Home » प.महाराष्ट्र » एकच लक्ष्य, फलटणला सर्वपक्षीय नगराध्यक्ष

एकच लक्ष्य, फलटणला सर्वपक्षीय नगराध्यक्ष

phaltan_mapविशेष प्रतिनिधी
फलटण, [दि. २४ ऑक्टोबर] – विधानपरिषदेचे सभापती श्रीमंत रामराजे नाईक निंबाळकर यांच्या एकहाती सत्तेला शह देण्याच्या जोरदार हालचाली फलटण शहरात रंगू लागल्या आहेत. आता थेट नगराध्यक्ष निवडणुकीतून त्याची परिणिती करण्यासाठी ‘एकच लक्ष्य, फलटणला सर्वपक्षीय नगराध्यक्ष’ अशी घोषणा सोमवारी झालेल्या सर्वपक्षीय बैठकीत करण्यात आली.
सोमवारी फलटण नगरपालिका निवडणुकीसंदर्भात सर्व पक्षातील प्रमुख नेत्यांची याची आज दुपारी दोन वाजता फलटण शहरात बैठक झाली. कुणाच्याही बंगल्यावर व कुणाच्या घरी बैठक न घेता एका छोट्याश्या चहा कॉर्नरवर ही बैठक पार पडली. यावेळी सर्व पक्षाचे पदाधिकारी उपस्थित होते. या बैठकीत फलटण शहरातील समस्या व इतर अनेक विषयांवर चर्चा झाली. तसेच सर्वपक्षांनी एकत्र येऊन काम केले तर नगरसेवक निवडून येतील व इतर अनेक प्रश्न मार्गी लागतील. या अनुषंगाने चर्चा करण्यात आली. तसेच रामराजेंच्या एकहाती सत्तेला सुरुंग लावण्यासंदर्भात गोपनीय नियोजन करण्यात येऊन तशी रणनीती आखण्यात आली.
यावेळी भारतीय जनता पक्षाचे फलटण येथील अध्यक्ष सुशांत निंबाळकर. शिवसेनेचे विकास राऊत. शेतकरी संघटनेचे जिल्हाध्यक्ष धंनजय महामुलकर. राष्ट्रीय समाज पक्षाचे तालुकाध्यक्ष खंडेराव सरक. स्वराज्य सघंटणेचे जिल्हाध्यक्ष दिगंबर आगवणे, आरपीआयचे अध्यक्ष हरिषआप्पा काकडे, रासपचे तुकाराम गावडे पाटील, रासप युवाचे अध्यक्ष नीलेश लांडगे, प्रसाद करवा. भाजपचे शहर उपाध्यक्ष नाना जाधव, माऊली कदम, आप्पा चोरमले, अहमद शेख, बापू रसाळ, संदीप अहिवळे उपस्थित होते.
सर्वांनी मिळून एकत्र येऊन काम करण्यासाठी सुरुवात करण्यात आली. आता ‘एकच लक्ष सर्वपक्षीय आघाडीचा नगराध्यक्ष’ अशी घोषणा करण्यात आली. या घोषणेमुळे शहराच्या राजकीय वर्तुळात मोठी चर्चा सुरु झाली असून इथले रंगतदार राजकारण पाहणे औत्सुक्याचे ठरणार आहे.

शेअर करा

Posted by on Oct 25 2016. Filed under प.महाराष्ट्र. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google