Home » ठळक बातम्या, राष्ट्रीय, संरक्षण » भारताच्या प्रत्युत्तरात पाकचे ७ सैनिक ठार

भारताच्या प्रत्युत्तरात पाकचे ७ सैनिक ठार

=सीमेवर पुन्हा नापाक गोळीबार=

Indian Army soldiers with the 99th Mountain Brigade’s 2nd Battalion, 5th Gurkha Rifles, execute an ambush for paratroopers with the U.S. Army’s 1st Brigade Combat Team, 82nd Airborne Division, May 7, 2013, at Fort Bragg, N.C.  The soldiers are participating in Yudh Abhyas, an annual bilateral training event between the armies of the United States and India sponsored by U.S. Army Pacific.  (U.S. Army photo by Sgt. Michael J. MacLeod)

Indian Army soldiers with the 99th Mountain Brigade’s 2nd Battalion, 5th Gurkha Rifles, execute an ambush for paratroopers with the U.S. Army’s 1st Brigade Combat Team, 82nd Airborne Division, May 7, 2013, at Fort Bragg, N.C. The soldiers are participating in Yudh Abhyas, an annual bilateral training event between the armies of the United States and India sponsored by U.S. Army Pacific. (U.S. Army photo by Sgt. Michael J. MacLeod)

जम्मू, [२१ ऑक्टोबर] – जम्मू जिल्ह्यातील आंतरराष्ट्रीय सीमेवर सलग चौथ्या दिवशीही आपल्या नापाक कारवाया सुरूच ठेवताना पाकिस्तानी सैनिकांनी आज शुक्रवारी सीमा सुरक्षा दलाच्या तळांवर बेछूट गोळीबार केला. भारतीय जवानांनी दिलेल्या सडेतोड प्रत्युत्तरात पाकचे सात सैनिक ठार झाले असून, अन्य काही जखमी झाल्याची माहिती आहे. आज दिवसभरात पाकने दोनवेळा संघर्षविरामाचे उल्लंघन केले आहे.
बीएसएफच्या जवानांनी गुरुवारी याच भागात पाकी गोळीबाराच्या आडून भारतात घुसखोरी करण्याचा डाव उधळून लावला होता. जवानांच्या जोरदार मार्‍यात जखमी झालेल्या सहा अतिरेक्यांना पाकव्याप्त काश्मिरात पळ काढावा लागला होता.
हिमनगर सेक्टरच्या बोबिया भागातील बीएसएफच्या काही तळांना पाकी सैनिकांनी लक्ष्य बनविले. गोळीबारासोबतच त्यांनी ८२ एमएम तोफांमधूनही मारा केला. यात एक जवान जखमी झाला. काही वेळ प्रतीक्षा केल्यानंतर भारतीय जवानांनी तितक्याच प्रखरतेने प्रत्युत्तर दिले.
त्यानंतर दुपारी साडेबाराच्या सुमारास पाकिस्तानी सैनिकांनी नियंत्रण रेषेच्या राजौरी जिल्ह्यातील लष्कराच्या तळांवरही जोरदार मारा केला, अशी माहिती संरक्षण प्रवक्त्याने दिली. आंतरराष्ट्रीय सीमा आणि नियंत्रण रेषा बंदुका आणि तोफांच्या आवाजांनी नुसतीच धगधगत होती. दोन्ही सीमांवरून भारतीय जवानांनी पाकच्या हद्दीत अक्षरशा गोळ्या आणि तोफगोळ्यांचा वर्षाव सुरू केला. यात पाकचे सात सैनिक ठार झाले असून, काही जखमी झाले. पाकी सैनिकांच्या अनेक तळांचे भारतीय हल्ल्यात प्रचंड नुकसान झाले असल्याचे प्रवक्त्याने सांगितलेे. भारताच्या सर्जिकल स्ट्राईकनंतर पाकी सैनिकांनी संघर्षविरामाचे केलेले हे ३२ वे उल्लंघन ठरले आहे.
घुसखोरीचा डाव पूंछमध्ये उधळला
जम्मूच्या पूंछ सेक्टरमधील नियंत्रण रेषेवरून भारतात घुसखोरी करण्याचा सशस्त्र अतिरेक्यांचा डाव लष्करी जवानांनी उधळून लावला. नियंत्रण रेषेवरील घनदाट जंगलात सतर्क जवानांनी काही  हालचाली टिपल्या. दोन ते तीन अतिरेकी भारतात घुसखोरी करण्याचा प्रयत्न करीत होते. जवानांनी आव्हान दिल्यानंतर अतिरेक्यांनी गोळीबार केला. जवानांच्या प्रत्युत्तरानंतर अतिरेक्यांनी पळ काढला, अशी माहिती संरक्षण प्रवक्त्याने दिली.

शेअर करा

Posted by on Oct 22 2016. Filed under ठळक बातम्या, राष्ट्रीय, संरक्षण. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google