Home » प.महाराष्ट्र » पाणीसाठा पाहून तरळले आनंदाश्रू

पाणीसाठा पाहून तरळले आनंदाश्रू

bandharaतभा वार्ताहर
सातारारोड, दि. २२ ऑक्टोबर –
तळीये (ता. कोरेगाव) येथील शिवकालीन दगडी वळण बंधार्‍यात साठलेल्या जलाचे महापूजन जिल्हाधिकारी अश्‍विन मुद्गल तसेच परांजपे ऑटो कास्टचे प्रसन्न परांजपे यांच्याहस्ते करण्यात आले. या जलपूजन कार्यक्रमाच्या दरम्यान उपस्थितांचा आनंद गगनात मावत नव्हता.
तळिये (ता. कोरेगाव) येथे नागपूरचे भोसले यांनी दगडी बंधारा बांधून शिवकाळात पाण्याचा प्रश्‍न मार्गी लावला होता. कालांतराने या बंधार्‍यात गाळ साठून त्याचे अस्तित्व लुप्त होत चालले होते. त्यातच सतत तीन वर्षे पडलेला भीषण दुष्काळ पाणी टंचाईमुळे तळीये ग्रामस्थांनी यावर खास उपाय शोधला. कर्तबगार अशी चांगल्या विचाराची मंडळी एकत्रित आली. पाण्यासाठी चांगले काहीतरी करायचे म्हणून थेट सातारा येथे गेली. राष्ट्रीय स्वंयसेवक संघाच्या जनकल्याण समितीची भेट घेतली. समितीचे विजयराव पंडीत यांच्याशी त्यांनी शिवकालीन बंधार्‍यातील गाळ काढणे व बंधारा मजबूत कसा करता येईल याविषयी सविस्तर चर्चा केली. सकारात्मक चर्चा झाली याच जोडीला त्यांना सातारा येथील मे. परांजपे ऑटोकॉस्ट प्रा. लि. कंपनीचे आर्थिक पाठबळ व मोलाचे सहकार्य प्राप्त झाले.
महाराष्ट्र शासन, परांजपे ऑटोकास्ट, राष्ट्रीय स्वयंसेवक संघ जनकल्याण समिती, सर्व ग्रामस्थ तळीये यांच्या संयुक्त विद्यमाने जलयुक्त शिवार अभियान अंतर्गत शिवकालीन दगडी वळण बंधार्‍यातील मोठ्या प्रमाणात गाळ काढण्यात आला. गाळ काढल्यानंतर लगेचच बंधार्‍याचे सिमेंटमध्ये मजबुतीकरण करण्यात आले. अनेक दशकानंतर बंधारा मोकळा झाला व प्रथमच त्यात चांगला पाणीसाठा झाला.
या कार्यक्रमास उपस्थित कोरेगावचे उपविभागीय अधिकारी हिम्मत खराडे, तहसिलदार शितल वाणी, कार्यकारी अभियंता, डॉ. सुभाष दर्भे, सरपंच दीपाली चव्हाण, उपसरपंच राणी लोखंडे, दीपक पिसाळ, परांजपे ऑटोकास्ट अधिकारी, कृषी व महसूल विभागाचे सर्व अधिकारी यांनी जलपूजन केले. आज या बंधार्‍यात ५० हजार घनमीटर म्हणजेच ५० टीसीएम पाणी साठा झालेला आहे. यामध्ये सुधाकर गद्रे व हणमंतराव नवाथे यांचे योगदान अतिशय मोलाचे आहे.
यावेळी जिल्हाधिकारी अश्‍विन मुद्गल म्हणाले की या सर्व कामात सामाजिक संस्था व व्यक्तिंचा सहभाग गौरवण्यासारखा आहे. आज प्रत्येक व्यक्तिने पाण्याचा थेंब थेंब वापर जपून करावा असे आवाहन यावेळी त्यांनी बोलताना केले.
जलपूजन कार्यक्रमास डॉ. म. भा. फणसळकर, धनंजय तांबे, मनोज कलापट, जयवंत सामंत, विश्राम चव्हाण, गोरख चव्हाण, हेमंत साठे, प्रमोद चव्हाण, कृषी अधिकारी साळुंखे, भारत गायकवाड, भाडळे, पळशी, बिचुकले, नलवडेवाडी, पिंपोडे बुद्रुक, वाठार स्टेशन, देऊर व परिसरातील युवक, महिला, नागरिकांची प्रामुख्याने उपस्थिती होती.

शेअर करा

Posted by on Oct 23 2016. Filed under प.महाराष्ट्र. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google