ads
ads
दोन टप्प्यानंतर ममता झोपल्याच नाहीत

दोन टप्प्यानंतर ममता झोपल्याच नाहीत

•पंतप्रधान मोदी यांचा जोरदार हल्ला, बुनियादपूर, २० एप्रिल –…

दहशतवाद, पाकला प्रत्युत्तर देण्यासाठी मोदीच पंतप्रधान हवेत : अमित शाह

दहशतवाद, पाकला प्रत्युत्तर देण्यासाठी मोदीच पंतप्रधान हवेत : अमित शाह

बंगरूळु, २० एप्रिल – देश सुरक्षित राहण्यासाठी आणि दहशतवाद…

राज्यांमध्ये लवकरच सायबर न्यायवैद्यक प्रयोगशाळा

राज्यांमध्ये लवकरच सायबर न्यायवैद्यक प्रयोगशाळा

•महिलाविरोधी गुन्ह्यांतील डीएनए चाचणी होईल शक्य, नवी दिल्ली, २०…

१८ वर्षीय तरुणीला मदरशामध्ये जिवंत जाळले

१८ वर्षीय तरुणीला मदरशामध्ये जिवंत जाळले

•प्राचार्याविरुद्ध केली लैंगिक छळाची तक्रार •बांगलादेशातील काळिमा फासणारी घटना,…

रशिया, ट्रम्प यांच्या प्रचारकांमध्ये संगनमत नसल्याचा दावा

रशिया, ट्रम्प यांच्या प्रचारकांमध्ये संगनमत नसल्याचा दावा

वॉशिंग्टन, १९ एप्रिल – अमेरिकी अध्यक्षपदाच्या २०१६ मधील निवडणुकीत…

पाकिस्तानमध्ये १४ प्रवाशांना घातल्या गोळ्या

पाकिस्तानमध्ये १४ प्रवाशांना घातल्या गोळ्या

कराची, १८ एप्रिल – पाकिस्तानातील बलुचिस्तान प्रांतात एका महामार्गावर…

प्रियांका चतुर्वेदी शिवसेनेत

प्रियांका चतुर्वेदी शिवसेनेत

•व्यथित अंत:करणाने काँग्रेसचा राजीनामा, नवी दिल्ली/मुंबई, १९ एप्रिल –…

…तर नेत्याला रॉकेटवर बांधून पाठवले असते!

…तर नेत्याला रॉकेटवर बांधून पाठवले असते!

•मुख्यमंत्री देवेंद्र फडणवीस यांचा घणाघात, नगर, १६ एप्रिल –…

काँग्रेस हा गाढवांचा पक्ष : प्रकाश आंबेडकर

काँग्रेस हा गाढवांचा पक्ष : प्रकाश आंबेडकर

सोलापूर, १४ एप्रिल – काँग्रेस हा गाढवांचा पक्ष असल्याची…

निवडणूक निकालांची प्रदीर्घ प्रतीक्षा

निवडणूक निकालांची प्रदीर्घ प्रतीक्षा

॥ सारांश : ल.त्र्यं. जोशी | प्रणाली एवढी विकसित…

मोदीकालीन परराष्ट्र व संरक्षण धोरण

मोदीकालीन परराष्ट्र व संरक्षण धोरण

॥ विशेष : डॉ. शैलेंद्र देवळाणकर, परराष्ट्र धोरण विश्‍लेषक,…

गांधी : आडनावाचे आणि नोटांच्या गड्डीत बांधलेले…

गांधी : आडनावाचे आणि नोटांच्या गड्डीत बांधलेले…

॥ रोखठोक : हितेश शंकर | सौद्यात संपत्तीच्या मूळ…

फोर्ब्सच्या यादीत अक्षयची बाजी

फोर्ब्सच्या यादीत अक्षयची बाजी

‘फोर्ब्स’ने नुकतीच सर्वाधिक कमाई करणार्‍या अभिनेत्यांच्या नावाची यादी जाहीर…

सनीला साकारायची होती ऐतिहासिक चित्रपटात भूमिका

सनीला साकारायची होती ऐतिहासिक चित्रपटात भूमिका

बॉलिवूडची बेबी डॉल म्हणजेच सनी लिओनीचे नाव इंटरनेटवर सर्वाधिक…

गरज असताना सार्‍यांनीच पाठ फिरवली!

गरज असताना सार्‍यांनीच पाठ फिरवली!

‘रेस- ३’ चित्रपटातून बॉलिवूडमध्ये कमबॅक करणारा अभिनेता बॉबी देओल…

पंचांग
वार: | तिथी:
नक्षत्र: | राशी:
करण: | योग:
सूर्योदय: 06:07 | सूर्यास्त: 18:42
अयनांश:
Home » अग्रलेख, संपादकीय » विजयाचे तोरण बांधणारा मुख्यमंत्री!

विजयाचे तोरण बांधणारा मुख्यमंत्री!

मराठा समाजाला १६ टक्के आरक्षण देणारे विधेयक विधानसभा व विधान परिषदेत एकमताने गुरुवारी मंजूर झाले. राज्यपालांची स्वाक्षरी झाल्यावर हा कायदा अधिकृतपणे लागू होईल. याचे श्रेय नि:संशय मुख्यमंत्री देवेंद्र फडणवीस यांना दिले पाहिजे! मराठा समाजाला आरक्षण द्यावे, यासाठी मराठा समाजाने राज्यभर जे लाखो लोकांचे मूक मोर्चे काढले, त्यामुळे याची पृष्ठभूमी तयार झाली, हेही खरेच; परंतु कायद्यासमोर टिकणारे आरक्षण देण्याचे प्रामाणिक व सफल प्रयत्न केल्याचे तसेच विजयाचे तोरण बांधण्याचे श्रेय मात्र फडणवीसांचेच आहे! मराठा समाजाने इतकी वर्षे जे आंदोलन केले, काहींना त्यात जीवही गमवावा लागला, त्यामुळेच हे आरक्षण मिळाले. फडणवीस सरकारचा नाइलाज होता म्हणून त्यांनी हे दिले. अशी भावनाही व्यक्त होत आहे. हाच तर्क लावायचा म्हटला, तर संयुक्त महाराष्ट्राचे श्रेय यशवंतराव चव्हाणांनाही द्यायला नको. ते एकटेच लढत होते का? आणि तरीही, संयुक्त महाराष्ट्र राज्याचा मंगलकलश यशवंतरावांनीच आणला, असे सांगितले गेले. मग हेही चूकच म्हणावे लागेल. मराठ्यांचा अनभिषिक्त नेता शरद पवार यांची राष्ट्रवादी काँग्रेस व मराठ्यांचेच कथित वर्चस्व असलेली काँग्रेस यांची पंधरा वर्षे सत्ता असताना, आरक्षण का मिळाले नाही? शेवटी शेवटी आरक्षण दिले, पण ते कायद्यासमोर टिकणार नाही, असेच दिले. त्यामुळे मराठा समाजाच्या आंदोलनामुळे हे आजचे आरक्षण मिळाले, हे अर्धसत्य आहे. आंदोलनामुळे, लाखोंच्या मूक मोर्चामुळे हा विषय ऐरणीवर आला, हे खरेच. पण त्याची दखल घेत, प्रामाणिकपणे प्रयत्न करीत, आरक्षणाचा कायदा करण्याचे श्रेय मात्र फडणवीस सरकारलाच द्यायला हवे. गेली चार वर्षे फडणवीस यांनी मराठा आरक्षणासाठी ठाम भूमिका घेतली. हे आरक्षण देण्यात कुठेही मर्मस्थाने राहू नयेत म्हणून सर्वतोपरी काळजी घेतली. या काळात, फडणवीस यांच्यावर कमी आरोप झाले नाहीत! त्यांची टर उडविण्यात आली. मराठा नेत्यांनी कटू टीका केली. जाणत्या राजाने त्यांची अप्रत्यक्षपणे जातही काढून पाहिली. लाखोंचे मूक मोर्चे निघाल्यावर, हिंसक आंदोलन करण्याचाही प्रयत्न झाला. यामुळे फडणवीस व्यथित झालेत, पण डगमगले नाहीत. त्यांनी शांतपणे सर्व सहन केले. त्यांनी वचन दिले होते की, मराठा समाजाला आम्हाला आरक्षण द्यायचे आहे आणि मी ते देईनच. त्या वचनपूर्तीवर त्यांनी लक्ष केंद्रित ठेवले. त्याचा परिणाम म्हणजे मराठा समाजाला मिळालेले हे १६ टक्क्यांचे आरक्षण आहे. मधल्या काळात, सरकारी नोकरीच्या जागा निघाल्या होत्या. त्यातील काही जागा मराठा समाजासाठी रिक्त ठेवण्याचा निर्णयही त्यांनी घेतला. हेतू स्वच्छ आणि प्रामाणिक असेल, तर शंभर मार्ग असतात आणि हेतूच कुटिल असेल तर शंभर अडथळे असतात, हेच खरे! देवेंद्र फडणवीसांनी मात्र या यशाचे श्रेय सार्‍या महाराष्ट्रालाच देऊन टाकले आहे. सामाजिक प्रश्‍नावर महाराष्ट्र नेहमीच एकजूट होतो, हे या निमित्ताने पुन्हा एकदा समोर आले आहे, असे त्यांनी विधानसभेत बोलताना सांगितले. हा त्यांच्या मनाचा मोठेपणा आहे. पण, म्हणून आम्ही कद्रुपणा दाखवू नये. आंदोलन म्हटले म्हणजे सर्वसामान्य जनतेच्या उरात धडकीच भरते. कारण, आंदोलनाचा अनुभव प्रत्येकाच्या पदरी असतो. मराठा समाजाने मात्र या आंदोलनाच्या दाहक अनुभवाला फाटा देण्याचे काम केले आहे, हे मान्य करावेच लागेल. लाखो मराठ्यांचा मोर्चा निघत होता आणि तरीही कुठेही काहीही गडबड नाही, रहदारीचे तुंबणे नाही, तोडफोड-हिंसा नाही, कुठलाही राजकीय पुढारी मंचावर नाही… हे सर्व महाराष्ट्रातील जनतेला नवीनच होते. त्याचे तमाम जनतेने स्वागत केले. आंदोलनाच्या नेतृत्वाला मनोमन सलाम केला. काहींना मात्र हे रुचले नाही. त्यांनी या आंदोलनाला गालबोट लावण्याचा प्रयत्न केला. परंतु, ते गालबोटच राहिले, संपूर्ण आंदोलनाचा तो स्वभाव होऊ शकला नाही. हे फार महत्त्वाचे आहे. आता यापुढे तरी, महाराष्ट्रात जी काही आंदोलने होतील, त्याचे मूल्यमापन करण्यासाठी मराठा समाजाचे हे भव्य मोर्चे आधार म्हणून निश्‍चितच घेतले जातील. आंदोलनाच्या रूढ संकल्पनेला एक नवे, सकारात्मक, आश्‍वासक वळण देण्यात मराठा आंदोलनाच्या नेत्यांना यश आले आहे, याचे निश्‍चितच अभिनंदन करायला हवे.
२०१९च्या निवडणुकीवर डोळा ठेवून फडणवीस सरकारने हा निर्णय घेतला, असाही एक आक्षेप घेतला जातो. पण यात चूक काय? आपली लोकशाही व्यवस्था निवडणूककेंद्रित आहे. मुख्यमंत्री किंवा पंतप्रधानांवर, राज्य चालविण्यासोबतच पुढील निवडणुकीत त्यांच्या पक्षाला निवडून आणण्याचीही अदृश्य जबाबदारी असते. विजयी होण्यासाठी बहुसंख्य मतांची गरज असते. त्यामुळे मतांसाठी निर्णय घेतला, म्हणून टीका करण्यात काही अर्थ नाही. कुठला नेता किंवा पक्ष मतांचे राजकारण करत नाही? दुसरा आक्षेप हा की, मराठा समाज खरोखर मागास आहे का? त्यांचे तर कितीतरी मुख्यमंत्री झालेत, संपूर्ण सहकार क्षेत्र, साखर कारखाने, सहकारी बँका, दूध डेअरी, शाळा, इंजिनीअरिंग कॉलेजेस मराठ्यांच्या ताब्यात असताना हा समाज मागास कसा? या प्रश्‍नाला उत्तर राज्य सरकारने स्थापन केलेल्या मागास वर्ग आयोगाने सविस्तर व पुराव्यानिशी दिले आहे. त्यामुळे आता याही आक्षेपाला काही अर्थ उरलेला नाही. मराठा समाजाला आता आरक्षण मिळाले आहे. त्याचा त्यांनी सदुपयोग करावा. या आरक्षणाच्या माध्यमातून त्यांच्या समाजात जो मागासलेपणा रुजला आहे, तो समूळ नष्ट करण्याचा प्रामाणिक प्रयत्न करावा. काहीच घराणी या आरक्षणाचा पिढ्यान्पिढ्या लाभ घेत आहेत, असे जे एक वास्तव अन्य आरक्षणाच्या बाबतीत दिसून येते, तसे या आरक्षणाचे होऊ नये, याची काळजी मराठा समाजाचे नेतृत्व (जे अराजकीय आहे, असे आम्ही समजतो) घेईल, अशी आशा आहे. जेव्हा एखादा समाज उन्नती करतो, तेव्हा ते राज्य, तो देशही अप्रत्यक्षपणे उन्नत होत असतो. त्यामुळे मराठा समाजाचे मागासलेपण दूर होण्यात महाराष्ट्राचेही भले आहेच. हा समाज मेहनती आहे, काटक आहे, प्रामाणिक आहे. त्याला आता प्रगतीच्या संधी मिळाल्या आहेत. त्यामुळे यातून मंगल आणि अपेक्षित परिणामच येतील, असे वाटते. धनगर समाजालाही येत्या अधिवेशनापूर्वी आरक्षण देण्याचा शब्द मुख्यमंत्र्यांनी दिला आहे. हीदेखील एक शुभ घटना आहे. हा मुख्यमंत्री शब्द पाळणारा आहे. कुणीही कितीही विरोध केला, दबाव आणला, टीका केली, तरीही न डगमगता दिलेला शब्द पूर्ण करणारा आहे. आता मराठा समाजानेही अशा या मुख्यमंत्र्याच्या मागे, जुने राजकारण बाजूला सारून, पूर्ण ताकदीने उभे राहून आपल्या मनाचा उमदेपणा दाखवून दिला पाहिजे, अशी अपेक्षा करणे चूक ठरेल काय?

https://tarunbharat.org/?p=68730
Posted by : | on : 1 Dec 2018
Filed under : अग्रलेख, संपादकीय.
You can follow any responses to this entry through the RSS 2.0You can leave a response or trackback to this entry

Leave a Reply

Your email address will not be published. Required fields are marked *

Change Language: press Ctrl+g

    छायाचित्रातून

  • भारताने ऑस्ट्रेलियात रचला इतिहास भारताने ऑस्ट्रेलियात रचला इतिहास
  • हार्दिक पंड्या, लोकेश राहुलला बीसीसीआयची नोटीस हार्दिक पंड्या, लोकेश राहुलला बीसीसीआयची नोटीस
  • भारताचा ऑस्ट्रेलियात विक्रमी विजय भारताचा ऑस्ट्रेलियात विक्रमी विजय
  • पृथ्वीचे पदार्पणातच ‘शॉ’नदार शतक पृथ्वीचे पदार्पणातच ‘शॉ’नदार शतक
  • कोहली, मीराबाईला खेलरत्न कोहली, मीराबाईला खेलरत्न

हवामान

दृष्टीक्षेपात

व्हिडीओ संग्रह

More in अग्रलेख, संपादकीय (271 of 902 articles)


कुहीकर | ‘‘मी हिंदुवादी नेता नाही, तर राष्ट्रवादी नेता आहे. मी प्रत्येक धर्माचा, जातीचा, भाषेचा आणि प्रत्येक वर्गाचा नेता आहे. ...

×