Home » आंतरराष्ट्रीय, आशिया, छायादालन, ठळक बातम्या » शक्तिशाली भूकंपाने जपान हादरला

शक्तिशाली भूकंपाने जपान हादरला

=७.४ इतकी तीव्रता, त्सुनामीचा इशारा=
वृत्तसंस्था
टोकिया, २२ नोव्हेंबर
japan-tsunami-earthqeckजपानचा ईशान्येकडील बहुतांश भाग आज मंगळवारी शक्तिशाली भूकंपाने हादरला. रिश्टर स्केलवर ७.४ इतकी तीव्रता असलेल्या या भूकंपानंतर त्सुनामीचा इशारा देण्यात आला असून, यानंतर काही वेळातच किनारपट्टी भागातील पार्किंग परिसरात असलेल्या हजारो गाड्या काही क्षणातच सुरक्षित ठिकाणी हलविण्यात आल्या.
विशेष म्हणजे, १८ हजारावर लोकांचे बळी घेणार्‍या पाच वर्षांपूर्वीच्या महाविनाशी भूकंपाच्या कटू स्मृती आजच्या भूकंपाने जागा केल्या. कारण, पुन्हा एकदा फुकुशिमा अणुऊर्जा प्रकल्पाजवळच या भूकंपाचा केंद्रबिंदू होता. २०११ च्या भूकंपात जपानचा हा महत्त्वाकांक्षी प्रकल्प पूर्णपणे उद्ध्वस्त झाला होता.
आजच्या भूकंपानेही या प्रकल्पाचे काही प्रमाणात नुकसान केले असल्याची माहिती आहे. तथापि, ते फार गंभीर स्वरूपाचे नाही. काही लोकांना किरकोळ जखमा झाल्या असून, अनेक घरांनाही तडा गेल्या आहेत. टोकियामधील इमारतींनाही भेगा गेल्या असल्याचे सांगण्यात आले.
भूकंपाचा धक्का समुद्राच्या तळाशी असल्याने त्याच्या परिणामामुळे किमान तीन मीटर उंचीच्या लाटा उसळण्याची शक्यता वर्तविण्यात आली होती. पण, प्रत्यक्षात किनार्‍यावर धडकलेल्या लाटा कमी उंचीच्या आणि कमी तीव्रतेच्या होत्या. भूकंपाची तीव्रता इतकी जास्त होती की, फुकुशिमा प्रकल्पापासून सुमारे २४० किलोमीटर अंतरावर असलेल्या टोकियो शहरालाही त्याचे धक्के जाणवले. हे धक्के किमान ३० सेकंदपर्यंत होते.
त्सुनामीच्या इशार्‍यानंतर किनारपट्टी भागातील दहा हजारावर नागरिकांना सुरक्षित ठिकाणी हलविण्यात आले आहे. भूकंपानंतर फुकुशिमा अणुउर्जा प्रकल्पातील तिसर्‍या रिऍक्टरमधील कुलिंग सिस्टिम काही वेळ बंद पडली होती.

शेअर करा

Posted by on Nov 23 2016. Filed under आंतरराष्ट्रीय, आशिया, छायादालन, ठळक बातम्या. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google