Home » छायादालन, ठळक बातम्या, नागरी, राष्ट्रीय » पेट्रोलपंपावरही पैसे काढण्याची व्यवस्था

पेट्रोलपंपावरही पैसे काढण्याची व्यवस्था

=सरकारचा नवा उपाय=
वृत्तसंस्था
नवी दिल्ली, १८ नोव्हेंबर –
petrol-pump-money-withdrawalनोटाबंदीच्या निर्णयानंतर जुन्या नोटा बदलून नव्या नोटा प्राप्त करण्यासाठी देशभरातील बँका आणि एटीएमबाहेर असलेल्या लांबचलांब रांगा कमी करण्यासाठी केंद्र सरकारने आता नवीन उपाय योजला आहे. यामुळे देशातील काही ठराविक पेट्रोल पंपांवर दोन हजार रुपयांपर्यंत रक्कम काढणे शक्य होणार आहे.
पहिल्या टप्प्यात अडीच हजार पेट्रोल पंपांवर ही सुविधा सुरू करण्यात येणार आहे. या पंपांवर दोन हजार रुपये इतकीच रक्कम काढता येणार आहे. यामुळे बँका व एटीएमबाहेरील लोकांची गर्दी कमी होण्याच नक्कीच मदत मिळणार आहे. पहिला टप्पा यशस्वी ठरल्यास, दुसर्‍या टप्प्यात सुमारे २० हजार पेट्रोल पंपांवर पैसे काढण्याची सोय उपलब्ध करण्यात येणार आहे, अशी माहिती अर्थमंत्रालयातील वरिष्ठ अधिकार्‍याने दिली.
भारतीय रिझर्व्ह बँक आणि स्टेट बँक ऑफ इंडिया संयुक्तपणे ही मोहीम राबविणार आहे. ज्या पेट्रोल पंपांवर एसबीआयच्या कार्ड स्वाईप मशीन आहेत तिथेच ही सुविधा राहणार आहे. एटीएम कार्ड स्वाईप केल्यानंतर पेट्रोल पंपकडून दोन हजारापर्यंतची रक्कम मिळू शकेल. यानंतर ही सुविधा आयसीआयसीआय आणि एचडीएफसी या बँकांची कार्ड स्वाईप मशिन असलेल्या पंपावरही सुरू होणार आहे, असे अधिकार्‍याने सांगितले.

शेअर करा

Posted by on Nov 19 2016. Filed under छायादालन, ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google