Home » छायादालन, ठळक बातम्या, नागरी, राष्ट्रीय » सरकार अभिव्यक्ती स्वातंत्र्याचे कट्टर पुरस्कर्ते : पंतप्रधान

सरकार अभिव्यक्ती स्वातंत्र्याचे कट्टर पुरस्कर्ते : पंतप्रधान

=माध्यमांच्या कामात हस्तक्षेप करणार नाही=
तभा वृत्तसेवा
नवी दिल्ली, १६ नोव्हेंबर –

New Delhi:  Prime Minister Narendra Modi gestures as he  delivers a speech after the awards ceremony of National Awards for Excellence in Journalism, in New Delhi on Wednesday.   PTI Photo by Kamal Kishore (PTI11_16_2016_000237B)

अभिव्यक्ती स्वातंत्र्याचे आम्ही पुरस्कर्ते असून माध्यमांच्या कामात कधीच हस्तक्षेप करणार नाही, असा निर्वाळा पंतप्रधान नरेंद्र मोदी यांनी आज दिला.
राष्ट्रीय पत्रकारिता दिनानिमित्त प्रेस कौन्सिलने आयोजित केलेल्या कार्यक्रमात पंतप्रधान मोदी बोलत होते. आणिबाणीच्या काळात माध्यमांचा आवाज दडपण्यात आला होता, त्यांच्यावर विविध निर्बंध लादण्यात आली होती, याकडे त्यांनी लक्ष वेधले.
पत्रकारांवर होणार्‍या हल्ल्याबाबतच्या मुद्यावर चिंता व्यक्त करतांना राज्य सरकारांनी हा मुद्दा  प्राधान्यक्रमाने घेण्याची सूचनाही मोदी यांनी केली. कोणा पत्रकारावर हल्ला होणे, वा त्याची हत्या होणे ही गंभीर बाब आहे, असे ते म्हणाले. मुख्यमंत्र्यांसोबतच्या बैठकीत या मुद्यावर मी चिंता व्यक्त केली होती, असे ते म्हणाले. माध्यमांकडून होणार्‍या चुकांवरून त्यांच्या कामाचे आकलन केले जाऊ नये, असे मोदी म्हणाले.
जे दिसते, ऐकू येते त्यावर अवलंबून न राहता बातमीमागची बातमी शोधून काढणे म्हणजे पत्रकारिता आहे, याकडे लक्ष वेधत काही निवडक पत्रकारांना बातमी देण्याच्या सरकारी प्रवृत्तींवर त्यांनी टिका केली. बातमी मिळवण्याचा अधिकार सर्वांचा आहे, त्यामुळे सर्वांनाच बातम्या मिळाल्या पाहिजे, असे ते म्हणाले.
माध्यमांच्या कामात बाह्यशक्तीच्या हस्तक्षेपाचा विरोध करत माध्यमांनी स्वत:च्या कमाचे स्वत:चे मूल्यांकन केले पाहिजे, आत्मपरीक्षण केले पाहिजे, असे मोदी म्हणाले. आणिबाणीच्या काळात प्रेस कौन्सिल बरखास्त करण्यात आली होती, माध्यमांवर निबर्र्ध लादण्यात आले होते, जनता पक्षाचे सरकार आल्यानंतरच परिस्थितीत सुधारणा झाली याकडे त्यांनी लक्ष वेधले. माध्यमांनी सकारात्मक भूमिका बजावण्याचे आवाहनही त्यांनी केले. पठाणकोट वायुसेनेच्या तळावरील दहशतवादी हल्ल्याच्या घटनेचे आक्षेपार्ह प्रसारण केल्यामुळे एनडीटीव्ही या वाहिनीवर एक दिवसांची प्रसारण बंदी लावण्याच्या सरकारच्या निर्णयाच्या पृष्ठभूमीवर पंतप्रधान मोदी यांच्या या विधानाकडे पाहिले जात आहे. प्रसारण बंदीच्या या निर्णयाला नंतर सरकारने स्थगिती दिली होती.

शेअर करा

Posted by on Nov 17 2016. Filed under छायादालन, ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google