Home » राष्ट्रीय, सांस्कृतिक » संघाच्या केंद्रीय कार्यकारिणीत कम्युनिस्ट हिंसेवर चिंता

संघाच्या केंद्रीय कार्यकारिणीत कम्युनिस्ट हिंसेवर चिंता

rss-logoवि.सं.कें.
भाग्यनगर, दि. २४ ऑक्टोबर –
देशभरात विशेषत: केरळत कम्युनिस्ट पक्षाकडून चालणार्‍या राजकीय हिंसाचारावर रा.स्व. संघाच्या केंद्रीय कार्यकारिणीने चिंता व्यक्त केली आहे. रा.स्व. संघाच्या केंद्री्य कार्यकारिणीच्या दुसर्‍या दिवशी आज दोन ठराव पारित करण्यात आले. त्यातील पहिल्या ठरावात कम्युनिस्ट हिंसाचाराची कडक शब्दात निंदा केली आहे. केरळ मध्ये जवळपास रोज कम्युनिस्ट विरोधकांवर होत असलेल्या हल्ल्यांची या ठरावाद्वारे दखल घेण्यात आली असून हा हिंसाचार देशविघातक असल्याचा इशारा देण्यात आला आहे. संघ कोणाचाही द्वेष करीत नाही, परंतु मार्क्सवादी कम्युनिस्ट पक्ष मात्र हिंसेचे तत्वज्ञान पसरवत आहे. या ठरावाद्वारे रा.स्व.संघाने केरळ सरकार तसेच केंद्र सरकारला तातडीने या प्रकरणात लक्ष घालून हा मार्क्सवादी कम्युनिस्ट हिंसाचार थांबविण्याचे आणि समाजाला सुरक्षा प्रदान करण्याचे आवाहन केले आहे. कम्युनिस्ट पक्षालाही हिंसेचा मार्ग सोडून देण्याचे आवाहन केले आहे.
=वैश्‍विक संकटातून मार्ग – एकात्म मानव दर्शन=
आजच्या उपभोगवादी जीवनशैलीतून निर्माण झालेल्या वैश्‍विक आर्थिक संकटाचा सामना केवळ एकात्म मानवदर्शनाच्या माध्यमातूनच केला जाऊ शक्तो असे रा.स्व. संघाच्या कार्यकारिणीने दुसर्‍या ठरावाद्वारे म्हटले आहे. जगभरात फैलावलेली आर्थिक विषमता, पर्यावरण असंतुलन आणि आतंकवाद या समस्या मानवतेसमोरच्या गंभीर समस्या असल्याचे या ठरावात म्हटले आहे. अनियंत्रित भांडवलशाही आणि वर्ग-संघर्षाचे तत्वज्ञान मांडणारे साम्यवादी (कम्युनिस्ट) विचारसरणी या दोन टोकाच्या विचारसरणींनी आजच्या जगासमोरच्या समस्या निर्माण केल्या असून त्यावर केवळ एकात्म मानवदर्शनाच्या माध्यमातूनच मार्ग काढता येईल असे संघाचे मत असल्याचे या ठरावाद्वारे स्पष्ट करण्यात आले आहे. संघाची ही अखिल भारतीय कार्यकारी मंडळाची बैठक आज दुपारपर्यंत चालणार आहे. या बैठकीस केंद्रीय कार्यकारीणीचे चारशेहून अधिक सदस्य उपस्थित आहेत.

शेअर करा

Posted by on Oct 25 2016. Filed under राष्ट्रीय, सांस्कृतिक. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google