनुष्यबळ विकासमंत्री प्रकाश जावडेकर यांनी केली.
सीबीएसई दहावी बोर्डाची परीक्षा अनिवार्य करण्याचे संकेत जावडेकर यांच्या मंत्रालयाने यापूर्वीच दिले होते. तत्कालीन केंद्रीय मंत्री कपिल सिब्बल यांनी सीबीएसई दहावी बोर्डाची परीक्षा बंद करून वर्षभराच्या आधारावर ग्रेडिंग पद्धत सुरू केली होती. सीबीएसईच्या बोर्ड परीक्षा दहावीऐवजी बारावीत घेण्याचा निर्णय घेतला घेताना, विद्यार्थ्यांवर अभ्यासाचा ताण पडायला नको, हा त्यामागचा उद्देश असल्याचे सिब्बल म्हणाले होते.
दहावी बोर्डाची परीक्षा रद्द करण्यात आल्याने अभ्यासाचा दर्जा घसरत असल्याची तक्रार अनेक पालकांनी केली होती. यानंतर केंद्र सरकारने एका समितीची स्थापना केली होती. या समितीने सीबीएसईमध्ये दहावी बोर्डाची परीक्षा घेण्यात यावी, अशी शिफारस मनुष्यबळ विकास मंत्रालयाला केली होती.
काश्मीर विद्यार्थ्यांचे अतिरेक्यांना प्रत्युत्तर
जम्मू-काश्मीर शिक्षण मंडळाने घेतलेल्या बारावीच्या परीक्षेला राज्यातील ९५ टक्क्यांपेक्षा जास्त विद्यार्थी बसले आहेत. युवकांना दहशतवादी कारवायांकरिता प्रेरित करण्यासाठी सर्वच उपाय करणार्‍या अतिरेक्यांना ही फार मोठी चपराकच असून, स्वत: विद्यार्थ्यांनीच अतिरेक्यांविरोधात केलेले सर्जिकल स्ट्राईक आहे, अशी प्रतिक्रिया जावडेकर यांनी व्यक्त केली. गेल्या काही महिन्यांच्या काळात अनेक शाळा पेटविण्यात आल्या, शाळाव महाविद्यालये बंद होती. अशा स्थितीतही विद्यार्थी परीक्षेसाठी निर्भयपणे घराबाहेर पडले, याकडे त्यांनी लक्ष वेधले.

शेअर करा

Posted by on Nov 16 2016. Filed under ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google