Home » आरोग्य, ठळक बातम्या » मधामुळे बर्‍या होतात मुख कर्करोगाच्या जखमा!

मधामुळे बर्‍या होतात मुख कर्करोगाच्या जखमा!

=भारतीय वैज्ञानिकांचे अभ्यासपूर्ण संशोधन=
वृत्तसंस्था
कोलकाता, २९ नोव्हेंबर –
Honey dripping from a wooden honey dipper isolated on white backमुख कर्करोगाच्या जखमा मधामुळे पूर्णपणे बर्‍या होऊ शकतात, असा अभ्यासपूर्ण शोध भारतीय वैज्ञानिकांनी लावला आहे. संपूर्ण जगासाठीच हा शोध अतिशय उपयुक्त ठरणार आहे.
आयआयटी खडगपूर येथील केमिकल अभियंते, जैव-तंत्रज्ञान तज्ज्ञ आणि डॉक्टरांच्या चमूने अनेक वर्षांपासून हा अभ्यास केला आहे. या अभ्यासात त्यांनी रेशिम आणि मधापासून तयार करण्यात आलेली उपचारपद्धती विकसित केली. आयआयटीतील वैद्यकीय विज्ञान आणि तंत्रज्ञानाच्या प्रयोगशाळेत या उपचार पद्धतीचा प्रयोगही करण्यात आला. या उपचारामुळे केवळ मुखाच्या कर्करोगाच्या जखमाच झपाट्याने बर्‍या होतात असे नाही, तर मुखाचा कर्करोग पुन्हा उद्‌भवण्याची शक्यताही धुसर होत असते.
कोणत्याही प्रकारच्या जखमा तातडीने भरणारे उत्तम साधन म्हणून मधाची ओळख तशीही फार आधीपासून आहे. कर्करोगरोधक आणि बॅक्टेरियारोधक गुणधर्म मधात आहेत. मध आणि रेशम यांना बायोमेट्रिकल पद्धतीने एकत्र करण्यात आले, अशी माहिती या अभ्यासात सहभागी असलेल्या एक संशोधक मोनिका राजपूत यांनी वृत्तसंस्थेशी बोलताना सांगितले.
या प्रयोगात सूक्ष्म तंत्रज्ञानाची कल्पना आआयटी खडगपूरचे प्राध्यापक रविव्रत मुखर्जी यांच्या डोक्यातून, तर मधाचा वापर करण्याची कल्पना ज्योतिर्मय चॅटर्जी यांच्या डोक्यातून आली. मुखाचा कर्करोग झाल्यानंतर अनेक रुग्णांना शस्त्रक्रियाच करावी लागते. शरीराचा प्रभावित भाग काढून घेण्यात आल्यानंतर तिथे जखम होत असते, ज्यात काही कर्करोगीय किंवा कर्करोगपूर्व पेशी राहून गेलेल्या असतात. त्यामुळे पुन्हा एकदा त्याच जागेवर कर्करोग होण्याची शक्यता फार जास्त असते. पण, आमच्या या अभिनव प्रयोगामुळे कर्करोगाच्या या जखमा पूर्णपणे नियंत्रित होत असल्याचे सिद्ध झाले आहे, असे या अभ्यासाच्या सहसंशोधिका नंदिनी भंडारू यांनी सांगितले.
कर्करोगावरील शस्त्रक्रियेनंतर त्या जागेवर उरणार्‍या जखमा बर्‍या करण्यासाठी तसेच पुन्हा कर्करोग उद्‌भवण्याचा धोका करण्यासाठी सध्या बाजारात कोणतीही उपचारपद्धती उपलब्ध नाही. पण, आमच्या या अभ्यासपूर्ण संशोधनामुळे कर्करोग रुग्णांना मोठा दिलासा मिळणार आहे, असेही त्या म्हणाल्या.

शेअर करा

Posted by on Nov 29 2016. Filed under आरोग्य, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google