Home » आंतरराष्ट्रीय, आशिया, ठळक बातम्या » बांगलादेशात १५ हिंदू मंदिरांची विटंबना

बांगलादेशात १५ हिंदू मंदिरांची विटंबना

=शंभरावर हिंदू घरांचीही लूट, फेसबुकवर इस्लामचा अनादर केल्याचा आरोप=
bangladesh-bangladeshi-hindus-temple-desecrationढाका, [३१ ऑक्टोबर] – फेसबुकवर इस्लामविषयी अनादर दाखविल्याचा आरोप करीत काही समाजकंटकांनी बांगलादेशातील १५ हिंदू मंदिरांची विटंबना आणि त्यांच्या घरांची तोडफोड केली. या घटनेमुळे या मुस्लिमबहुल देशात अल्पसंख्यक हिंदूंच्या मनात प्रचंड भीती निर्माण झाली आहे.
ब्राह्मणबारिहा जिल्ह्यातील नासिरनगर येथील या सुमारे १५ मंदिरांची रविवारी तोडफोड करण्यात आली असून, या भागातील हिंदूंच्या शंभरावर घरांचीही लूट करण्यात आली आहे. समाजकंटकांच्या हल्ल्यात काही नागरिक जखमी झाले आहेत, अशी माहिती पोलिस आणि प्रत्यक्षदर्शींनी दिली.
पोलिसांनी या प्रकरणी सहा संशयितांना अटक केली असून, त्यांची कसून चौकशी करण्यात येत आहे. हिंदूंच्या मनात विश्‍वास आणि सुरक्षेची भावना निर्माण करण्यासाठी नासिरनगर आणि माधवपूर उपजिल्हा मुख्यालय परिसरात निमलष्करी दल, जलद कृती दल, पोलिस आणि सशस्त्र दलाचे जवान तैनात करण्यात आले असल्याचे स्थानिक वृत्तवाहिनीने आपल्या वृत्तात म्हटले आहे. या घटनांमागे स्थानिक अतिरेकी गटांचा हात असण्याची शक्यता असून, पोलिसांनी खर्‍या सूत्रधारांचा शोध घेण्यासाठी व्यापक मोहीम हाती घेतली असल्याचे वृत्तात नमूद आहे. अद्याप कोणत्याही गटाने या घटनेची जबाबदारी स्वीकारली नाही.
ज्या भागांमध्ये मंदिरांची विटंबना करण्यात आली, तिथे मोठ्या प्रमाणात पोलिस व सुरक्षा जवानांना तैनात करण्यात आले असून, वरिष्ठ अधिकारी स्थितीवर सातत्याने लक्ष ठेवून आहेत. या घटना अल्पसंख्यक हिंदूंच्या मनात भीती निर्माण करून गेल्या आहेत. भीतीचे वातावरण अजूनही कायम आहे, असे एका हिंदू नेत्याने सांगितले.
यापूर्वी २०१२ मध्येही इस्लामविषयी फेसबुकवर अनादर दाखविल्याबद्दल समाजकंटकांनी बौद्ध समाजाच्या प्रार्थना स्थळांचीही अशाच प्रकारे विटंबना केली होती. तीच पद्धत आता हिंदू मंदिरांची विटंबना करण्यासाठी वापरण्यात आली आहे.

शेअर करा

Posted by on Nov 1 2016. Filed under आंतरराष्ट्रीय, आशिया, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google