Home » सोलापूर » न.प.निवडणुकीत मित्रपक्षांना बरोबर घेणार: परिचारक

न.प.निवडणुकीत मित्रपक्षांना बरोबर घेणार: परिचारक

=नगर परिषद निवडणूक=
prashant-paricharakपंढरपूर, [२१ ऑक्टोबर] – आगामी पंढरपूर न.पा.ची निवडणूक सर्व मित्रपक्ष, संघटनांना बरोबर घेवून शहर विकास आघाडीच्या झेंड्याखाली लढविली जाईल. इच्छुकांनी उमेदवारी अर्ज २४ ऑक्टोंबरपर्यंत पांडुरंग भवन येथे आणून द्यावेत, असे आवाहन आ. प्रशांत परिचारक यांनी केले.
इसबावी येथील श्रीराम मंगल कार्यालयात न.पा. निवडणुकीच्या पार्श्‍वभूमीवर चर्चा करण्यासाठी शहर विकास आघाडम बैठक घेण्यात आली. यावेळी मार्गदर्शन करताना आ. परिचारक बोलत होते. यावेळी माजी आ.सुधाकरपंत परिचारक, शहर विकास आघाडीचे अध्यक्ष उमेश परिचारक, युवक नेते प्रणव परिचारक, माजी नगराध्यक्ष बाबासाहेब आधटराव, नगरसेवक दगडू धोत्रे, लक्ष्मण शिरसट, माजी नगरसेवक विलास साळुंखे, प्रताप गंगेकर, नागेश गंगेकर, सतिश मुळे, इक्बाल बागवान, कमलताई तोंडे आदी उपस्थित होते.
यावेळी कार्यकर्त्यांनी आपली मते मांडली. शहर विकास आघाडीच्या झेंड्याखाली मित्रपक्ष, संघटनांना बरोबर घेवून आघाडी करून निवडणूक लढवावी असा सूर अनेकांनी काढला. यावेळी मार्गदर्शन करताना माजी आ. सुधाकरपंत परिचारक म्हणाले, केंद्रात व राज्यात भाजपाची सत्ता आहे. यामुळे आता आ. प्रशांत परिचारक यांनी योग्य निर्णय घ्यावा.
पुढे बोलताना आ. प्रशांत परिचारक म्हणाले, विधान परिषद निवडणुकीत मला सर्व पक्षांनी मदत केली. यामुळे विजय संपादन झाला. न.पा. निवडणुकीत यश मिळविण्यासाठी सर्व मित्रपक्ष, संघटनांना बरोबर घेवून शहर विकास आघाडीच्या झेंड्याखाली निवडणूक लढविली जाईल. भाजप, शिवसेना, रिपाइंशी चर्चा करून त्यांना जागा दिल्या जातील. इच्छुकांनी आपले अर्ज २४ ऑक्टोंबरपर्यंत पांडुरंग भवन येथे आणून द्यावेत. निवडणूक लढविण्याची जागा राखीव असल्यास अर्जासोबत जातीचे प्रमाणपत्र, झेरॉक्स प्रत जोडावी असे आवाहन केले. यावेळी पदाधिकारी, कार्यकर्ते उपस्थित होते.
समविचारी पक्षांशी आघाडी करून निवडणूक लढविणार : आ.भालके
bharat-bhalkeनिवडणुकीसाठी राष्ट्रवादी कॉंग्रेस बरोबर चर्चा करून आघाडीच्या माध्यमातून निवडणूक लढविली जाईल. इच्छुकांनी आपले अर्ज महावीर नगर येथील संपर्क कार्यालयात आणून देण्याचे आवाहन आ. भारत भालके यांनी केले.
पंढरपूर नगरपरिषद निवडणुकीच्या पार्श्‍वभूमीवर चर्चा करण्यासाठी आ.भारत भालके गटाची बैठक निवडक कार्यकर्त्यासह झाली. यावेळी ते बोलत होते. बैठकीत कार्यकर्ते जोमात दिसले मात्र नेत्यात निरुउत्साह दिसून आला. नगरसेवक पदासाठी अनेकांची नावे चर्चेत आली तर नगराध्यक्षपदासाठी युवराज पाटील, नामदेव भुईटे, संतोष नेहतराव, किरण घाडगे यांची नावे चर्चेत होती.
पंढरपूर नगरपरिषद निवडणूक जाहीर झाली आहे. उमेदवारी अर्ज भरण्यास चार दिवस राहिल्यामुळे उमेदवार ठरविण्यासाठी बैठक घ्यावी अशी मागणी कार्यकर्त्यांतून होत होती म्हणून आ.भारत भालके यांनी गटाची बैठक बंगल्यावर घेतली. यावेळी आ. भारत भालके, सहकार शिरोमणीचे चेअरमन कल्याणराव काळे, विठ्ठल कारखान्याचे संचालक राजुबापू पाटील, युवराज पाटील, कॉंग्रेसचे तालुकाध्यक्ष प्रकाश पाटील, दिनकर पाटील, तीर्थक्षेत्र विकास आघाडीचे अध्यक्ष सुधीर धुमाळ, निवडक कार्यकर्ते उपस्थित होते.
बैठकीत इच्छुक नगरसेवक व नगराध्यक्षपदा बाबत चर्चा करण्यात आली. यावेळी अनेक कार्यकर्त्यानी उमेदवारीचे मागणी करून कशा पध्दतीने निवडणूक लढविता येईल याबाबत मते मांडली.
काही जणांनी राष्टवादी कॉग्रेसबरोबर आघाडी करून कॉंग्रेसच्या पंजा या चिन्हावर निवडणूक लढवावी, असे मत मांडले. सर्व कार्यकर्त्यांचे विचार ऐकल्यानंतर या निवडणुकीत मोठया प्रमाणात खर्च येणार असल्याने नेत्यांनी तुम्ही लक्ष्मी दर्शन करण्यास तयार असाल तर आम्ही येवू असे अश्‍वासन दिले.
एकंदरीत बैठकीत नेत्यात निरुत्साह दिसून आला. निवडणुकीसाठी इच्छुक असलेल्या उमेदवारांनी आ.भारत भालके यांच्या कार्यालयात अर्ज आणून द्यावेत असे आवाहन यावेळी करण्यात आले.

शेअर करा

Posted by on Oct 22 2016. Filed under सोलापूर. You can follow any responses to this entry through the RSS 2.0. You can leave a response or trackback to this entry

प्रतिक्रिया नोंदवा

Enable Google Transliteration.(To type in English, press Ctrl+g)

हवामान

  • दृष्टीक्षेपात

      व्हिडीओ संग्रह

      मागील बातम्या, लेख शोध

      Search by Date
      Search by Category
      Search with Google