Home » क्रीडा, छायादालन, ठळक बातम्या » रूट, मोईनच्या फलंदाजीने इंग्लंडची दमदार सुरूवात

रूट, मोईनच्या फलंदाजीने इंग्लंडची दमदार सुरूवात

♦इंग्लंड ४ बाद ३११ धावा
♦रूट १२४, मोईन अली नाबाद ९९
♦आर. अश्‍विनचे २ बळी, उमेश यादव, जडेजा प्रत्येकी १ बळी,
joe-rootराजकोट, [९ नोव्हेंबर] – पहिल्या सत्रात तीन हादरे बसल्यानंतर जो रूट (१२४) व मोईन अलीच्या (नाबाद ९९) चिवट फलंदाजीच्या जोरावर इंग्लंडने भारताविरुद्धच्या पहिल्या कसोटी क्रिकेट सामन्यात पहिल्या दिवशी दमदार सुरूवात केली.
२०१३ मध्ये मायकेल क्लार्कनंतर जो रूट भारत दौर्‍यात पहिले शतक झळकावणारा फलंदाज ठरला. मोईन अलीला आपले शतक पूर्ण करण्यासाठी केवळ एक धाव कमी आहे. पहिल्या दिवसाचा खेळ थांबला तेव्हा मोईन अली ९९ धावांवर, तर बेन स्टोक्स १९ धावांवर खेळत होते.
इंग्लंडचा कर्णधार ऍलिस्टेएर कुकने नाणेफेक जिंकून प्रथम फलंदाजी करण्याचा निर्णय घेतला. सात सामन्यानंतर विराट कोहलीने प्रथमच नाणेफेक हरला आणि त्याने तिसरा फिरकीपटू अमित मिश्रासह पाच तज्ज्ञ गोलंदाजांनिशी खेळण्याचे ठरविले. इंग्लंडने १९वर्षीय हसीब हमीदला कसोटी पदार्पणाची संधी दिली.
फिरकीने टिपले ३ बळी
भारतीय संघासाठी राजकोट कसोटी क्रिकेट सामन्याच्या पहिल्या सत्राची सुरूवात चांगली राहिली. पहिल्या दोन तासांत दोन्ही सलामी फलंदाजांना चार जीवदान मिळाल्यानंतर आर. अश्‍विन व रवींद्र जडेजाने भारताला सामन्यात परत आणले आणि उपहारापर्यंत इंग्लंडच्या तीन फलंदाजांना पॅव्हेलियनमध्ये परत पाठविले. अश्‍विनने कसोटी पदार्पण करणार्‍या हासिब हमीद व बेन डकेटला बाद केले, तर जडेजाने इंग्लंडचा कर्णधार ऍलिस्टेएर कुकचा बळी टिपला. ३९ षटकात इंग्लंडने ३ गडी गमावित १२५ धावा काढल्या होत्या.
यानंतर मात्र जो रूट आणि मोईन अलीने भारताच्या वेगवान आणि फिरकी मार्‍याचा खंबीरपणे सामना करीत इंग्लंड संघाला सामन्यात परत आणले. या दोघांनी चौथ्या गड्यासाठी १७९ धावांची भागीदारी केली आणि संघाला २८१ धावांचा टप्पा गाठून दिला. भारताच्या उमेश यादवने आपल्याच गोलंदाजीत जो रूटला झेलबाद केले. जो रूटने १८० चेंडूत ११ चौकार व एका षटकारांसह १२४ धावांची आकर्षक शतकी खेळी केली. दरम्यान मोईन अलीसुद्धा आपले शतक साजरे करण्याच्या उंबरठ्यावर होता. परंतु खेळ थांबला तेव्हा त्याचे शतक पूर्ण होण्यास केवळ एक धाव कमी होती. मोईन अलीने १९२ चेंडूत ९ चौकारांसह नाबाद ९९ धावांची खेळी केली, तर बेन स्टोक्स ९ धावांवर नाबाद राहिला.
धावफलक
इंग्लंड पहिला डाव ः ऍलिस्टेएर कुक पायचीत गो. आर. जडेजा २१, हसीब हमीद पायचीत गो. अश्‍विन ३१, जो रूट झे.व गो. उमेश १२४, बेन डकेट झे. रहाणे गो. अश्‍विन १३, मोईन अली खेळत आहे ९९, बेन स्टोक्स खेळत आहे १९, अवांतर ४, एकूण ९३ षटकात ४ बाद ३११.
गडी बाद होण्याचा क्रम ः १-४७, २-७६, ३-१०२, ४-२८१.
गोलंदाजी ः मोहम्मद शमी १२.१-२-३१-०, उमेश यादव १८.५-१-६८-१, रविचंद्रन अश्‍विन ३१-३-१०८-२, रवींद्र जडेजा २१-२-५९-१, अमित मिश्रा १०-१-४२-०.

शेअर करा

Posted by on Nov 10 2016. Filed under क्रीडा, छायादालन, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google