Home » ठळक बातम्या, नागरी, राष्ट्रीय » सार्वजनिक लेखा समिती नोटबंदीनंतरच्या परिस्थितीचा आढावा घेणार

सार्वजनिक लेखा समिती नोटबंदीनंतरच्या परिस्थितीचा आढावा घेणार

तभा वृत्तसेवा
नवी दिल्ली, १ डिसेंबर –
pac-public-accounts-committee-in-indiaपाचशे आणि हजार रुपयांच्या नोटा चलनातून बंद करण्याचा निर्णय सरकारने घेतल्यानंतर देशात उद्‌भवलेल्या आर्थिक परिस्थितीचा आढावा घेण्यासाठी अर्थमंत्रालयाचे वरिष्ठ अधिकारी आणि रिझर्व्ह बँकेच्या गव्हर्नरला पाचारण करण्याचा निर्णय संसदेच्या सार्वजनिक लेखा समितीच्या आज झालेल्या बैठकीत घेण्यात आला.
सार्वजनिक लेखा समितीच्या आज झालेल्या बैठकीत नोटबंदीच्या निर्णयानंतर देशात उदभवलेल्या आर्थिक परिस्थितीचा आढावा घेण्यासाठी अर्थमंत्रालयाचे सचिव अशोक लवासा, आर्थिक घडामोडींविषयक सचिव शक्तिकांत दास आणि रिझर्व्ह बँकेचे गव्हर्नर डॉ. ऊर्जित पटेल यांना बोलावण्याचा निर्णय एकमताने घेण्यात आल्याचे समितीचे अध्यक्ष वरिष्ठ कॉंग्रेस नेते के. व्ही. थॉमस यांनी सांगितले.
या अधिकार्‍यांना जानेवारीच्या पहिल्या वा दुसर्‍या आठवड्यात समितीसमोर बोलावले जाईल, या अधिकार्‍यांना बोलवण्याची नेमकी तारिख अद्याप ठरवण्यात आले नाही, रिझर्व्ह बँकेचे गव्हर्नर डॉ. ऊर्जित पटेल यांच्या सोयीनुसार ही तारिख ठरवली जाईल, असे थॉमस यांनी स्पष्ट केले.
पाचशे आणि हजार रुपयांच्या नोटा चलनातून बंद करण्याच्या सरकारच्या निर्णयाचा अर्थव्यवस्थेवर प्रतिकूल परिणाम होण्याची भीती विविध क्षेत्रातून व्यक्त केली जात आहे. देशाच्या सकल राष्ट्रीय उत्पन्नात अर्धा टक्क्यापासून दोन टक्क्यापर्यंत घट होण्याची शक्यता व्यक्त करण्यात येत आहे. माजी पंतप्रधान डॉ. मनमोहनसिंग यांनी राज्यसभेत केलेल्या भाषणात नोटबंदीच्या निर्णयामुळे देशाच्या सकल राष्ट्रीय उत्पन्नात दोन टक्क्यांनी घट होण्याची शक्यता वर्तवली होती.  नोटबंदीनंतर उद्‌भवणारी परिस्थिती हाताळण्यासाठी कोणकोणत्या उपाययोजना करण्यात आल्या, या उपाययोजना पुरेशा होत्या का, नसतील तर सरकारने काय केले, याबाबतची विचारणा समितीच्या बैठकीत या अधिकार्‍यांकडे केली जाणार असल्याचे समजते.

शेअर करा

Posted by on Dec 2 2016. Filed under ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google