Home » ठळक बातम्या, महाराष्ट्र » पैशाच्या बळावर होते तिकिटांची विक्री

पैशाच्या बळावर होते तिकिटांची विक्री

=पक्षात वशिल्यावर पदे दिली जातात : राणेंचा कॉंगे्रसला घरचा अहेर=
वृत्तसंस्था
मुंबई, २८ नोव्हेंबर –
narayan_rane3कोकणातील आपल्या कामगिरीमुळे पुरते बेभान झालेले कॉंगे्रसचे नेते नारायण राणे यांनी आपल्याच पक्षाला आज सोमवारी घरचा अहेर दिला. कॉंग्रेसमध्ये वशिल्यावर पदे दिली जातात आणि पैशाच्या बळावर निवडणुकांमधील तिकिटांची विक्री केली जाते, असा आरोप राणे यांनी केला.
राज्यात भाजपा-शिवसेना युती सरकारविरुद्ध कॉंग्रेस मुळीच आक्रमक नसून, ठोस भूमिका घेण्यात पक्ष कमी पडत आहे. कॉंग्रेसचे राज्यातील नेतृत्वही गंभीर नाही, अशा शब्दात त्यांनी प्रदेशाध्यक्ष अशोक चव्हाण यांच्यावरही हल्ला चढवला.
कॉंग्रेसमध्ये गुणवत्ता बघितली जात नाही. ज्याच्याजवळ भरपूर पैसा आहे, त्यालाच मोठमोठी पदे दिली जातात, पैसा ही या पक्षाची गुणवत्ता झाली आहे, असा आरोप त्यांनी केला. नगरपालिका निवडणूक निकालाच्या पार्श्‍वभूमीवर एका मराठी वृत्तवाहिनीशी ते बोलत होते.
राज्यातील नगरपालिका व नगर पंचायत निवडणुकांचे निकाल पाहता शिवसेना आणि भाजपाची हवा ओसरत असल्याचे दिसत आहे. त्यामुळे आगामी काळात कॉंग्रेस पक्ष नव्याने उभारी घेईल, असा विश्‍वास राणे यांनी व्यक्त केला.
मालवण आणि वेंगुर्ल्यात कॉंग्रेसला बंडखोरीचा मोठा फटका बसला आहे. सध्याच्या वातावरणात कोणत्याही पक्षाला एकहाती सत्ता मिळवता येणे शक्य नाही. त्यामुळे कॉंग्रेस आणि राष्ट्रवादीने भविष्यात एकत्र आले पाहिजे, असे राणे यांनी सांगितले.

शेअर करा

Posted by on Nov 28 2016. Filed under ठळक बातम्या, महाराष्ट्र. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google